#همسـات 💜🌿.
لتنسونـي بالـ ⭐⭐⭐
شاركـوا الروايـة لأصدقائكـم محبيـن القراءة 🌿💜.
ـــــــــــــــــــــــــــــــــــــــــــــــــــــــــــــــــــــــــ
ضربات على جتفي فتحت عيني بتعب باوعت
هاي الطفلة يوو شلون لطشة انداريت وبعديت ايدهه مااحبهه ..
صحت بيهه..شتغدديننن
باوعتلي وعقجت وجهه .. وين ههالوو
..احتغكت امج ولي منا
اشو هاي ضربتني علي وجهي وتفلت وكامت تركض
خرا بتربيتج الصكط مسحت وجهي حيوانة اني اعلمهه ..
فركت راسي مصدع باوعت للساعه بـ 6 وعشرة تؤ شكد نمت
دخلت للحمام باوعت لوجهي جفوني وارمة خشمي وجناتي حمر غسلت غيرت دشداشتي خليت شالي ونزلت البيت هادئ طبيت للمطبخ ماكو احد خليت الجاي على النار وكعدت دخلت سمر
سمر .. هاا زمزومة صح النوم
التفت وابتسمت كوة .. يصح بدنج حبيبتي
كعدت يمي .. شبيج
.. مابية بس غاسي مصدع غيرت الموضوع .. شعجب بعدهم نايمين
سمر .. لا عمتي وعمي والبنات راحوا للكاظم ( ع )
الباقي طلعوا شوف وين
هزيت راسي وكمت اصب جاي انطيتهه ستكانهه ورجعت كعدت
سمر .. زمزم بيج شي قلقتيني
نفيت براسي .. لا عمغي مابية شي بس غاسي مأذيني
سمر .. بينج وبين مراد مشكلة ؟
انصدمت ورفعت راسي .. لا لا
سمر .. مااضغط عليج بس انتي مثل اختي واذا تردين تحجين اني يمج ارتاحي
.. مسدت على جتفي وطلعت
اوف لو اكدر احجي لأحد واخفف من همي
مخنوكة حيل محتاجة اروح لأمي بس منو اليحن عليه ويوديني !
كمت بدة روتين عادي اجوي سوينة عشا اني كوة اتحرك حتى مااكلت سمر شافتني كالت اصعدي ارتاحي اني اغسل المواعين ..
بستهه وتعذرت منهه صدك جنت محتاجة ارتاح ..
صعدت تمدتت على القنفة وصافنة على السكف افكر ..
طبعا هو مااجة ماعرف طلع ولهسه .. شوف وين
حاولت اصفي فكري ماكدرت حتى انام
البنات خطية يدزن ويخابرن ماجاوبت مالي خلك
ضليت اتكلب لساعات عبرت الـ 12
هو مااجة حاولت ابعدة عن افكاري بس ماكو
ماعرف شلوون نمت ..
حركة بالغرفة .. كمزت نومتي صايرة كلش خفيفه من القلق
باوعت ضلمة ودليلله الله بس هيئة تتحرك يم الباب .. جمدت من الخوف كمت اتحرك ورجلي يرجفن .. كفختني ريحة تلعب النفس معدتي ضلت تكلب مديت ايدي لنقطة الضوا شغلته شهكت
كلت بصدمة .. مغغااادد ؟؟؟
جان كوة فاتح عينة حالة متخربط قميصة نصة مفتوح
كام يخطي راد يوكع سندتة بس شنو جتفي تكسر وريحة ..
يحجي ولسانة ثكيل
.. و و وخخ وخرييي ااني اني مما مم ما اخوو اخون مم مرت مرتي
يهذي مدري شديخربط دفعني وكعد بالكاع مسنود للحايط
كام يحجي ويسب مدري عليمن كعدت يمة صاح
.. وخري اريد كرز
صخام بعيني كون .. اانيي هنا مغاد
كام يضحك .. لا لا ااني اني اري اريد ..
بدنك وخلة ايدة على وجهه .. قربت نفسي عليه اريد ارفع راسه لعبت نفسي خليت ايدي على حلكي وركضت للحمام كمت استفرغ حسيت احشائي طلعت .. ضليت شوي لحد مرتاحيت غسلت وطلعت ..
شفته نفس كعدت رحت يمة..
رفعت راسه .. عيونة حمر .. يبجيي !!! اول مرة أشـوف دموع مراد يربي هسه شسوي
لزمت جتفه واحاول اكومة .. كوم مغاد كوم نامم
بعد ايدي .. وكام بس يطوطح وصل للجرباية شمر نفسة .. رجلية ضلن بالكاع وجسمة على الجرباية .. رحت نزعت حذائة وعدلتة داغطي انتبهت لصدرة اثار مقززة نزلت دموعي ونار شبت بكلبي كعدت على القنفة حاضنة وجهي واشهك ..
اردد بكلبي .. حسبي الله ونعم الوكيل !!
ضليت على هل حالة سمعت الآذان كمت توضيت..لبست المحرم ونزلت جوة بالهول محد اكـو فرشت سجادتي وتوجهت لربي اصلي وابجي كعدت كمت ادعي ربي ينطيني الصبر ويساعدني ..
بجيت لحد ما سكنت واني ساجدة ..
سمعت صوت سمر وهي تكول .. هاي منو هنا ؟
رفعت راسي وعيوني ذبلانة حجيت بصوت مبحوح .. ها اني
شهكت وركضت يمي نزلت لمستواية لزمت وجهي..
سمر .. زمزم حبيبتي شبيج
مسحت دموعي ونفيت .. مابية بس جنت اصلي
سمر .. زمزم صدك تحجين شوفي جفونج شلون ورامة شصاير يروحي كولي
خليت راسي بحضنهه وبجيت بقوة .. تعبانة سمغ تعبانة كلبي يوجعني اغيد امي
مسدت عليه .. سودة عليه حبيبتي اني يمج امج واختج ليش تعبانة صاير وياج شي
كلت واني مستمرة بالبجي .. كلشي صايغ سمغ كلشي ..
سمر .. احجي عمري فضفضي واعتبري دتحجين وية نفسج
وداعة جهالي ماطلع حرف بس ارتاحي لتكتمين
للحضة ردت افتحلهه كلبي واحجي كلشي ومو هامني بس ماكدرت
.. بعدت عنهه ومسحت دموعي
.. ماكو شي انسي فدوه ..
ذبيت المحرم وطلعت فوك بسرعه
فتحت الباب الغرفة ريحتهه مطيبة اوف مراد اوف
رحت للقنفة وخليت ايدي على راسي
..
جنت محتاجة اهرب من حياتي للنوم .. فغفيت بسرعه !!
يتبع ...
ـــــــــــــــــــــــــــــــــــــــــــــــــــــــــــــــــــــــــ
