أقولك ليه ربنا لحد دلوقتي يمكن مستجابلكش باللي نفسك فيه !
بالرغم من طول مدة دعائك !!
اسمعى القصة دي :
ابو هريرة كان من اهل الصفه الفقراء .. ودول للي مايعرفهمش .. كانوا من فقراء صحابة اللي النبي عليه الصلاة والسلام جعلهم مسكن بجوار منزله ❤
المهم يوم ورا يوم ورا يوم ومفيش اي طعام في بيت ابي هريرة .. خلاص هيموت من الجوع !
لدرجة انه ذهب يلتمس اي مصدر للأكل عشان ياكل وبردوا مش لاقي !!
وفي طريقه وجد الرسول عليه الصلاة والسلام ومعاه ابريق فيه لبن .. فقال بس الحمد لله
راح والتمس من النبي انه يشرب معاه منه ❤
وطبعا النبي رحّب ووافق بس قاله قبل ما تشرب .. روح اندهلي كل اصحاب الصفة الفقراء اللي تعرفهم عشان يشربوا معاك
متخيلين ابو هريرة اول ما سمع كده
اكيد قال ده كان هيكفيني انا والنبي بالظبط .. مستحيل دلوقتي هيشبعنا !!
وبالفعل ابو هريرة راح نده لكل اهل الصفة الفقراء يحضروا للشرب من اللبن ..
ولما جم .. النبي قال لأبي هريرة .. خد بقي الابريق ومُر علي واحد واحد يشرب حتي يرتوي
يعني عطشاااان وجعاااان وكمان هيشرب غيره قبل ما حتي يبل ريقه !! واخدين بالكم
امتثل ابو هريرة لأوامر النبي .. وشربهم واحد واحد وبعد كده رجع بالابريق للنبي وفيه شئ من اللبن متبقي !!
يعني كمان تبقي بعد شرب كل الفقراء ودي ايه من ايات الله لنبيه
وبعد ما خلصوا كلهم شرب .. النبي اعطي لابي هريرة الاناء وقاله اشرب يا ابا هريرة
فشرب .. وكل لما كان بينزل الاناء من علي فمه كان النبي يقوله اشرب يا ابا هريرة .. كتييير اوووي
لحد ما ابا هريرة قاله .. والذي بعثك بالحق يا رسول الله لا اجد لها مسلكاً .. يعني مش لاقيلها مكان في بطنه من كتر الشبع
من هنا بقي .. امنية ابو هريرة بانه يشبع اتحققت .. بس بعد مدة طويلة وبعد شوية مواقف يمكن تكون عدت بصعوبة علي ابي هريرة لحد ما ظفر بالاناء وارتوي
ليه بقي ؟!
لان النبي كان عايز يعلمه الصبر ❤
وكذلك ربنا ولله المثل الأعلي .. مأخر دعوتك وتحقيق حلمك وأمنيتك مش عشان هيا صعبة او مستحيل تحصل !!
لان مفيش مستحيل علي ربنا
ولكن عشان حاجة واحدة .. عشان تتعلم الصبر 😊❤
وعشان كده ربنا قال *" وبشر الصابرين " ❤
*{ الله يختبر صبرك ثم يُحدث بعد ذلك أمراً }*
