صوت الزغاريد علا والجووطه طلعت اسمعهم ليك قالو عقدو،دخلت جوه أكلم سمر لقيتها فاتحه تلفونها وتتكشم زي نار القصب 🐸 شكلو كان بسمع فيها في العقد 🙂 "عبرتي يا سمر علي قول ريان 🐸 بعد شويه الناس بدو يجو يباركو ليها والغرفه اتملت أخر شي جاء رياض خاشي الناس دي كلها اتضايرت ومرقت من الغرفه أنا ما كنت دايره امرق لكين امي الله يديها العافيه اددتني ليك عين كدا لمن فهمت حاجه 😹" مالك علينا يا حجه ما تخلينا نشوف عصافير الحب ديل 🐸" ريان قالت ماشه امي قالت ليها الوقت اتاخر بيتي معانا قالت ليها مافي طريقه يا خالتو ما تنسي انا كنان عروس "شوووفي ريان كمان حليل زمن البوره 🐸" قالت ليها دقيقه طيب ومشت نادت ليها عمر عشان أوصلها، رياض قعد مع سمر قريب عشره دقايق حتي مرق" بتقولو في شنو انتو هااا 😒" أتفقو انو العرس حيكون بعد شهرين يعني في عيد الفطر واقع 💛 اتونسو حبه وبقو طالعين، ضايرت البيت وغسلت العده ديك وجيت انخمدت تاني اتذكرت امجد اتصلت عليهو فصل ورجع لي هو قت ليهو انت بتفصل مالك قايلني مفلسه 🐸 قال لي العفو يخ انتي اسي زعلانه مالك 😹 قت لي ما زعلانه 🙂 ضحك وقال لي اهو واضح أها بكره حتجي الشغل صح؟ قت ليهو أيوه أن شاء الله قال لي طيب يا ستي عندك حاجه بعد الدوام؟ قت ليهو لالا قال لي طيب عازمك غداء ممكن؟ "انتو ملاحظين انو الحظ بدا يبتسم لي؟ 🐸هل ملاحظين؟ كدا كتيييير كتيييير اوووي ،امجد بي حالو عازمني؟"قت ليهو لكن حأتأخر علي البيت قال لي سحر يخ الله يخليك وافقي وماليك دعوه انا حأزبط أي شي، "أمجد بحنس فيني أنا؟ هي الدنيا جرا فيها ايه يا جدعان؟ 🐸 الزول دا أحوص ولا حاجه؟ "قت ليهو طيب اتفقنا قال لي يلا تصبحي علي خير اخليك تنومي بكره وراك دوام قت ليهو وانت بخير "وررريتكم قت ليكم خلوني اتحبس 🐸"
صحيت الصباح دغغغغغش وشحدت سمر تيشرت ، ادتني ليهو من غير نقاش" بقت مرت راجل يخواني تاني شنو 🐸" شلت التيشيرت استحميت وعملت لي ميكب ناااعم اول مره زاتو اعمل ميكب للشغل لمن ما عرفت نفسي 😹 وقشرت ومرقت يارباا تجيب اخر اليوم دا بس، فعلا الساعه ثلاثه بالزبط التلفون رنااا لمن نطيت قال لي هاا جاهزه قت ليهو أيوه، قال لي طيب اطلعب مستنيك في الزلط ما عايز اعمل ليك شوشره "قت ليكم راقي 🐸" عاينت في المرايه 200 مره اتاكدت من الميكب وطلعت علي كدا لقيتو متكل علي العربيه ومربع يدينو واااااااع😭سمممممح سممممممح ساااااميييييح🙂💛💛 لابس ليهو قميص كاروهات كبدي بي رمادي وبنطلون جنز رمادي والدقن "استغفرالله العظيم بس الموت حق 🚶♀️" سلم علي وفتح لي باب العربيه عاين لي مساافه وقال لي امممم طالعه خلوه 💜"معقوله يا سحر اخيرا في زول عبرك وشايفك حلوه كمان 🐸" مشينا مطعم راقي كدا اسمو مجغمس كيفن كيفن وهادي جاب المنيو وقال لي تطلبي شنو؟ عاينت ليهو كدا كله مجغمس وقعت عيني علي كلزوني وانا اصلا ما عارفه هو دا شنو 🐸 قت ليهو كلزوني بي صوت واطي قال لي شنوو قت ليهو يخ أطلب أنت" اسي لو كان وديتنا عبدو بتاع البوش ما كان أحسن من المطعم الماعارفه أقرا اسمو دا 😑" قال لي طيب بتاكلي بيتزا ؟ قت لي ايوه طلب وحده كبيره ومعاها ببسي، ما بتذكر زاتو اخر مره أكلتها بتين 🐸 المهم وقعت بي وشي لمن فكرت ليهو لقيتو بعاين لي وهو مبتسم لمن خجلت "ااي خجلت مالكم ما أنا أنثي في النهايه 🐸 انثي دي ابلعوها عشاني بالله "المهم اكلنا واتونسنا تمااام بس ماقال لي اي حاجه 😑 حسيت بي احباط كدا تاني قت أجي يا سحر هو الولد ليك يومين بتعرفيهو عايزاهو يحبك🐸 يلا اصلا لن انال رجعت البيت وانا محبطه 😑مرت الايام وانا وأمجد متواصلين وشبه اتأكدت انو عايزني في الفتره دي أنا بديت اهتم بي نفسي حبه حبه لحدما جا عرس ريان كان عاملينو في صاله.... المهم عزمت أمجد وطوالي جا لابس ليهو بدله كحليه مع لونو النظيف دا استغفرالله بس المهم الناس مهججين والحفله والقونه ما خلت شي جرتقوهم ومشو بقينا اخر ناس في الصاله شايفه أمجد واقف ليهو مع وحده ويضحك قدرتو والبت استغفرالله بس من السماحه والشعر دا مملساهو التقول لاحساهو غنمايه 🐸 عاينت ليهو ومشيت 😒 طوالي جا لاحقني قال لي سحر عاينت ليهو كدا 😒قال لي حبيبي والله انا ما بعاين لي زول غيرك وبالنسبة للواقف معاها دي زميلتي وبس يعني سحر انا شايف فيك ام اولادي "الزول دا شايف شنو بالزبط 🐸" ويا ستي عشان تقتنعي أديني رقم أبوك أنا جاي اتقدم ليك "وااااي يخواني البووره فكت 😭💔💔💔💔" أول ما رجعنا قبل ما اخش البيت غشيت علويه 😹لازم امغسها عاد هي وشافعها قليل الادب دا🐸 وبله سيد الدكان لمن سمع بأنو جايين اخطبوني قفل دكانو ومشي البلد 😹"أبجيقه بحس برضو يخوانا" بعد أسبوع جوني فعلا وقالو ألا اعقدو والعرس مع سمر بقيت أكورك ووواي عقدووو عقددوووو😭💛💛💛 ،تاني حسيت ليك بي حاجه طاااخ في ظهري فتحت عيوني لقيتها أووومي كانت بتتكلم بس ماكنت مركزه معاها، لا كدي ددقيقه يعني دا كلو حلم؟ وانا لسه بايره؟ ومافي أمجد؟
تمت.
والقصه دي حكيتها لي ؟
_ماتخلي طموحك في الحياه راجل زي سحر! أقري أتعلمي أتثقفي طوري من نفسك سافري أعملي كل الي نفسك فيهو بعدين أذا لقيتي الراجل المناسب والبنفع أنو يكون شريك حياه أتزوجيهو لو ما لقيتي كمان ما شرط نهااائي، ما تفتكرو أنا بي كلامي دا بعارض الدين أبدا والله بس قصدت أرسل مسج معينه مغلفه بي شويه كوميديا لانو في القرن الواحد والعشرين البنات معظمهم دا لو ما كلهم تفكيرهم زي سحر وريان!
_ لي المجتمع دا قاسي كدا؟ لي بعاين للبت علي اساس انها اله تعرس بس وتجيب أولاد! وما من حقها اصلا تعمل شي تاني او تطور نفسها في مجالها" ومجرد ما تصل سن معينه ودا بختلف طبعا بإختلاف المنطقه " يطلقو عليها لقب "بايره" ويبدو يضايقوها في الطالعه والنازله كأنها هي الأختارت كدا! لي ما نحاول نكون واعيين شويه ونحاول ما نتدخل في حاجات ما بتخصنا 😑،عارفاها صعبه بس ما مستحيله لو اي زول مسك لسانو..
_أخر شي ما تنخدعو بالمظاهر لانو السماحه ما كلو شي وفي معايير اهم! ♥
كونو بخير ودمتم 💛
28/5/2020
