مـا بَيـن الحُـب والانتِقـام

البـارت الثالـث عشـر 💜🌿.

#همسـات 💜🌿.

لتنسونـي بالـ ⭐⭐⭐
شاركـوا الروايـة لأصدقائكـم محبيـن القراءة 🌿💜.
ـــــــــــــــــــــــــــــــــــــــــــــــــــــــــــــــــــــــــ

صار هواي نمشي بالسيارة الظاهر بيتنة بعيد عن بيت عمتي ..
تذكرت اني ماعرف اسم المنطقه الكاعدين بيها اسألة لو لا ..
اوو لا لا يفشلني .. لا خلي اسأل بلة عمتي سألتني شكوللهه

.. اكلك مغاد

مراد .. كولي

.. المنطقة الكاعدين بيهه شسمهه

مراد .. وليش هل سؤال

.. يعني شنو بله سألتني عمتي اكلهه ماعغف وسألت مغاد يكولي ليش هل سؤال

مد ايدة وعصر فكي حسيته انكسر
مراد .. اصبري نرجع للبيت اعلمج شلون تحجين عدل بت النعل والله مو مال احترام

دفع وجهي .. حبست دموعي وسكتت مو صوجة عدلت شالي وعباتي
وهو يسوق مباوعتله بس هو كضه الطريق ينافخ وكفنه بأزدحام
مايمشي ضل يسب ويصيح ..

مراد بعصبيه .. تلكاه جنديي وصخخ واكفف يثرد سوالف انعل ابو سيطراتكم

اني حصرتني الضحكة على شكلة وعصبيته ماعرف

مراد .. هيج من ربكم

ضجت شـكو يكفر .. تغة غمضان الواحد يذكغ الله مو يكفغ

مراد .. اكلي خ**را انتي الثانيه

اخخ مجبورة اسكت والله لو اطلع لساني وهو يعرفني من استلم واحد .. ضليت ارد بكلبي من قهرتي
ضلينه بالازدحام فوك النص ساعه وهذا شايش لوبيدة يخنكني وبس يسب وصلنه للسيطرة مراد ماوكف شخط عبرها ..

الواكف بالسيطرة ضل يصيح وغلط غلطه بس ماسمعت شكال
مراد صاح اوكفلي ابن السكط طبك سيارتة وفتح الباب يريد ينزل ..

اني خفت لزمتة من ايدة .. مغاد عف.. بعدني ممكملة جر ايدة
ونزل ركع الباب وراح اني ضليت لازمة كلبي بأيدي وادعي ..

ضليت اباوع مامبين شي الناس ملتمه اسمع بس الصياح ماخليت امام ما نخيته ودعيت
بس يرجع والله مابيه حيل هبطات الجنود اجو كلهم واتخيل راح تصير عركة

بعدين الناس بدت ترجع لسيارتهه شوية وشفت مراد اجه بس عاقد حاجبه وجهه احمر من العصبيه فتح السيارة وصعد مسح وجهه بعصبيه ويفشر حرك السيارة وهو ساكت واني هم سكتت ضليت اقرة ايات بوجهه حتى يبرد ..

وصلنه لبيت عمتي صف السيارة ونزلنة عدل عباتي ووكفت بصفه هو دك الجرس ..

شوية وفتح الباب ابن عمتي وليد عندي ميانه ويا كلش ربينه سوية
فتح ايده يريد يحظني وصاح .. هلاا امم لسان ..

بعدين باوع لمراد فوك راسه وخازرة نزل ايدة بفشله وسلم على مراد دخلنه هو مراد راح للصاله اني رحت من باب المطبخ لكيت عمتي شمرت نفسي بحضنهه وكمت ابجي وهي تبوس بيه ..

بعدت من حظنهه بدخول عماتي الظاهر جاين كلهم
ضليت اسلم عليهن كلش مشتاقتلهن البنات ماشفتهن كعدنة بالهول جوة ..