قصص إسلامية

الصلاة

الصلاة هي طوق النجاة  و القفزة اللي هتتغير بسببها لو أنت صليت صح 👌

اللي ما بيصليش ده سهل يزني ..و سهل يقع في الإلحاد 👎

ترك الصلاة جاي وراه على طول إتباع الشهوات ربنا سبحانه وتعالى قال :
" فَخَلَفَ مِن بَعْدِهِمْ خَلْفٌ أَضَاعُوا الصَّلَاةَ وَاتَّبَعُوا الشَّهَوَاتِ ۖ فَسَوْفَ يَلْقَوْنَ غَيًّا "

الغيّ في الأخرة اللي هو جهنم ..والغيّ في الدنيا اللي هو الضلال

⛔️اوعى تيأس من نفسك  ..اوعى تيأسي إنك تتغيري

#حكم_تارك_الصلاة و أقوال الأئمة الأربعة في تارك الصلاة⤵️

💡⁩عند مالك و الشافعي قالوا : يقتل حدا ..
💡⁦الإمام أبو حنيفة قال : نسجنه ... لو صلى نسيبه ،
ولو مصلاش يفضل مسجون لغاية ما يموت يعني إعتقال حتى الموت  ‎
💡الإمام أحمد بن حنبل قال :  يتحبس تلات أيام ...لو مصلاش يتقتل كفرا 
وكفرا يعني كافر لا يغسل ولا يكفن ولا يصلى عليه ولا يدفن مع المسلمين ومحدش يورثه لأن ماله حرام

الحاجة الوحيدة اللي مفيش فيها رخصة هي الصلاة
مفيش عذر في الصلاة حتى لو هتصلي بعنيك 💯

💢 خمس مواعيد بينك وبين ربنا كل يوم ..
لو ما بتصليش يبقى ما تقولش بحب ربنا

🔘لو أنت ملبتش نداءه النهاردة مش هيلبي ندائك بكرة والعياذ بالله

عود نفسك على الصلاة بالطرق دي 👇

📎 ⁩أول ما الآذان يأذن قوم من مكانك لأنك لو قولت لسه بدري مش هتصلي . .

📎 الزم صلاة الجماعة لأنها أسهل وأخف وأكثر تشجيعا..

📎 في المسجد هتتعرف على صُحبة حلوة صالحة وبيئة إيمان
لو فعدت معاهم ربنا هيثبتك على الصلاة

📎 لما تلاقي نفسك تقيل اسمع أي حاجة تسخنك وتقومك للصلاة
اخطف نفسك من الشيطان ..اوعى الشيطان يخطفك من ربنا

📎كل يومين تلاتة إسمع درس عن الصلاة هتفضل سخن على طول ..

📎شوف واحد صاحبك بيصلي وخليه يشجعك في كل فرض ويتصل بيك ويصحيك

📎الوضوء بقى👈أبواب الجنة الثمانية بتتفتح بعد الوضوء
الوضوء ده العلامة اللي النبي صلى الله عليه وسلم بيعرفك بيها يوم القيامة إنك مسلم ويدخلك على الحوض
النبيَّ صلَّى اللهُ عليهِ وسلَّمَ يقول :
((إنَّ أُمتي يُدعونَ يومَ القيامةِ غُرًّا مُحجَّلينَ من آثارِ الوضوءِ، فمنِ استطاع منكُم أن يُطيلَ غُرَّتهُ فلْيفعل ))....البخاري

☝️دي معركة التعود لو عديت منها خلاص⁦⁩ هتدخل على معركة الخشوع

من درس : -
#نداء_إلى_تارك_الصلاة (1)
#الشيخ_حازم_شومان