قصة : ( دميتي ) ل سهيلة سعيد المنجي ، فكرة : نور عمر

الحلقة ١٣ و ١٤

قصة { #دميتي } 🎭

الحلقة الثالثة عشر { ١٣ } 🗝

هالة : ماشي ي قلبي ؟
نورا ب ابتسامة : حاضر
هالة وهي بتمسك وشها تبوسها من خدها : حضرلك الخير ي حبيبتي
( تاخدها ف حضنها ، يبصلها منصور هاين عليه يقوم ياخدها من حضنها )
منصور وهو بيقوم : يلا بينا !
نورا وهي بتقوم : اوك
هالة : ع مهلكم ، خلي بالك منها ي منصور
منصور : ف عنيا ي ست الكل
( يوطي يبوس ايد مامته ، تستغربه نورا ، يمشي منصور ونورا وراه ، يطلعوا م البيت ، يقف منصور جنب العربية ويبص ل نورا )
منصور : لفي
نورا ب استغراب : نعم ؟!
منصور : لفي
نورا بعدم فهم : الف فين ؟!
منصور وهو بيشاورلها ب ايده : لفي اضيري يعني
نورا بقلق : ليه ؟!
منصور ب اصرار : لفيييي
( تلف نورا بخوف ، يقرب منصور يشيل التوكة الي ف شعرها ، يقع شعرها ع ضهرها يداري فتحة كانت ف ضهر الفستان ، يفرد شعرها ب ايده ، يترعش جسمها من لمسه ايده لرقبتها غصب عنه )
منصور : كدة احسن
( يفتحلها باب العربية ، تستغربه اكتر ، تركب ويركب ويمشوا ، طول الطريق نورا عمالة ترمي نظرات ل منصور ، مش دة منصور بتاع امبارح ابداً ، في هدوء رهيب عنده حتى ف التصرفات الي المفروض بيتعصب فيها بيتعامل معاها حالياً بعقلانية ، تتخنق نورا م الهدوء دة وحتى مبيبصلهاش ، تمسك الفون بتاعها تحط فيه وصلة الأغاني وتشغل اغاني ف العربية من عندها ، يشتغل مهرجان *سوري* مرة واحدة يخض منصور ، ترفع نورا فستانها تخضوا اكتر يلاقيها لابسة بنطلون تحتيه ، ترفع رجليها ع التابلوه قدامها ، يبصلها مزهول من كل الي حصل ف اقل من دقيقة )
منصور ب استغراب : ايه الي مشغلاه دة !!
نورا : مش عاجبك المهرجان ؟
منصور : الأنيل إنه عاجبك انتي !
نورا : اة فعلاً بحبه ، شكلك ملكش ف المهرجانات
منصور : لأ !
نورا : سوري
( تبصله بنص ابتسامة )
نورا : اجمد اعم الطري
( يحس الكلام عليه ، يبصلها بغيظ )
منصور ب ابتسامة وغيظ : حطي الحزام
نورا ب استغراب : حزام اي ....................
( متلحقش تكمل كلامها يزود السرعة ع اخره مرة واحدة يخضها ويدخل بين العربيات ، نورا عمالة تتخبط فيه وف العربية ، لعب بيها طاولة م الأخر )
نورا بخضة وصريخ : منصووووور ، منصور بالراحاااااااااا !
( تتخبط فيه تمسك ف دراعه ، عربية قدامهم )
نورا بصريخ : هنعمل حدثااااااااه !
( يفرمل مرة واحدة يركن قدام المول )
منصور : وصلنااا
( تفضل ماسكة فيه مصدومة م الي حصل )
منصور وهو بيبصلها : عاجبك دراعي ؟!
( تنتبه لمسكته )
نورا وهي بتسيبه : دراع ايه كنت هتموتناا !
منصور : م قلتلك حطي الحزام !
( يلبس نضارة الشمس بتاعته وينزل ، تنزل نورا بببطئ اعصابها سايبة )
نورا بصوت واطي : ماشي ي بن الجزمة ي جزمة ، ماشي !
( يقرب عليها يحط ايده ف وسطها يحاوطها بدراعه ، تتخض نورا من لمسته والموقف وتبصله ، يدخله المول ، منصور باصص لطريقه ونورا مش باصة غير ليه ، مستغرباه ، يقلع النضارة ويحطها ف القميص ، يبدأ يوجهها ب ايده للطريق ويبعدها عن الناس ، كل م يعدي شاب من جنبها يضمها ليه اكتر ، باقي شوية ويحطها جوة هدومه يخبيها م العيون ، يدخله محل ، يبدأ ينقيلها هدوم عبارة عن فساتين طويلة وبكم ، تبدأ نورا تقيس وتوريه ، تاخد وهي داخلة البروڤا سلوبيت متعلق وتبتسم بخبث ، تلبسه وتطلعله )
نورا : ايه رأيك ؟
( يتخض منصور ، لابسة سلوبيت لونه اسود عبارة عن هوت شورت وتوب البادي شبه المايوه ، لسة هيقوملها تقفل الباب ف وشه وتقعد تضحك جوة ، يضغط منصور ع شفايفه وايده ع اخره منها ، يخلصوا ويشتريلها الهدوم ويمشوا ، ف الطريق ، نورا ساندة ايدها الأتنين ع الشباك وحاطة دماغها عليهم ، مستمتعة جداً بالهوا الي بيطير شعرها مغمضة عيونها ومبتسمة ، يقفوا ف اشارة ، يبصلها منصور )
منصور : هو انتي ليه مصممة تكملي بالقناع دة ؟!
نورا وهي بتبصله ب استغراب : قناع !!
منصور : اة قناع ، قناع البنت المتمردة مع إنك مش كدة !
نورا : وانت تعرف منين إني مش كدة ، انت متعرفنيش ي منصور !
( يسكت باصصلها ، ترجع تضير وشها ، يوصلوا قدام البيت ، تتفتح بوابة الڤيلا ، يقف منصور وينزل م العربية ويفتحها من ورا ، تنزل نورا ، ياخد البواب الشنط )
منصور : قول ل سيدة تطلعهم اوضة نورا
البواب : هطلعهم ي بيه
منصور بعصبية مكتومة : قلت سيدة الي تطلعهم ي عم سامي ⁦!
البواب : حاضر ي بيه الي تؤمر بيه
( تلاحظ نورا عصبيته ، يشاورلها إنها تدخل )
نورا بتوتر : ممكن مدخلش ؟
منصور ب استغراب : يعني ايه متدخليش ؟!
نورا : زهقانة شوية ، هقعد ف الجنينة
منصور بفهم : اة ، زي م تحبي ، انا هطلع اغير هدومي ورايح الشركة
نورا : اوك
منصور : محتاجة حاجة اجيبهالك وانا جاي ؟
نورا ب استغراب : لأ ميرسي !
( يدخل منصور الڤيلا ، يرن الفون بتاعه )
منصور وهو بيرد : السلام عليكم 
بنت : عليكم السلام
منصور : ايوة ؟
بنت : منصور معايا ؟
ممصور : اة
بنت : انا مش عارفة اقولك ايه بس .....................
منصور ب استغراب : مين معايا ؟!
بنت : لا مقدرش اقولك انا مين
منصور : طب متصلة ليه ؟!
بنت : انا معجبة بيك جداً بصراحة و ....................
( يقفل منصور ف وشها ويطلع اوضته يغير هدومه ، نورا قاعدة ف الجنينة ، يشوفها اسر ، يقرب عليها )
اسر : جنينتنا نورت والله
نورا ب ابتسامة : ميرسي ي اسر
( يقعد جنبها بس بعيد )
اسر : قاعدة لوحدك ليه كدة ؟!
نورا : مخنوقة شوية
اسر : من منصور طبعاً
نورا ب ابتسامة احراج : لاااااء !
اسر وهو بيغمزلها : قولي بس سرك ف بير
نورا : لا مش منه لأ !
اسر : متخافيش مش هقوله ، بس انتي كمان اوعي تقوليله
نورا : هههههههه
اسر : ايوة كدة فكي مش مستاهلة
نورا بتنهيدة : ع رأيك
اسر : مش عاوزة تقولي ايه الي خانقك برضو ؟
نورا : مش منصور والله
اسر : اومااال ؟
نورا : حاجات كدة فكك
اسر : طيب براحتك ، بس لو حبيتي تحكي انا موجود ، انا زي اخوكي بالظبط ⁦
نورا : اكيد ي اسر ، تسلم
اسر : قوليلي بقا ايه الي خانقك ؟
نورا : هههههههه خلاص بقااا
( تضربه ف كتفه )
اسر : ههههههه
( يشوفهم منصور م الشباك ، يضغط ع ايديه بغيظ ، يدخل جوة ياخد الفون والمفاتيح وينزل ، يقرب عليهم بكل غضب ، يشاور ل نورا )
منصور : خشي جوة
( يقوموا يقفوا )
نورا ب استغراب : في ايه ؟!
منصور بزعيق : ع جوااااا
( تمشي نورا تدخل جوة )
اسر : في ايه ي بني ؟!
( يهدي منصور )
منصور بتنهيدة : مافيش
اسر ب استغراب : اومال دخلتها ليه ؟!
منصور : هو انت معندكش شغل ؟!
اسر : لا لسة كنت رايح
منصور : طب تعالى معايا بقا
اسر : رايح الشركة ؟
منصور : اة
اسر : اشطا يلا بينا
منصور وهو بيحدفله مفاتيح : استناني ف العربية
اسر : اوك
( جوة ، نورا قاعدة مع انچي )
نورا : ي انچي انا معملتلهوش حاجة والله !
انجي : معلش ي نورا هو منصور عصبي ، استحمليه بس
نورا : مش ع طول هقدر اعمل كدة ي انچي انا صبري له حدود ⁦وليا اخر
منصور وهو داخل : وانا عاوزك تجيبي اخرك