مـا بَيـن الحُـب والانتِقـام

البـارت الثامـن عشـر 💜🌿.

#همسـات 💜🌿.

لتنسونـي بالـ ⭐⭐⭐
شاركـوا الروايـة لأصدقائكـم محبيـن القراءة 🌿💜.
ـــــــــــــــــــــــــــــــــــــــــــــــــــــــــــــــــــــــــ

هاييي ام فهد ؟؟؟ ..
سلمت واني بعدني ممستوعبه شوية كعدت ساكته ومدنكة
كلني ارجف خجل .. صدمة .. خوف .. حزن ..
كلهن ملتمات ماعرف ماعرف اوصف شعوري بكلمات .. حتى ماعرف شحجوا ولا اعرف شصار بس كاعده وبالي بغير مكان والمكان ماعرفه حسيتني كاعده بغرفه فارغه مجرد فارغ بغارغ .. ماكو اي شي ..
شوية واسمعهم يسلمون يرحون وعيت سلمت وراحت رجعت كعدت وصافنه ..

عمتي .. شبيج كرز

رفعت راسي .. ها لا مابيه شي بس

عمتي .. بس شنو ؟؟؟

.. بس هيج .. كمت وصعدت فوك كعدت وعقلي ميجمع

دخلت اية ضلت بصفي وساكته .. كسرت الصمت والتفتت عليهه

.. لمنو جايه تخطب تعغفي ؟

اية .. تريدج لفهد

ضحكت .. فهدد ؟؟ يافهد ؟.. احجي كل التعغفي عنه

اية .. فهد الابن الاكبر مدرس كيميا ووارمل عنده 2 بنات وبعد

.. واو 2 بنات !!!

اية .. اكبرهن عمرهه 3 سنين

.. مادغي اية مادغي

تربعت ايه ودارت وجهي بأيدهه .. شنو كرز حبيبتي بس افهمي وانسي
الماضي الموضوع صارله تقريبا سنه انسي يااختي وابدي صفحه جديدة ..

.. اية صاغ سنه من انتهه ليش نسيتي بالـ 11 سنه اني وياه
مو بسهولة والله ماكدغ ماكدغ ..

اية .. ماحجي واتفلسف براسج النسيان مو سهل ياعمري بس انتي قوية زمزم انتي اقوى انسانه شفتهه بحياتي ياما مريتي بضروف بس ربج اليعلم بيهه وكدرتي تتخطيهه بوحدج شوفيي انتي اقوى من انو تكسرج ذكرى تجربه فاشلة اصحي من هل موضوع خلص مراد ماكو دفترة احترك ..

خليت ايدي على وجهي ومتحملت نزل دموعي مرديت حجيهه ومشاعري
تضاربن صار صراع بداخلي .. عقلي وكلبي ؟؟
ماعرف منو الينتصر وشراح يصير بعدين .. اني خايفه من مستقبلي

طبطبت على جتفي وكالت .. ارتاحي عمري ارتاحي

طلعت .. كمت توضيت وفرشت سجادتي .. بديت ابجي وادعي ربي يدليني على الصح ويكتبلي حياة جديدة زينه وارتاح بيهه ضليت وقت طويل ابجي وادعي .. احتاجيت امي يمي اريد اروحلهه .. صليت ركعتين وكمت .. فتحت تلفوني بسمة مراسلتني رديت عليهه شوي وشمرتة غفيت ..

كعدت على مكالمة بدون مااباوع منو فتحته وغمضت ..

.. هممممم الووو ؟؟

.. زمزم

سمعت صوته طفرت وكع التلفون .. حلمم حلممم اكيدد حلم