بالله فتحتها للخط قالت لي مااااااشفتي قت ليها اها منو العرسوها 😹،قالت لي هااا أنا العروس "الهبوووووب حتي ريان البايره حتعرس؟ 😹😹علي أساس انو انتي خطابك ماشين وجايين يا سحر انطمي، ههيييي يخوانا دي شنو مواسير العرس الفتحت وما دايره تقفل دي؟ نان انا فاصل أعلاني 🐸؟ واااي يا ساامياااا غلبني كتر علي، ياربي تكون مشت لي شيخ مايرنو ؟لالا ياخ ريان دي ما بتاعه شيوخ" قالت لي سحر انتي معاي في الخط؟ قت ليها ااي ااي معاك أها أنشرحي، قالت لي تتذكري الزول الحكيت ليك عنو الكان ماشي بي وراي داك واتلائمت عليهو وقعدنا نتريق قنا أمكن عريس؟ سحر قالت ليها ااي بس قولي لي أنو دا ياهو؟ قالت ليها ااي ياهو 😹 قت ليها أنتي مش قتي ابجيقه الجابرك عليهو شنو ؟قالت لي ما بالشكل يا سحر وبعدين أنا قربت أصل ال 30 ما زيك انتي لسه قدامك فرصه لكن أنا لا، قت ليها انتي اسي متشأمه كدا مالك علي العموم يازوله ربنا يتم ليك علي خير أها العرس متين وكدا؟ قالت لي والله هو مستعجل عشان كدا حنعمل حفله علي الضيق والعقد بعد اسبوعين "أهووون الله علي الأستعجال 🐸" قت ليها خير يزووله ربنا يتم علي خير أنا عشان الشغل بجيك خميس وجمعه لانو اسي ماخده اجازه ثلاثه يوم عشان سمر جايين اطلبو يدها يوم الجمعه واتصلت عشان أوريك، قالت لي هييي والله سمر عبرت يختي، أها والعريس من وين قت ليها دكتورها في الجامعه مُهندس معماري أسمو رياض قالت لي وووبعلي يا سحر عاد الأسم براهو كافي خلي الخلقه دي حتكون براها أصلا سمر أختك دي بي سماحتها دي ما بتجيب أي كلام، باركي ليها كدي لمن اجيكم بعدين، قت ليها زابط يا زوله يلا اقطعي وشك خدمتي زاتها خلصت، قفلت منها وبقيت بتكلم براي 🐸"اها يا سحر حتفضلي كدا لحدي متين ؟سمر الاصغر منك خلاص مصيرها شبه اتحدد ياااخي هدي ريان البايره عرسوها مياار بت سنه ثامن اسي بتكون دايره تلد، هييي ياربي دي وقعه شنو دي 🙂أها اعمل شنو يعني أشحد بي نفسي، بتكلم كدا جاني الشافع الفقري دا داخل بي شبشبو في المسح اتخيلو بس 😒 شافع قليل ادب خلاص رفعت يدي فووووق وجيت طايره ليهو بي لبعه لمن نطا 😹😹😹 وقام أردح موسخ لي المسح وكمان بردح اتخيلو قله الادب 😹 في النهايه مشا بعييد وفناني بالسفنجه وقام جاري 😹 أنا أصلا ملطشه في البيت عليك الله هااا عرس شنو البعرسو وأنا اقصي طموحاتي قليل الادب دا ما يسوط لي الدنيا وانا بمسح 🐸 المهم اكلت الضربه في حناني وتميت باقي المسح 🙂💔مشيت غرفتي أنا وسمر لقيتها بتتكلم بالتلفون والابتسامه دي يا يمه للضرس الأخير أريتو حالي 🐸 أستنيتا خلصت وقت ليها سمر يخخ أنا قت ليك عايزه حاجات أفتح بيها جسمي وعايزه أزبط شعري وكدا، قالت لي أنا قت ليك المره الفاتت أنتي الما جبتيهم، اسي زاتو ما تجيبي رياض جايب لي حاجات الحبسه اتحبسي معاي وخلطات عبد الحفيظ دي أختيها بالله 😒 بقيت شايفاها قلووب قلوووب بالله العرس بخلي الزول طيب كدا؟ 😹 مشيت غسلت العده ونظفت المطبخ ما خليت شي دا كلو تجنبا للكلام الكتير بس اه وييين يا جاتني أمي العصر قالت اغسل الحوش، يخوانا 😢نقنقت كدااا بس مافي حل سمر وعروس والشافع قليل الادب دا ما بعمل اي شي "انتو سؤال أصغر البيت دا بنسو يربوهو؟ 🙂" جبت السياكه وبديت أغسل في الحوش جات رياان لمن فرحت ساعدتني فيهو خلصنا بعد المغرب،قعدت حبه ومشت تاني جاتنا علويه ونسوان الحله بالجبنه 🐸 ولا قعدت معاهم زاتو ما ناقصه لي ظرافه أنا 😒 طلعو لي بعد العشاء، مشيت رقدت في تلفوني وياهو من قروب لي قروب وبديت نفسنه كل يوم 😹 حايمه كدا التلفون ضرب كان أمجد 😍❤️ خليتو عمل ليهو زي ثلاثه أجراس كدا ورديت ليهو بي صوت حاولت قدر الامكان انو يكون انثوي 🐸 قال سحر أها قيلتي كيف معليش أتاخرت عليك يخ "ميه مره قت ليك الزيك ديل ما بعتذرو يا أمجد 🐸" قت ليهو الحمد لله وبعدين عادي يعني عارفاك بتكون مشغول قال لي ااي فعلا الليله يوم طويل كان، وانتي زاتك صوتك مالو تعبان؟ "انت يا أمجد ما عارف مرتك مشغلنها حبشيه 😭" قت لي والله شغاله في البيت من الصباح ويدووب خلصت يهو الخطوبه بعد بكره، قال لي ربنا يتم علي خير طيب أنا أقفل أخليك ترتاحي وبينا تلفون ماشي؟ قربت اقول لي لالا خليك صوتك السمح دا اسي الزول يخلي وينوم حراام زاتو 🐸 قت ليهو طيب تصبح علي خير قال لي وانتي من أهلو وما ترهقي نفسك وقفل❤️، "وبعللللي يخوانا وبعلللي 😭قال لي ما ترهقي نفسك تفتكرو اتحبس أتحبس صح؟ لالا ما بنتظر من بكره ببدا الحبسه 🐸💔" اليوم داك ما قدرت انوم أتبسم الليل كلو أصلا اول مره زول أهتم بي قاعده زي كيس الجوافه المعفن 🐸، مره اليوم البعدو في نفس البرنامج بتاع النظافه والعولاق وأتصال أمجد اليومي لمن جاء يوم الخطوبه ريان كانت مقيله معانا، فتحت دولابي اشوف حألبس شنو" علي أساس هدومي كتيره هو الدولاب كلو فيهو اربعه تشيرتات واسكيرتيين 🐸💔" سمر قالت لي حأديك فستان من عندي، لمن فرحت، قت ليها أنتي ماماشه الكوافير؟ قالت لي أمشي لي وعندنا ميكب ارتست في البيت قت ليها أنا لكن ما حصل مكيجت عروس 🐸قالت لي يخ كلو ميكب جازفيها ما تتثاقلي قت ليها طيب مشيت استحميت ولبست الفستان وبديت امكيج فيها وريان شغاله بتبخر في البيت برا، تاني جو اعمامي ونسوانهم وعلويه"تخلي الشمارات لي منو علويه عاد" والبيت اتملا خلصت من الميكب كدا سامعه الزعاريد طلعت لقيت ديل اهل العريس قعدوهم في الهول جاتني ريان نابله من وين ما بعرف قالت لي وبعلي يا سحر ريااض ما ريااض 😢❤️ ولا الجلابيه اوووقسم احردوها ليهو قت ليها اجي يا ريان خلي أمور البوره بتاعتك دي أنتي مش خطبوك بتقابضيفي رجال الناس مالك تاني مالك تاني 🐸 عاينت لي كدا 😒و قالت لي انتي أصلك وش فقر غلطانه أنا البوريك ودخلت لي سمر، مشيت قدمت ليهم الحلاوه وكنا عاملين عشاء شكل صحانه قدمتو ودخلت جوه قت لي سمر هسي رياض دا ما عندو اخو قعدت تضحك وقالت لي اخوهو يدووب ممتحن ثالث، بقيت عامله كدا🙂 سمر طلعت ليهم حبه واتوترت من نظرات رياض جات خاشه "اوعدني يارب" الرجال مشو صلاه العشاء وانا دخلت المطبخ اضاير فيهو بعد شويه صوت الزغاريد علا والجووطه طلعت اسمعهم ليك قالو عقدو.....
يتبع...
