مدا لي الاندومي واتاكدت انو الرصيد جا ومشيت علي البيت.... بعد ماكنت ماشه أتذكرت شافعه سنه ثامن العايزين أعرسوها دي 🐸بالله نحنا التقول فاصل أعلاني 😒 والشمار حاارقني شديد ، قت يابت ياسحر مافي زول بفت ليك الحاصل غير علويه 😹 هو صح أنا ما بدورها بس بمووت لو ما عرفت، وطواالي ولا كذبت مشيت علي بيت علويه، دقيت الباب فتحت لي هي قت في سري الحمد لله شكلو راجلها أبجيقه دا ماف أسي تقعد تتظارف لينا وانا ما ناقصه 😒قالت لي هيييي يا سحوره مبروووووك الشغل وعقبال العريس يخخ "بيني وبين نفسي قت ليها شكيتك علي الله هسي الخبر دا جبتي من وين وليه عامله زي وكالت سونا للأنباء🐸💔" قت ليها هه الله يبارك فيك،قالت لي مالك واقفه خششي خششي، دخلتني وجابت لي شاي أحمر 🐸ما كنت محتاجه اسألها هي خشمها اصلا التقول متبري منها عامل زي الماسوره المحلوجه 😹 وبتحب تحسسني بي البوره 😒"الله يجازيك يا علويه بت عكاشه 🙂" المهم اخدت لي شفطه كدا من الشاي زولتكم طواالي أنشرحت في الونسه 😹 هييييي يا سحر ماشفتي بت ناهد الشافعه المفعوصه دي هي أسمها منو أسمها زاتو مكلوج كيفن كيفت قت ليها أسمها مياار "مكلوج قال عشان أنتي أسمك علويه 🐸💔" قالت لي المهم عاد ماشفتي الشيله عشششره عشررره والارياح دي شنطه ما خلو حاجه، والراجل قالو مغترب اشييل وأرسل في القروش،لحدي عفش البيت دا جددوهو هيي زاتا يختي القرش ظهر في وشها اتدردمت وسمنت قت ليها والله ماشاءالله قالت لي عقبالك قت ليها أميين 🐸 قعت معاها حبه بعد شويه جاء داخل شافعها الفقري دا قبل ما يتظارف معاي ودعتها ومشيت ما ناقصه ظرافه أنا كفايه عرس بت ناهد 🐸🚶♀️💔 دخلت بيتنا وانا بطنطن "ااي اقعدي لي انتي يا سحر الشافعه حتعرس انتي هدي ماشه علي الخمسه وعشرين نضمي ساي ما نضموهو فيك 🙂" لقيت ناس بيتنا اتغدو خلوني "أتخيلو بس 🙂💔" مشيت غرفت لي مُلاح في صحن وباكل كدا أتذكرت ريان ما أظنها تكون عارفه بي عرس ميار دا طوالي عملت لي خدمه "الاربعين دقيقه ديك عارفنها مش 🐸" واتصلت عليها قبل ما تفتح خشمها قت ليها مااااشفتي قالت لي أها قت ليها ميار بت ناهد عقدها الجمعه الجاايه لمن شرقت بقت تقح 😹😹😹 قالت لي كيفن يعني الشافعه دي أنا السنه الفاتت ماكنت براجع معاها الرياضيات مخها زنخ زاتو 😒 قت ليها بييي مخها الزنخ دا هدي عرست الدور والباقي عليك أنتي 🐸 قالت لي هاا أنا القمره المافي زول بصلها 🐸 قت ليها هااا القال ليك منو مافي زول بصلها الناس وصلوها زماان واسي دايرين يسكنو فيها 😹 قالت لي عليك الله ما تقلبي علي المواجع ما كفايه الخبر بتاع هسي دا. 😒 قت ليها أنا زاتي يختي قررت أبقي كيكه أن شاء الله محروقه 🐸 بعدين بمشي دكان عبد الحفيظ اجيب لي خلطه لي وشي دا 🐸 قالت لي هووي الكيكه دي بي قروش ولا سااي، قت ليها هييي نسييت أوريك أنا أشتغلت، باركت لي وقالت لي أنتي في دا ولا رؤي الأيام دي كمان طالعه بي العالي محمد سوا لي ومحمد عمل لي قت ليها محمد دا مش حبيبها قالت لي ااي أتخيلي من يوم أرتبطت بقت مشختا لي البقره 😒 قت ليها هااا لن نستسلم للألام 🐸 بكره تعرسي وتشختي انتي زاتك قالت لي لن نستسلم شنو والله نحنا شويه ونبقي الألام زاتها 🐸قت ليها باركيها عليك الله بتتجازف 😹 أتونسنا مسااافه وتاني قفلت منها، شلت صحني داك غسلتو ومشيت لي سمر أختي أكتر وحده ممكن تساعدني عشان أبقي كيكه، قت ليها أسمعيني أنا دايره ابقي سمحه 🐸 البت ضحكت لمن دموعها جرو التقول قت ليها نكته 😒 عاد ليها حق والله، قالت لي أول حاجه يا سحر انتي ملامحك حلوه ما محتاجه تتعبي كتير براك مبشتنه نفسك، قت ليها ماشه أجيب لي خلطه من دكان عبد الحفيظ 🐸 قالت لي شووفتي دي البشتنه الأنا قاصداها دكان شنو البتجيبي من خلطه " نقدم خاالص الأعتذار لي عبد الحفيظ ودكانو يخوانا أمسحا لي في وشي 🐸💔" قالت لي شفتي جغاميسك دي هي الخارباك اقعدي أوريك حتعملي شنو وتجيبي شنو...
بقيت بين الشغل والبيت ومشاكل غسيل العده الما بتخلص لحدما جاء يوم العقد حق ميار 😒 بالله صوت الزغاريد شااقي الحله شق صحاني من النوم 🐸" خلاص يخ عرفناها عرست 😀" مشيت اتسوكت وصليت وسرحت بوخ الحله حقي دا بعد ما مليتو بالودك لمن سال في الجبهه وبقي عاكس مع الضوء🐸 "اسي دي حاله وحده دايره تبقي كيكه 😑" قتحت دولابي لبست لي لبسه من الاشتريتهم أمس ومشيت بيت العرس
يتبع....
