مـا بَيـن الحُـب والانتِقـام

البـارت السـادس 💜🌿.

#همسـات 💜🌿.

لتنسونـي بالـ ⭐⭐⭐
شاركـوا الروايـة لأصدقائكـم محبيـن القراءة 🌿💜.

ـــــــــــــــــــــــــــــــــــــــــــــــــــــــــــــــــــــــــ
مـرت ايام واني ادرس كل شخص بالبيت شخصيتهم وتصرفهم عرفت اجوائهم
ركزت على مراد وامة اكثر شي اكسبهم ونشوف شنسوي ..
البـارت السـادس 💜🌿.
اكتشفت مراد مو نفسه يختلف تماماً يعني ابسط شي الاكل كايلي اكثر اكلة احبهه الباميا طلعت اكثر اكلة يكرهه والالوان كايلي احب الابيض بس هم لا عرفت جان خادعني ونجح بخطتة
بس بعده مشايف شي مني ؟
 
مرات اشياء اسئل سمـر بطريقة غير مباشرة وهي تحب تسولف فتحجيلي طبعا شيخة مريم راحت جانت الايام واهه كلش حلوة شوية شوية بدت اتعود عليهه ونسولف اني وياهه تحجيلي على ايامهه عرفت هواي شغلات بخصوص هل عائلة وافتهمتهم تقريبا بقة ابلش بخطتي ..

وصدك صارت السبعه مالتي جانت حلوة البنات اجني واجواء فرحني هل شي ..

بدت حياتي الجديدة ويه عيالي ..

وعيت الغرفة حارة الكهرباء طافية تكلبت بالجرباية طبعا من يروح مراد للواجب انام على الجرباية من يجي ارجع للقنفة هو دوامة يومين وينزل يوم ومرات دوام يومي مو سوة

نهضت شفت الساعه بـ 8 ۿـم يلا عمتي تريدنة كلنة بـ 9 طلعت ملابسي دشداشة طويلة مشمشي على احمر يعني درجة من لون ذخلت للحمام سبحت وطلعت نشفت شعري وضفرتة وشلتة بكماشة لان تطلع ضفيرتي خليت شالي مكياج بسيط كلش وخفيف بس ارتب وجهي اخذت تلفوني ونزلت للمطبخ شفت سمر ونجلاء ..

.. صباح الخيغ .. ردن عليه رحت يمهن

نجلاء .. زمزم ترة امي نضمت جدول التنضيف والطبخ بس بينج وبين سمر

انصدمت يعني هنة كومة بنات بس احنه نشتغل سكتت وكلت .. ههـاا تمام ..
اشو هاي عافتنه وطلعت عابت

التفت لسمر .. اي سموغ شنسوي غيوك

ضحكت .. كولي بعد مرة سمر

ضحكت ..عابتلج .. ضلينة نسولف ونسوي الريوك رتبت الاجبان وهي سوت بيض سلك ومخلمة طماطة وجاي خلينة السفرة ونقلنة المواعين .. نصهم بالشغل ونص البنات بالدوام يعني ماكو احد تقريبا تريكنة كفينة المواعين سمر راحت تنظف واني غسلت المواعين ورتبت المطبخ بعدين رحت وياهه نضفنة الكراج بسرعه صارت ب11 ونص الوكت يركض راحت سمر تخبز واني طبيت للمطبخ مادري شسوي الغدا عليه طلعت دجاج وسويته جدر جبير مقلوبة .. وطلعت كبة تمن من المجمدة سويته جتي سمر شايلة الخبز خطية مبينه تعبانة اخذته منهه وغطيته حتى ميبرد ارتاحت شوية وانوب كامن يجن البنات من المدارس جتي بت سمر تركض هي قزمة ومدعبلة ملعوب بحالهه تصيح اخذت 10 ماما اخذت 10 بوستهه وكعدت تسولف لسمر طلعت دفترر اشوف سمر ركعتهه بالدفتر وتصيح عليهه