عاينت للشاشه ولقيتو أمجد 😍 يخ لمن بطني وجعتني وكرعيني بقو ماشايلني😹 أول مره زول يعبرني اساسا🐸 جيت أرجع ليهو لقيت ما عندي رصيد بنكت كدا في التلفون قام رجع لي تاني عايزه أرد كدا تاني قت هيي يا سحر اتقلي حبه ما يقوم يقول عليك خفيفه😹 بقيت ماسكه التلفون بي شحتفه لحدما الجرس قرب يخلص بعداك رديت "عاقله يا سحر😹" وجاني صوتو واااااااع من الصوت😭نعسان كدا علي فيهو خشونه خلاني ادردق عديل قال لي سحر؟ قت لي ااااأيوه ،قال لي أسف إذا بتصل في وقت ما مناسب بس حسيت أني عايز أتكلم معاك "واااي يخواني وااي قال حسا انو داير يتكلم معاي 😭❤️، أنا عبرتاااا" قال لي ألوو سحر أنتي حتي في التلفون بتسرحي يابت 😹 قت لي هه لالا بس، قاطعني وقال لي مستغربه أتصلت عليك لي صح؟ قت لي هو أنا أصلا ما مصدقه هييي أقصد لالا عادي...
المهم اتكلمنا ساعه كامله نشرق ونغرب، بعد قفلت منو أتربعت في نص السرير وبقيت بتكلم مع نفسي هوووي يا سحر ما تملي يدك منو الأولاد السمحين ديل دايما بكونو قليلين أدب، يخ هااا أنتي مالك مخك مقفل كدا أمكن أسي الزول دا غرضو شريف، يزوله هااا أسي بي صراحه كدا أنتي فيك جوانب تجزب؟ هييي صحي هو لي خلا البنات السمحه دي كلها وجاني أنا 🐸 سحر أنتي لازم تبدي في موضوع أنك تبقي كيكه دا ما هو ما ممكن تكوني ماشه مع واحد أسمح منك 🐸💔، ونمت علي كدا وانا خاته في بالي أنو حأبقي كيكه 😹صحيت بي صوت زعاريد من الصباح بقيت بقول يارب سماايه ولا طهوور، سمااايه يخ ياارب سمايه، تاني حيعرسو منو مثلا والله الحله زاتا فضت من البنات ما فضل ألا ابجيقه بتاع الدكان 🐸 فتحت عيوني براحه ومرقت علي مصدر الزغاريد القي ليك الزعاريد في بيتنا اجييي🥺🥺 جاني عريس ولا شنو 🤔 مشيت سألت أمي قالت لي سمر قالت الدكتور بتاعها عايز موعد عشان يجي يتقدم ليها، الهبوووووووب أجي يا سمر البتقدمو ليها والله عاد تمام المسيح جاب فايده 😹 أمي قالت لي الناس أديناهم مواعيد بعد بكره واقع الجمعه عشان أعمامكم زاتو يجو وكدا ما تمشي الشغل أقعدي عشان تنظفي البيت وتنظميهو، قت ليها أوووومي قبل اتم كلامي عاينت لي كدا😒 سكتت وقت ماافي طريقه يا سحر خلاص شريحه الحبشيه حتقرا ،🐸 قت خلاص حأتصل علي أمجد أكلمو أني ما حأجي الشغل اليومين الجايين ديل، لفحت توبي ومشيت علي أبجيقه بتاع الدكان التقول ناقصه استظراف من الصباح 😒 لاقيت علويه طالعه من بيتهم ياخ مره حوامه خلاص وبي كدا خلاص كملت مما شافتني قالت لي عااد سمر مبروووك عليها وعقبالك يختي بعد دا زاتك طولتي أختك الصغيره هدي حيعرسوها، "عليك الله شوف المره دي 😒 أنا زاتي مستغربه بتعرف الخبارات والشمارات دي من وين" قت ليها هااا أنتي العرستي عملتي شنو غير جايبه ليك شافع قليل أزب يقابض يمين وشمال وانتي زاتي لافه زي كلبه الحر 😒 ومشيت خليتها خلاص عصرت علي شميتها وقلبي اباها المره لافه زي الكارلو بتاع البصل 🐸غايتو بتكون شمتني لكن ما اشتغلت بيها كتير كمان اسكت ليها واخليها تتزارف معاي هئه 😒 في برطمتي وكلامي براي داك وصلت الدكان بله قال لي اووو سحر كيفك وكيف ناس البيت؟ وتعالو شوفو الكبكبه 😹 المهم قت ليهو اديني رصيد بي خمسه جنيه "ااي خمسه جنيه مالكم انتو 😒" قال لي الليله عندكم شنو انتو في بيتكم؟ قت ليهو سمر عايزين أخطبوها قال لي ماشاء الله الف مبروك ليها وعقبالك، بقول في الكلام دا والأبتسامه لا تفارق شفتاه 🐸 شويه كدا ويقول لي عقبالنا ما عقبالك 😒 مافضل لي الا انت يا ابجيقه 😹بتكلم معاهو شفت واحد زي قطعه المارشميلو جا خاشي الدكان طوالي قت ليهو اديني مع الرصيد أندومي وشبس وجيب بارد 😹😹 ومرقت وانا زعلانه علي قروشي الضيعتها لانو اساسا ما عاين لي 🐸 وصلت بيتنا واخدتا لي ركن كدا في الزقاق حق الكرور البي ورا داك "عاد اها حبايبي أنا اخلت ليكم وين 🐸💔" شلت تلفوني وفعلت لي خدمه قدر ظروفك ااي بس ياها حقت الاربعين دقيقه ديك 🐸، غايتو أمجد دا لو ما كان عندو رقم سوداني كان اتمرمطت مرمطت السنين 🐸 أتصلت عليهو فصل الخط ورجع لي هو "راقي يخواني، لكن انا اسي الاربعين دقيقه دي أقع بيها وين شكيت محنك 🐸" اول ما فتحت قال لي سحر ازيك صباح الخير، قت ليهو صباح النور قال لي انتي كويسه؟ قت ليهو ااي معليش أتصلت عليك من الصباح وكدا بس عايزه اوريك أنو اليوم ما بقدر اجي، قال لي مالك أن شاء الله خير بي لهفه، قت ليهو لالا بس خطوبه اختي وعايزه ازبط البيت والنظافه وكدا قال لي اهااا ماشاءالله عقبالك يااخي ❤️ قت ليهو جمعا ،اتونس معاي شويه وقفل قال لي برجع ليك بعدين طالع الشغل، قفلت كدا لقيت ليك الحجه في وشي 😹 وطوالي استلمتني ليك انتي اصلو التلفون دا ما بتخلي وماسكاهو 24 ساعه "هي يخواني بتين انا قعدت زاتو" واصلك قاعده زي قلتك في البيت "في لحظه نكروني كلو كلو 😹 نان بالنسبه للستاير الامس القاعده فيها لحدي ١١ دي ما محسوبه ولا شنو 😹" قت ليها اجي يا اوومي ما استاذن من المدير انا الشغل دا لقيتو بي هين جاتني ليك السفنجه في نص راسي طااخ 😹قالت لي دا كلو بتستاذني لو كنتي بتحبي كان عملتي شنو 😒"الحجه شكلها موونفسنه يخواني 😹"قومي امشي نظفي قت ليها سمح قايمه خليتها مشت وشلت سماعاتي ركبتها في التلفون تاني بعد شويه قالت لي سححححححححححر غايتو سحر دي بله بتاع الدكان بكون سمعها قت هيي يا سحر اخير تقومي تنظفي وتلملمي باقي كرامتك قبل ما تتشرشحي أكتر من كدا 😹، قمت بديت انظف واتذكرت ريان طوالي غريت سماعاتي واتصلت عليها وانا بنظف بالله فتحتها للخط قالت لي مااااااشفتي قت ليها اها منو العرسوها 😹...
يتبع...
