#همسـات 💜🌿.
لتنسونـي بالـ ⭐⭐⭐
شاركـوا الروايـة لأصدقائكـم محبيـن القراءة 🌿💜.
ـــــــــــــــــــــــــــــــــــــــــــــــــــــــــــــــــــــــــ
مر الوقت ومراد مااجه تغديت ورحت تمددت بالهول انام شوية..
.. فزيت وية آذان المغرب يصيح الله واكبر
فركت عيني .. معقولة مراد بعدة لهسه كمت للحمام توضيت ورجعت صليت وقريت قرآن شوية .. بعدين كمت فتحت التلفزيون ضليت اباوع بس بالي يم مراد شعجب خاف انذار اوو حتى تلفون ماعندي .. مرت الساعه واني نفس كعدتي اباوع ممشتهيه اسوي العشا اذا ردت اكل فاكهه صارت 10 وثلث شلو يربي مااجه شسوي اروح اخابرة من ام حسن لا لا عيب ..
ضليت كاعده لل1 أيست كمت قفلت البيبان زين وطفيت
صعدت ماكدرت انام خايفه وحدي حتى ماطفيت الضوا مال الغرفة ..
ضليت اقرأ آيات واستغفر نمت بس نومتي قلقه ومو غفوة يعني خفيفه ..
.. اسمع صوت مي فتحت عيني مرعوبة
جسمي كله رجف واني اسمع صوت المغسله
باوعت للحمام الضوا يشتغل ويطفة صرختتتت ..
فزيت .. اخذت نفس قوي كلبي يدك سريع شهل احلام هاي
تعوذت من الشيطان ومسحت وجهي ..
ريكي يابس اريد مي باوعت ماكو نزلت شربت .. شفت الساعه بـ 3 الا ربع شبسرعه ماعرفت حسيت نفسي منمت هواي .. طارت نومة عيني اخذت ماعون فاكهه ورحت فتحت التلفزيون سهرت على مسلسل هندي جان طالع حلو ويموت ضحك لحد ما آذن كمت صليت ورجعت لوضعي اكلب بالتلفزيون مداكدر انام كلش ضجت وبالي يمة انتضرت الصبح ثانيه ثانيه اكيد ينزل اخذت الماعون ورحت للمطبخ مندارة على السنك اشطف البيدي اريد ارجعه للكاونتر ..
سمعت صوت الكرسي تحرك التفتت بسرعه ماكو شي
هزيت راسي وضميت الماعون رجعت للهول كاعده اباوع ..
اسمع صوت الدبة مال براد يطلع منهه صوت شلون الواحد من يشرب مي .. بلعمت واحس اطرافي جمدن من الخوف ياربي ساعدني .. تذكرت حجي ام حسن على سحر جيت ابجي من الخوف صار عندي خفقان .. شوية وسمعت القفل مال الباب عرفت مراد اجه درت وجهي شفته ديدخل ركضت حضنته وبجيت ..
.. وينن جنتت
مراد .. بالدوام ليش تبجين
بعدت عنة ومسحت دموعي .. ماكو ماكو شي
باوعلي بأستغراب وفتنه كال راح اصعد ابدل وجوعان
صعد واني وكفت اسوية ريوك خلصت وخليته على الميز
بس مراد مانزل ..
صحت .. مغادد
ماكو جواب .. شنو نام !!
صعدت دخلت للغرفة مراد ماكو باوعت زين وين راح
طلعت للمر الحمام فارغ دخلت للغرفة الثانية هم ماكو
بجيت وركضت جوة وكعت من رابع باية راسي انلطخ بالحايط
صرت بالكاع واني اشهك ميتة من الخوف انفتح قفل الباب ودخل مراد ركض عليه
