قصة : (حتة مني ) الجزء الأول ، ل سهيلة سعيد المنجي ( 2015 )

الحلقة ١ و ٢

قصة : { #حتة_مني } 👫🧡

الحلقة الأولى { ١ } 🙈

*( شهر 6 ، سنة 2016 )*

( ف مدرسة ثانوى خاصة بنات وولاد ، وقت البريك ، بنت واقفة مع صحابها بتهزر وتضحك )
جنى : ههههههه ايوة عندها حق 😆
( يقرب شاب عليها من بعيد ، وفجأة ، يضربها ب القفا ، تتخض چنى ويضحكه صحابها )
جنى ب انفعال : كرييييييم حرام ع اهلك ارحم قفايااااا 😠
كريم : طول م انتي بتضحكي ضحكة الرقاصين دي هنفخك 👌

*( ملحوظة .. كريم وچنى صحاب جداً من اعدادي بقالهم خمس سنين سوا وحالياً دي اخر سنة ليهم ف ثانوي 👈 كريم شاب وسيم ، بشرته بيضة ، شعره اسود ، عيونه مابين الرمادي واللبني ، طوله متوسط وجسمه رياضي ، من عيلة كبيرة وبباه مذيع ف التليفزيون معروف ، شاب روش البنات هتموت عليه ، دايماً يعمل المصايب ويلجئ ل چنى عشان تحلهاله ، معظم بنات المدرسة بيحبه چنى عشان بتظبطهم مع كريم بس اكترهم بيكرهوها عشان هي قريبة منه جداً 👈 چنى بنت جميلة ، شعرها بني طويل ، بشرتها بيضة ، عيونها عسلي ، ملامحها صغيرة وكيوت ، جسمها رفيع وقصيرة ، بباها ومامتها كانه بيسافره كتير ل شغلهم وعمله حادثة ف مرة واتوفه وهي عايشة حالياً مع جدتها مامة بباها وظروفهم المادية كويسة جداً )*

جنى : لأ اسم الله عليك بتضحك سايلنت 🤷🏻‍♀️
كريم : انا راجل ، وبعدين انا مؤدب خليكي زيي وخديني حدوة ليكي وابقي مؤدبة 💁🏻‍♂
جنى : اخدك ايه ي عنيا ، حدوة !!
كريم : هي مش كدة ولا ايه 🤨
جنى : هتستهبل يلا دة انت بتصلي الجمعة يوم الأربع !
البنات : ههههههه 😆
كريم وهو بيسند ايده ع كتفها : بس بقا انتي هتسيحيلي قدام الأجانب ولا ايه 😅
( تقرب بنت عليهم )
جنى وهي بتبص للبنت : طيب استأذن انا بقا 😊
( تمشي چنى )
كريم ل چنى : رايحة فين ، انتي ابت 😐
رودى : هاي كريم 🙂👋
كريم وهو بيسلم عليها : هاي ورحمة الله وبركاته 👋
رودى : ازيك ؟
كريم : زي العسل وانتي ؟
رودى : انا تمام ، ميرسي ع توصيلة امبارح
كريم : لا ميرسي ع واجب انتي تؤمري 😉
رودى : تسلم ، انت فاضي دلوقتي ؟
كريم : الحقيقة انا مشغول جدي بس مفيش مانع اعزمك ع فيروز جوافة
رودى ب استغراب : هو في فيروز جوافة ؟!
كريم : اة وبطيخ كمان 🍉
رودي : اوكاي 🤷🏻‍♀️
( يمشي كريم مع رودي ، چنى واقفة مع صحابها ، تقرب بنت عليها )
دلال : چنى
( تبصلها )
جنى : نعم ؟
دلال : عوزاكي ممكن دقيقة بس ؟
جنى : اوك !
( تتمشى چنى مع دلال )
دلال : كنت عاوزة اسألك سؤال كدة ، بس ردي عليا بصراحة
جنى : اوك اسألي !
دلال : هو انتي حبيبة كريم ؟
جنى ب استغراب : دة اشمعنا ؟!
دلال : اصلك دايماً معاه يعني وف نفس الوقت هو بيقعد يكلم بنات تانيين ويهزر معاهم وانتي مش بتضايقي خالص ، ف مستغربة !!
جنى ب تنهيدة : والله ي جماعة انا وكريم صحاب واخوات مش اكتر من كدة 🙄
دلال : ي ستي اوك ، بقولك طيب انا كنت عاوزة اطلب منك طلب 😕
جنى ب تنهيدة : اتفضلي 😑
دلال : كنت عوزاكى تسألي كريم عني
جنى ب استغراب : عنك ازاي ؟!
دلال : اسأليه بس والنبي عشان عاوزة اتأكد من حاجة
جنى : ماشي بس اسأله عن ايه بالظبط م انا لازم افهم معلش 🤷🏻‍♀️
دلال : عوزاكي م الأخر تشوفيه معجب بيا ولا لأ 😐
جنى ب فهم : ااااه ، طب م تقولي كدة م الصبح 🙄
دلال : بس تردي عليا بسرعة اوك ؟
جنى : عيوني حاضر 😊
دلال : ميرسي ي چوچو ، باي
جني : باي
( تمشي دلال ، تتنهد چنى ب زهق ، تلمح كريم واقف مع رودي ، تقرب عليه )
جنى : كريم
( يبصلها )
جنى : تعالى عوزاك
كريم وهو بيزقها : لفي وارجعي تاني مش فاضيلك دلوقتي 👋
( يكمل كلامه مع رودي )
جنى : طب مصلحة 🙆🏻‍♀️
( كريم فاهم إن كلمة مصلحة يعني الموضوع فيه بنات )
كريم : ف ديلك هتلاقيني ف ديلك 😃
( تمشي چنى )
رودى : رايح فين ؟!
كريم : كملي العرقسوس الي ف ايدك دة خمسة وراجع 🏃🏻‍♂️
( تبص رودي ل البيبسي الي ف ايدها ب استغراب ، يروح كريم ورا چنى يقف معاها )
كريم ب فضول : ايه في ايه ؟
جنى : تعرف بنت اسمها دلال ؟
كريم ب هيام : هيييييييح دلال ؤ هو في احلى ولا اجمل من دلال 😍
جنى : يعني تعرفها ؟!!
كريم : اعرف مين ولا عمري سمعت عنها 🤷🏻‍♂️
جنى ب عصبية : اومال محسسني إنها مراتك ليه ي اخي !
كريم : ما علينا يعني بتسألي ليه ، مين دي ؟!
جنى : دي بنت معانا هنا كانت عاوزة تعرف انت معجب بيها ولا لأ ، هروح اقولها بقا إنك متعرفهاش اصلاً 🤷🏻‍♀️
( لسة هتمشي ................. )
كريم وهو بيمسك ايدها : ايه ايه استني بس 👋 هو انتي تعرفيها ؟
جنى : يعني مش شخصياً !
كريم : طب وريهالي الأول
جنى : طيب بص وراك هتلاقي بنت حاطة توكة حمرا ف شعرها ، هي دي 👈
( يبص كريم ، تلمحه دلال ، تبتسمله ب كسوف )
كريم ب اعجاب : ينهار ابيض عليا وع الي خلفوني ، بضعف قدام اللون الأحمر 😍
( يمشي كريم يقرب ع دلال )
جنى : نفسي اوفق راسك مرة ف الحلال 🙄
( يقف كريم يتكلم مع دلال ويهزر ويضحك معاها ، يرن جرس بدأ الحصص ، تقرب چنى ع كريم )
جنى : كريم يلا
كريم : ماشي هحصلك
جنى : لا دلوقتي المدرسين لما بيدخله قبلينا مش بيدخلونا يلا 🤷🏻‍♀️
( ميردش كريم ويكمل كلام مع دلال )
جنى ب غيظ : لا بقا مش كل مرة اتهزق بسببك 😠
( تجر چنى كريم من هدومه ، يمشي كريم بالعكس ل ورا عينه ع دلال بيضحكه لبعض ، يعدل كريم مشيته ويحط ايده ع كتف چنى ويطلعه يحضره حصتهم )
كريم ب همس : بت اچنااااا 🤭
جنى : ايه ؟
كريم ب صوت واطي : تاكي اوة ، هو دة المدرس الجديد ؟
جنى : ايوة هو
كريم ب ضحك مكتوم : شكله يفصل 🤭
جنى ب قلق : يخربيتك اسكت بقا احسن شكله عصبي وهيطردنا والله 🤦🏻‍♀
( المدرس عاطيهم ضهره لكن سامعهم )
المدرس : البت الي بتتوشوش دي تقوم تقف !
( تتخض چنى والكل يبصولها ، تتوتر وتقوم تقف ، يقرب عليها المدرس )
المدرس : كنتي بتكلمي مين بقا ؟
جنى وهي بتبص ل كريم ب توتر : اااا ، ولا حد بكلم نفسي 🤷🏻‍♀️
المدرس وهو بيقرب عليها : ليه اتهبلتي ، اطلعى برة 👈
جنى : ي مستر انا .........
المدرس ب زعيق : بقولك برة 😡👋
( تتخض چنى من عصبيته ، يمسك المدرس دراعها ب عنف ويشدها ، يتخض كريم ومن غير تردد يقوم يزق المدرس يلزقه ف الحيطة ، الكل يتفاجئ ويقومه يقفه ، چنى ترجع كريم ل ورا ويقوم صحابهم يهدوه ويهدوا المدرس )
المدرس ب زعيق : انت اتهبلت ي روح امك 😡
كريم ب انفعال : متجبش سيرة امي 😡
جنى ب خوف : كريم خلاص بالله عليك والنبي 😧
المدرس : انت هتنزل عند المدير حالاً ⁦☝⁩
كريم : انزل للمدير 🤷🏻‍♂️
( ينزل كريم والمدرس وراه )
جني : يلهوي بقا 🤦🏻‍♀️
( يدخله عند المدير ، چنى واقفة برة )
المدرس ب انفعال : الولد دة لازم ينطرد حالاً 😡⁦☝⁩