مـا بَيـن الحُـب والانتِقـام

البـارت الثانـي عشـر 💜🌿.

#همسـات 💜🌿.

لتنسونـي بالـ ⭐⭐⭐
شاركـوا الروايـة لأصدقائكـم محبيـن القراءة 🌿💜.
ـــــــــــــــــــــــــــــــــــــــــــــــــــــــــــــــــــــــــ

رجعت اصعد جنة جنطة وهل مرة صدك انكسر ضهري ..
بعد ماخلصتهن اخذتهن للغرفة جان يلعب بتلفونة مباوعلي ضليت اصفط بملابسي تأذيت كلش بقن قسم عفتهن ماتحمل بعد تمددت اريح ضهري وهو ساكت محجه ابد بس حركة ايده مال واحد يكتب باوعت بطرف عيني على التلفون ماكدرت اركز وية منو يحجي ..
ضليت اتقرب ارفع راسي انزلة ماكو شوية وعافه وكام للحمام ..

باوعت افتحه لو لا صارت تجي اشعارات اقراهن من فوك واحد كاتب عليه
م.اول ضياء داز ..
" كو**اد انت مايعجبك العجب هي غير سحلتهم كلهم "
" تدري استغربت كلت هذا السا**قط شعجب ماخله عينه عليهه "
" دكول تخاف منهه مو تخاف " ويضحك

قذرين تف رجعت لمكاني بعد ماسمعت باب الحمام ينفتح ..

اجه رجع تمدد ولزم تلفونه اني كمت كملت الملابس كلهن وخليت غراضي
جايب كلشي حرفيا عزلت الغرفة صارت هوسة من الجنط
اخذت ملابسي ورحت اسبح ..

مرت ايامي عادية مشاكلي وية مراد يوم ويوم تزيد نفسيتي تدمرت بس ابجي حابسني بالبيت لا تلفون ولا ناس بس مرات ام حسن تجيني تسولف اني ماحجيلهه شي ماكدر افتحلهه كلبي ..

خالني بس للخدمة وياخذ حاجته مني ويشمرني تعبت كلش منه حتى ضرب يضربني كرهتة كلش ولا ذرة حب بقت بكلبي تجاهةة انمحهه كلشي صارلي كابوس اعيشه كل يوم وبس ..

فتحت عيني على صوت المنبه اوقتة حتى اكعدله لان اذا
ماكعدت يوم اسود كمت للحمام غسلت وبدة روتيني ..

نزلت جوة احضر الريوك هو نزل كعد وبدة ياكل مصار بينه حجي مثل كل مرة طلع وهو يوصي مافتح الباب ولا اطلع على اساس ساكنه الشوارع اني راح ..

ورجعت اكلتلي لكمة وبديت انظف الوضع ملل كلش اشتاقيت لعماتي وخالاتي والبنات جوي على بالي وذكرتهم ذكرت ايامي يمهم ابجي وامسح لو عندي تلفون احجي وياهم ..

مر الوقت بين احظر الغدا والتنظيف ماكعدت الهي نفسي بأشياء وذابه حيلي على البيت حتى لو نظيف انظفه تذكرت باجر اول يوم رمضان فرحت كلش احب شهر رمضان ..

توني خلصت وكعدت بالهول تمددت شوية طب مراد كمت يضل يحجي عليه لو شافني نايمة كتله الله يساعدك عافني وصعد مو صوجه اني شـكو كتله اصلا صبيتله غدا ونزل ياكل .. رحت امسح بالطباخ

مراد .. اليوم عمتج سلمى خابرت

درت وجهي بفرح .. صدك شلونهه

مراد .. عزمتنة باجر على الفطور

ابتسمت .. ايي وغاح نغوح مو ؟