من الباب سامعه سمر بتردح عرفتها مالا جيت داخله متسحبه برااحه زي الما عملت شي مما شافتني زادت في الكواريك وبقت تقول لي السفيره عزيزه خلاص شرفتي؟ هدومي دي أنا حرقها يعني؟ وريني أنا بتكلم معاك يخ كرهتيني دولابي كلو مستلماهو علي حسابك واريت لو بتشيليها وبترجعيها وبتحترميها زي البني أدمين يخ انتي حتخلي العشوائيه بتاعتك دي بتين 😒 وكلام كدا زاتو كوووبار كووبار نصو فهمتو ونصو مفهمتو😹 قت ليها سمر أنا مش أختك الكبيره؟ قالت لي خوخه تقلع ضروسك انتي خليتي فيها كبيره هو عليك الله عزوز خاتي عليك لما يقول ليك سحر البايره 😒 الكلام حرقني بس كلامها صح سكتت سااي 😹 أمي جات نابله من وين ما بعرف وبقت تقول لينا انبحو لسه سمعو الجيران عليكم الله فضحتوني وشرطو عيني 😒سمر مشت جابت لي طشط وقعدتني اغسل ليها بالمغارب ديك يخ انا كان مسجونه ما بعملو لي كدا 🐸 ختيت الهدوم وصليت المغرب وجيت قعدت أغسل مكفكفه بجامتي ولامه تفتي اقسسسسم بالله جاني أحساي اني حبشيه 🙂 سمر دي طبعا النوع الرااقي والممسح داك هي أصغر مني بتقرا هندسه في جامعه السودان وكرهتها في الدنيا زول اهبش حاجتها بس اه وييين يا العبده لله "اللي هي أنا" مشهياها العافيه مافضل ليها ألا تلم بقجتها وتتخارج من البيت 😹 النوع البجيها هدايا كتيره داك شي ساعات وشي منكيرات وشي مبعرفو شنو مششششم بس أنا لي الكريم وقعاد النيم زوووول بعبرني ولا بجيب لي جزمه قديمه سااي مافي بغسل كدا جا عمر داخل قت ليهو يا شافع ها انت حايم وين مش أمتحاناتك قربت عاين لي كدا😒 ومشي سفهني يخواني سفهني حتي الشافع الماقام من قعر الواطه دا يسفهني 🙂 أنا هنا عرفت انو الدنياا غااسيه شديد 🐸 أصبرو بس بكره أعرس الاسمر الملتحي وبيتكم دا زاتو بي وين ما بتذكرو 🐸 بسوق راجلي وبغترب تاني بالانتربول ماتجيبوني🐸💔 بعد انتهيت من غسيلي داك اتذكرت ريان، دي البست بتاعتي ساكنين بعدنا بي شارعين وباااااااااااايره لمن مافي طريقه اخير انا ممكن كمان بايره دي تجروها لمن النفس يتقطع 😹 قت كان مشيت اسي بقعدو يشغلوها لي كدي النضرب ليها ضربت بالله من اول جرس التقول قاعده في الخط وأول ما فتحت الخط قالت لي مااااوريتك قت ليها اها انشررحي يختي سامعاك قالت لي الليله نزلت من المواصلات وفي واحد وهمي وابجيقه علي قولك ماشي وراي أنا قت أمكن صدفه ساي بس الف يلف وراي امشي مستقيم أمشي وراي لحدما حصلت بيتنا وقف لي قدام الباب والابتسامه لا نفارق شفتاه وقال لي دا بين للإيجار؟ حدرت ليهو سممح قت ليهو انت شايف مكتوب علي وشي حسبو للعقارات؟ 🐸💔 يخ ضحكتني ضحك قت ليها يا ريان السمع أنو الجمعه الجايه خطوبتك ما كذب 😹 قالت لي هو صح قااسي بس كان جاء قال دايرني بعرسو عاد اسي عمري تمنيه وعشرييين سنه قربت أقطع زاتو قت ليها هي كدي استهدي بالله تقطعي شنو لسه بدري، قالت لي نقعد نقول بدري وبتاع لمن القطر يفوتنا قت ليها هااا المشو القطر اتقلب بيهم 🐸 اتونسنا زيين وبعدها مشيت ختيت ليهم العشاء وغسلت العده وانخمدت نمت، تاني يوم كان يوم جمعه، بالله من الصباح الناس يصحو بي أصوات أزواجهم وحبيبي أصحي وبتاع أو علي الاقل صوت ودبرق وعشوشه أنا صحيت بي صوت بتاع الخرد بنبح بي طول حسو خررررررد بطااارياااات حديد عرباااات خوووريييييد 😹 بعد شويه جاء سيد الكارلو بتاع البصل يكورك بسسسسسسل بسسسسسسل بسسسسل عُمر اخوي بي أعلي صوت قال ليهو بتسل وين؟ 😹😹😹😹💔أنا بقيت بضحك لمن اتشرقت، شويه كدا وجاتني اووومي بقت تكورك سححر سححر ياااسجم قت ليها نعم قالت لي متندله نايمه كدا زي اللوري المقلوب البيت دا الحينظفو منو يعني 🤨 قت ليها هي يا اووومي هي بتين اصبحت فتّاح يا عليم، قالت لي خلي لماضتك دي وقومي نظفي، اجي يخواني اسي انا فتحت خشمي ؟🐸 قت ليها سمح يمه أها والسنيوره وين ان شاء الله قالت لي نظفت الجزو بتاعها قبييل وقاعده تقرا عندها أمتحانات، قمت من النوم الشعر دا واقف زي بوخ الحله والريااله لمن المخده مبلوله 😹مشيت اتسوكت وشربت الشاي وجيت رفعت ليك بنطلون البجامه دا فوووق وصلتو البنكرياس 🐸 ونظفت البيت نظيييف ترابه ما خليتها التقول جايين يخطبوني 🐸 مشيت لقيت سمر يا يمه متجلبطه بالماسك والشعر ملفلفنو كيفن كيفن والاظافر وفاتحه شيتها وبتقرأ عاينت لشكلي في المرايه تقول تافي فيني ابليس 😹💔 قت كدي النبقي زي البنات حبه مع انو ما عندي اخلاق للمسيح وحركات البنات دي لكن عاد ما ممكن كدا اوفر مشيت اتشطفت واتمسحت بي الودك لمن بقيت بلمع التقول وادني الدلاله 🐸 والباقي كبيتو في تفتي ولفيتها كعكات ولبست شرابات في رجليني في الحر داك بس الله كريم علي عاد 🐸💔 ختينا الفطور فطرنا والعده كانت علي سمر غسلتها وهي بتطنطن لحمها حلو خلاص اصلو مابتحب تشتغل 😒 الشغل الكتير كلو رادمنو للحبشيه البي المجان دي ،ناس ابوي طلعو الصلاه اخدت لي نومه كدا وختينا الغدا بنتغدا كدا أمي قالت لينا بت ناهد دي الجمعه الجايه عقدها طبعا الكلام بقي لي طشاش طشاش ناهد دي عندها بت واحده اللي هي امتحنت ثامن السنه الفاتت 🙂 قت لي اوومي لا كيفن يعني، قالت لي أجي شنو هو الكيفن😒بت ودايرين اعقدو عليها الدور والباقي عليك انتي شدي حيلك 🐸"شفتو الحجه بتضرب فيني كيف بي فووق كدا" قت ليها أنا دايره اشتغل زاتو ما دايره اعرس 😏 قالت لي الكديسه وقت مالقت السمك قالت عفن 🐸 اتخيلو بس 🙂 قمت من الصينيه زاتو نفسي اتسدت أبوي قال لي....
يتبع
