- إلتزمت في الصلاة إزاي ، هقولكم ؟ 💙
- جات عليا فترة كنت تعبانه جداً جداً فقربت من ربنا 💙
بدأت أصلي وكنت بستني الأذان يأذن عشان أقوم أصلي ع طول ❤ ف الفترة دي حرفياً مكنتش بسيب فرصة لأي حاجه تلهيني عن الصلاة ولا بدي فرصة للشيطان يضحك عليا حتي فترة ولقيتني ببعد ؟..
- ببعد اووووي وفضلت بردو فترة طويلة بعيده بس كنت دايماً مضايقة من نفسي اووي وتقريباً كرهَها لحد ما بقيت بدعي بعياااط إني أنتظم ف الصلاة تاني كنت بقول بالحرف *يارب إديني فرصة تانيه إني أقرب و والله أنا همسك فيها وعمري ما هضيعها تاني لحد ما اموت* ...
= قعدت تقريباً شهور أدعي الدعوة دي وبردو مكنتش عارفه أنتظم ف الصلاة كويس ، يومي كان متشقلب بنام طول النهار وأصحي طول الليل ف طبيعي مش هنتظم !..
- وقتها إفتكرت الأية دي "إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ" .. فقررت إني أنا اللي لازم أبدء وأحاول أنتظم وربنا اكيد لما بيلاقيني بحاول هيديني الفرصة اللي
أنا بقالي شهور بدعي إنه يديهالي ..
= ظبطت نومي بقيت أنام زي البني أدمين 😂 عشان مفيش صلاة تروح مني ف النص كده يوم بعد يوم بعد يوم لقتني فعلاً بصلي 💜 مفيش صلاة بكسل عنها لو عاوزة أنام ف نص النهار بقول لا مفيش نوم لو نمتي صلاة العصر هتروح منك طبعاً وأفتكرت بردو الأية " فَوَيْلٌ لِّلْمُصَلِّينَ الَّذِينَ هُمْ عَن صَلَاتِهِمْ سَاهُونَ" .. قولت لنفسي ده إنتي لو مبتصليش أهون من اللي انتي بتعمليه ده إنك تصلي بمزاجك وتضيعي صلاة منك ف النص يعني هما 5 إنتي ممكن تصلي 4 ، 3 لا ده أستخفاف بالصلاة وإعقلي ، اللي كمل الموضوع بقي إيه كنت بحمر حاجه ع البوتجاز والزيت جه ف إيدي حرقني ، الوجع اللي كنت حساه كان بيخليني أعيط ومش عارفة أنام ناااار ف إيدي ثواني كده !..
- انا بعيط ومش مستحملة لاسعه زيت طب بالنسبة لأني مبصليش ! ، بالنسبة لعدم إستغفاري وعدم ذكري لله ف اليوم كتير ؟ ..
- لاسعه الزيت هي اللي كملت فوقاني ، لاسعه الزيت هي إستجابه ربنا لدعائي وإداني الفرصة التانيه ✊💙
= أنا مبقاش ينفع ييجي عليا يوم مصليش فيه بحس بخنقه مالهاش حدود حتي لو مكانش عندي مشاكل وحياتي تمام وزي ما هداني وصليت ❤ كمان هداني ف لبسي ولبست الخمار فضلت بيه سنتين 25/9/2018 دا أجمل تاريخ وأول يوم كان لياا بالخماار فاللهم لك الحمد والشكر فاللهم الثبات ❤️❤️❤️❤️❤️
- من ساعتها وأنا زي ما بستغفر وبذكر الله ف اليوم كتير مبيعديش يوم إلا لما أردد الأية دي " رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ " 💙✋🏻
قصة هداية أحدي صديقاتي
سوزان سليمان
منقول للأمانة
