#همسـات 💜🌿.
لتنسونـي بالـ ⭐⭐⭐
شاركـوا الروايـة لأصدقائكـم محبيـن القراءة 🌿💜.
ـــــــــــــــــــــــــــــــــــــــــــــــــــــــــــــــــــــــــ
مراد ..ايي نفسه كاعد وية مجموعه لمحته لثواني حسيتهه دهر التقت عـيونةه ..
شفت الصدمة بعيونه .. اختلطت احاسيسي حزن فرح ..
باوعلي بشوك انداريت وكملت طريقي وياهم ..
لوين رجعتني هل لحظات لوين لزمت دموعي بالكوة .. صعدت وخلصت الطريق كله صافنه
اباوع من الجامه وباليي بغير مكان بالي يمة ويم كل لحظاتنه ومواقفنه سوية ..
كلبي رجف واني اتذكر اللحضات العشتهه بهذاك البيت وشصار بيه كلبي يدك بصدري بقوة احسه يريد ينفجر .. ماعرف شوكت وصلنه بس دخلت وصعدت فوك مباشرة مهتميت لأحد دخلت لغرفتي القديمة وقفلتهه فتحت الاضوية ونزعت شالي اهفي بأيدي ماريد تنزل دموعي ماريد .. بالنهاية صرت بالكاع وابجي واشهك من كل كلبي ..
رجعت للصفر .. كل قوتي البنيتهه اختفت بمجرد لحظات شفت بيهه عيونه ..
ليش هيجج ليش .. زمزم انتي متحبي متحبيي
خلصص نسيتي .. هو واهله دمروجج دمروجح نسيتي .. نسيتي
اضرب على كلبي واحجي .. نسيت نسيت خلص ماكو طلعت فرحانه
ورجعت فرحانه ماشفت مراد ماشفتتت ماشفتتت ..
مسحت دموعي ووجهي وابتسمت نهضت وفتحت الباب رحت لغرفة بسمه .. البنات ماكو يمكن جوة دخلت للحمام غسلت وبدلت اخذت تلفوني ونزلت جوة .. استغربوا من موقفي يمكن بس كعدت يمهم اشاقه وعمتي فرحانه تشوفني هيج ..
بس اني ماعرف اضحك بس مو مرتاحة مر الوقت وياهم اكلنه اني ماشتهيت اكلت بس شوية .. البنات راحن للبيت اني وبسمه صعدنه فوك هي نامت .. ضليت اكلب بتلفوني تذكرت اني ممصلية المغرب والعشا طفرت من مكاني الله ياخذج زمزم ..
كمت توضيت وضليت اصلي صدك انقهرت وصليت ركعتين لربي
ضليت اقرا قرآن لوقت متأخر .. بعدين صدقت وكمت انام
افتر بمكان مثل البتسان واضحك .. طلع بوجهي مراد
.. هايي شنو حتى هنا لحكتني
مراد .. اني اح͟بج زمزم
احبج .. زمزم .. احبج زمزم
ضلت ترد براسي هل كلمة .. فزيت .. ونبرة صوتة والله العظيم براسي
عبالك حقيقه .. احبج زمزم .. مسحت وجهي وقريت آية الكرسي وغفيت ..
مرت ايامي حياة روتينية .. صح كله اضحك وفرحانه بس غصة بكلبي
متروح شكد مااضحك .. بداية شتا .. اني كائن شتوي جداً ..
احب الاجواء هذني .. طبعا بسمتي انخطبت لأبن خالتي عدنان
متصدكون شكد فرحت بيهه اليوم العرس ..
جبنة بنات الصالون للبيت احسن ..مكيجتني البنية ورتبت شعري
رفعته رفعه خفيفه وبرمت الاطراف .. كمت لغرفتي ابدل ..
