قتحت دولابي لبست لي لبسه من الاشتريتهم أمس ومشيت بيت العرس، ماشاءالله كتره خلق وانا ماشه برراي اتلفت زي الطيره سمر قالت هي بتجي الحفله بس، المهم ماشه واتلفت في النساوين وتوبي وتوبك ودهبي ودهبك أنا يشيلني السيل وقادر الحيل بس 😀💔 وانا ماشه أتذكرت ريان قت كدي النضرب ليها 🐸 شلت التلفون ولمن الجرس قررب أقطع حتي ردت لي بي وييين ياخُرده "رميساء في فتيل😹" قت ليها أنا قربت للصيوان أنتي وين؟ قالت لي تعاالي تعاالي والله قاعده لي في ركن زاااابط عشان الزول يقدر أعلق بي مزاج 🐸قت ليها سمح جايه ،لمن فكرت لي نفسي علاله التراب دي للركب 🐸💔 قبل اخش غشيت اقرب مزيره بليت لي منديل وفوطت اسكيرتيني وكرعيني 😹ودخلت الصيوان عيني لي ريان هدييك قاعده محكره ولابسه تيشيرت اصفففر "شكيتك علي الله يا ريان اسي دي شمس الزول بلبس فيها اصفر 🐸💔" أتوكلت مشيت عليها بت اللذين قاعده ليها في ركن فنان عديييل 😹😹💔 المهم ركنت معاها ونشيل ونعلق سححححر سحححر هي مالك يازفته خلعتيني عااايني عااايني اللابسه كوبي دي مش مرت استاذ خالد ياتا ياخ معرفتها، ديييك ليها يازفته أنتي حوصا😒 وووبعلي ياريان دي اللابسه توب الحرير دي ماشاء الله تبارك الله هو العرس بسمح كدا 🙂💔 عان ليها الفرحانه الحنه للركبه 😹والله انتي ياريان لاعاجبك العجب ولا الصيام في رجب، ريان قالت لي هااا هي قايله روحها عروس لسه ولا شنو بتتوهمن كدا الزوله دي ليها سنه ونص من عرست صح؟ ويختي التفه دي مالا مطلعاها بره 🐸 قت ليها والله ياريان البت بقت مزه أنتي زوله حاقده ساي، عاينت لي كدا 😒 سكتنا شويه كدا علويه جات خاشه لابسه بووورتقاالي "يخواني أنا القاها من علويه ولا من ريان 🙂💔 دي شنو الوان قوس قزح اللابسنها دي" قت لي ريان أسمعيني أرح نقوم المره الشمشاره دي أنا ما بدورها 😒 اسي تجي تستلمنا تاني نكوس للبسكتها ما نلقاهو، ريان قعدت تضحك قالت لي بس لو عرفت انتي قارشه ملحتها لي برتاح، قت ليها مره حُشريه يخ ولا العجب شافعها العامل راسو زي سرج العجله دا مقومني سحر البايره ومقعدني سحر البايره ،سقتها ودخلنا جوه لقينا النساوين جايطات عشان أطلعو الفطور، ريان وقفت حبه قالت ليها سححر وووبعلي عيني الجاي علينا دا مش فاادي اخو ميار؟ عايني لي بقي سمح كيف وااي جاء سلم عليهم وريان تشيل وتوزع في الابتسامات وقف اتونس معاهم حبه وريان تشيل وتوزع في الابتسامات بعد مشا ريان قالت لي سحر اسمعيني أبدا اتحبس؟ عبد الحفيظ عندو خلطات زااابطه 🐸 سحر قعدت تضحك قالت ليها ها أحبسوك في كوبر الولد أصغر منك، اسمعيني أرح ندخل يدنا معاهم أمكن يختي أعجب لي وحده من النسوان وتخطبني لي ولدها 🐸" ريان قالت ليها اجيي يا سحر دي شنو البوره الفي أبو أهلك دي 😒أنتي يدووب عمرك 24 سنه لو أنتي عملتي كدا أنا أعمل شنو مثلا سحر قالت ليها أكتر من الحبسه الماشه تشتريها من دكان عبد الحفيظ دي تاني دايره تعملي شنو 😹" أتلفتت عليها لقيت غبارها زاتو ماف وأنا بتكلم براي 🐸 عاينت كدا شايفاها مستلمه ليها حله شعيريه 😹 أنا قبلت جاااي قبلت جاااي مالقيت موضوع اضطريت امسك لي حاجه قت باااس ياريان شوفي الفول بي وين 😹 وفعلا مسكت في حله الفول قووي أشتغلنا زيييين طلعنا كم صينيه كدا لمن مافي زول هببو لينا اتنفضنا قمنا علي الاقل نحصل لينا فطور زي الناس 🐸قت لي سحر شفتي أفكارك زنبي شنو أنا هسي، قالت لي أرح أرح خلينا نلحق اللحمه قبل تكمل، 🐸"انتو هاا جايين جعانين من بيتكم 😹" مشو وعلي حظهم لقو ليهو صينيه جااهزه ناقصه كم نفر، طوالي أتغزو فيها 😹 لمن فكرو للقاعدين معاهم كانو معظمهم نسوان المعاشات والموظفات النوع الشنااف داك 😹 وطوالي طورو الفطير حبه الفول ملحو بسيط اللحمه ما نجضانه كويس 😒"معازيم المناسبات انتو لي بتعملو كدا😑" المهم بعد انتهو من التعليقات بقو في ناوليني السلطه والدمعه بعيده مني وما بعرف شنو غايتو ريان وسحر ما فهمو اي شي لمن الفطور خلص كان خلاص الظهر أذن وسمعو صوت الطلق والناس بتقول عقدو عقدو والزغاريد ما تديك الدرب "سحر وريان ختوهم في فتيل 😹💔" والعروس حتجي للناس يسلمو عليها وبعدها حتمشي الكوفير عشان الحفله بالليل، سحر وريان مشو صلو الظهر ورجعو لي ركنهم تاااني، 🐸 علويه شافتهم من بعيييد طوالي جات عليهم " وبقو قاعدين يعلقو علي الماشي والغاشي وعلويه ما خلت ليها شمار طاير ألا وحكتو ليهم، تاني العروس جات داخله ريان قالت ليها ووب علي يا سحر دي نفخوها كدا بي شنو عايني الجضوم عامله زي لقيمات الصدقه🐸 سحر قالت ليها قولي ما شاء الله انتهيتي من البت قالت ليها أها ماشاءالله لكين برضو يبقي السؤال الشافعه دي نفخوها بي شنو 😒 وبعدين لونها فتح تبارك الله بس أنا لمن أعرسوني بجي بتحبس عندهم 🐸سحر قالت ليها الله يجيبو سالم 😹المهم شرقو وغربو ما خلو شي ومشو يلبسو عشان الصاله.. مافي شي مهم حضرو الحفله وريان مركزه مع فادي "لن تنالي" هججو تماام واي وحده مشت بيتهم.....
يتبع
