مـا بَيـن الحُـب والانتِقـام

البـارت الثالـث 💜🌿.

#همسات 💜🌿.

لتنسونـي بالـ ⭐⭐⭐
شاركـوا الروايـة لأصدقائكـم محبيـن القراءة 🌿💜.

ـــــــــــــــــــــــــــــــــــــــــــــــــــــــــــــــــــــــــ

حلمت بأمي .. كاعدين بحديقة وراسي بحضنهه تمسد عليه ..

.. يمة شفتي شسوة بية

.. اي يمة اصبري الله يحب الصابرين

فزيت على صوت .. كمزت .. شهل حلم اوف
باوعت عليه سد الباب واجة ..

كال بنبرة امر .. اهلج جوي كومي 

سكتت وكمت طلعت ملابسي باوعت للساعه ب8 .. رحت للحمام سبحت ولبست قفطان ابيض كلش نازك ومخصر .. نشفت شعري وسرحتة رتبت وجهي بمكياج صباحي طوخت حمرتي .. طبعا مجان الي واهس بس تذكرت شماتي الجوا .. والله لو تتثالث الدنيا ماخليهن يتشمتن .. عدلت نفسي رشيت عطر

.. وهو طلع من الحمام لبس دشداشة بيضه واجة يمي لف غترتة ورش عطر لبس ساعتة ومحابسه .. شكد جنت احب عطرة سكتت وخليت شال على راسي ..

جرني وضغط على زندي .. وربج لو اسمع مسويتلي حجاية لو شي ازين راسج
.. الي يسألج كلشي تمام وتسدين حلكج .. مفهوم ؟؟

.. هزيت راسي واني اباوع لعيونة !!

جر ايدي ولزمهه .. نزلنة واحاول اكون طبيعية

هلهلن من شافنة بوستهن وباركن .. جايباتلي هداية ..

هو راح واني كعدت يمهن ..

عمتي همستلي .. ها عمري شلون صرتي ؟

.. الحمدلله !!

بصفي بسمة .. بشري خيه وغمزتلي

ابتسمت ودنكت .. وكلت بكلبي شبشرج 

مر الوقت جايبين ريوك مااكلت بس هيج ..
كعدو شوية بعدين سملن عليه وطلعن شكد ضجت بس سكتت ..

.. كعدت خواتة يفترن وامة يمي تخوزر سكتت
بعدين دخلن عماتة ونسوان عمامة يهلهلن ..
بوسني انطني هداية وكعدن يسولفن عماتة حبابات نسوان عمامة جايات 2 يبسمرن غلست
.. هم كعدن شوية وراحن مر الوقت وكل شوية جاي احد يبارك مااعرفهن هواي عدهم كرايب
كمت للمطبخ كلت خاف يججن شي واجب مني اسوي

نجلاء اختة .. وين عيني ؟؟

ابتمست .. اساعدكم بشي ؟

اندارتلي وحدة مااعرفهه مو من خواتة رفعتلي حاجبهه .. شكرا روحي ارجعي
مناقصنة تخليلنة سحورة هــم

فتحت عيني على وسعهن من الصدمة هاي منو وشلون تحجي هيج ماردت اتعارك بس والله لو استملهه اخليهه تدور على كرامتهه طول عمرهه القذرة اصبريلي .. الحمدلله والشكغ " والشكر "
غ بي " ربي "