مـا بَيـن الحُـب والانتِقـام

البـارت الرابـع عشـر 💜🌿.

#همسـات 💜🌿.

لتنسونـي بالـ ⭐⭐⭐
شاركـوا الروايـة لأصدقائكـم محبيـن القراءة 🌿💜.
ـــــــــــــــــــــــــــــــــــــــــــــــــــــــــــــــــــــــــ

كعدني مراد على السحور مدري شعجب بس كوة انشلعت من الفراش نعسانه ..
اگلي بيض وطماطة واني فاتحه تك عين مدري شلون سويتة بسرعه
هو والجاي وخليتهن على الميز ..
كعدنة ..

توة خلة اللكمة بحلكة كمز .. هاييي شنوووو شخاللههههه

.. ششخاله شخاله

كام للسنك يغسل بحلكة .. تارستهه شكر يا فاهية

.. يوو مادغي نفس العلبه هسه اسوي غيغهه

مراد .. اكعديي خانم استريحي ولتعبين نفسج لو ماخذلي جاهلة ولا انتي ولو انتي هم جاهلة

مجاوبته ضليت خاله راسي على الميز ومغمضه الي خلكه اني
هو يگلي مدري شنو ويدردم
شوية واجه كعد لكيته مسوي بيض وبصل ..

مراد .. يلا كدامي تتسحرين بالاكل السويتي وتشربين جايج البرد

.. لا والله ماغيد اغوح انام احسن

مراد .. بس تكومين اكسر رجليج وربج اكللييي يلاا

انعل حظي المصخم والملطم والمجير والمسحول سحل
جبرني اكل البيض وطماطة الحلو والجاي ثلج لعبت نفسي متحملت ركضت للحمام اتقيئ اسمعه يصيح تستاهلين خرب شنو من رجال هذا طلعت كارهة كلشي شربت مي وصعدت فوك شمرت نفسي على الجرباية وانطمرت ومعدتي تكلب ..

فزيت من حلم كالعادة محلو ابد تعوذت من الشيطان وشفت الساعه ب11 يوو شهل نوم غسلت ونزلت صليت الصبح معدتي متفرقعه جوع شسوي رحت ذبيت حركتي بالتنظيف جبت صوندة طويلة من الطرمة وطببته للبيت رشيته كله وامسح جرجرت كلشي نظفت اصغر زاوية بي وغيرت شوية ديكور رتبته يعني من خلصت انتعشت انتعاش مو طبيعي البيت صارت ريحته تجنن كلش حبيت هل فقرة ابتسمت براحة ..

شفت الساعه هم يالله اسوي الفطور يعني احضرة انطلقت سويت برياني دجاج وترسته كشمش عناد بمراد ادري بي مايحبه الا اطلع الاكل الخلاني اكله البارحة من خشمه مركة باميا هم هو شلون يحبهه وتمن ابيض بعد وقت تقريبا كلشي جهز سويت تراب الملوك خلصت ..

وصعدت سبحت ولبست فستان بيتي ابيض ومخصر نزلت شعري داخلي شوية مكياج تذكرت مامصليه الظهر والعصر نعلت الشيطان ومسحت وجهي كمت توضيت وصليت .. رجعت اخلي رتبته ورشيت عطوراتي لحد يسأل المود عالي ..

سمعت الباب انفتح عرفت اجه نزلت بهدوء جان توة ديصعد كتله الله يساعدك ..

باوعلي من فوك ليجوة خزرني وصعد هذا شبي يالله اويي
نزلت شفت جايب بطيخ وركي خليتهن بالثلاجه اموع علي هل فاكهه ..