=ممكن اسألك سؤال 🙋
- اتفضلي
=انتوا ليه متشددين كده في موضوع النمص
والله ديننا جميل ويسر مش عسر زى ما انتوا بتقولوا
وربنا غفور رحيم مش هيدخلنا النار علشان شعرتين، احنا مكفرناش يعنى 🤷♀️
- استنى شويه كده، ايه الصدمه دى 😳
ده انتى عايزة حد يغسلك دماغك خالص
= طب فهمينى انا غلط في ايه بقي ،،انا كل كلامى صح ع فكرة
- تعرفي قصه سيدنا ادم وحواء ف الجنه ؟؟
= ايه اللى دخل دى في موضوعنا !
وعموما هجاوبك ، ايوة عارفاها مالها ي ستى ؟
- هو ربنا غضب منهم ليه ؟
= انا مش متذكرة اوى يعنى بس كل اللى فكراه ان ربنا أمرهم انهم ميكلوش من شجرة معينه وهما اكلوا منها
- جميل انتى فاكرة اهو، طيب ربنا عاقبهم بايه ؟؟
=نزلوا من الجنه للارض
- شايفه ان اكلهم من شجرة ده ذنب يستحق غضب ربنا وكمان حرمانهم من الجنه ؟
= هااا ، مش عارفه ..قصدك ايه يعني
- هقولك 👇
سيدنا ادم وحوا مكفروش بربنا ومحاربوش ربنا بالمعاصي ...
كل الحكايه ربنا امرهم مياكلوش من شجرة معينه وهما اكلوا منها !!
عقابهم كان كبير اووووى
تفتكري عقابهم ده علشان هما اكلوا من شجرة ولا علشان عصوا امر ربنا ؟
هااا فهمتي ؟
= .........................
- ديننا جميل ويسر ومش عسر ،و ربنا غفور رحيم بس بردو عقابه شديد
ليه ذكرتى الصفه دى ونسيتى الصفه التانيه
انتى اه مكفرتيش بس عصيتى امر مباشر وواضح
وعقابك كمان ربنا قايلهولك وموضحه «اللعن » يعني الطرد من رحمة ربنا 💔
لكن ف قصه سيدنا ادم وحوا ربنا حذرهم لكن مذكرش عقابهم لو خالفوا امره
شوفتى احنا مرحومين اد ايه
هما زي ما بتقولى شعرتين
فاسئلى نفسك بقي يستاهلوا تضيعي الجنه علشانهم !!
= انا مجاش في دماغي الكلام ده، انا بحب ربنا ومش عايزة غضبه
انا كنت فاكرة ان طاعاتى التانيه هتغطي على ذنبي ده
وانه هو صغير جدا مقارنه بطاعاتى
- اسمعي الكلمتين دول كويس جدا 👂
متبصيش لصغر حجم المعصية، بصي لعظمة الخالق اللي عصيتيه
ابليس ي حبيبتى كان اعبد اهله
كان عابد موحد لله
لما ربنا امره انه يسجد لادم ورفض
طاعاته اللى عملها مشفعتلوش ✋
خدى بالك ي حبيبتى
ربنا لما يأمر ويحذر يبقي الكلام ده مش هزار ❌
= ياااربي 😰ربنا يسامحنى يارب
انا خلاص توبت معدتش هعملهم تاني
سامحنى يارب مكنتش اعرف
اقبل توبتى يارب
- بإذن الله هيقبل توبتك
نسيتي ان ربنا غفور رحيم
#إفاقه ✋
#لعلها_المنجية
#كلام_بنات
اتمني الكلام دا يوصل لكل بنت، والله خايفة عليكم
التمن هو الجنة، مش معقوله هتطردي نفسك من الجنة ومن رحمة ربنا بسبب ذنب انتي عارفه انه يغضب ربنا
ولو انتي فبيتك مع زوجك هتقدري تحطي ميكب ومش هيبانوا والله
بلاش نبيع الجنة ونتبع خطوات الشيطان
فوقوا يا بنات يا مسلمات
دي مش نضافه زي ما بتقولوا، دي تمن الجنة اللي بتبعوه
