#في حب النبي :❤️
فاحتضنه رسول اللّٰهﷺ ثم قال:
"لا يا زاهر ، أنت لست كاسدًا ، أنت عند اللّٰه غالِ"💙.
كان فيه صحابي من الصحابة اسمه " زاهر " .. زاهر ده من الصحابة المعدودين أوي اللي شكلهم مش جميل لأن أغلب الصحابة كانوا جٌمال جدًا :"))
وزاهر مكنش إجتماعي أوي كان منطوي شوية ودايما بيقعد لوحده، كان بيحس إن الناس مش بتحبه، فـ مرة النبي عليه الصلاة والسلام عايز يمزح مع زاهر .. فـ زاهر كان في السوق بيشتري حاجات فـ النبي يعمل إي ! يجيله من ظهره عليه الصلاة والسلام فيحضنه ويغمي عينيه الإتنين وقال : " من يشتري هذا العبد ؟؟ من يبتاع مني هذا العبد ؟؟ " .. فزاهر أتخض وقاعد بيحاول يفك نفسه منه ويقوله : " أرسلني أرسلني !! "
فزاهر بيقول : " كنت كلما أحاول أن أفك نفسي منه كان يشتد أكثر " .. لأن النبي قوي عليه الصلاة والسلام ( كان في قوة 40 واحد زي عمر بن الخطاب ، وعمر كان قوى وضخم جداً لدرجة أنه كان ماشي جنب صحابي مرة وكحَّ جامد الصحابي أُغمي عليه من الخوف ، والشيطان كان بيخاف منه وبيمشي من الطريق اللي عمر مايمشيش منه ، فـ كان النبي يقول : " لو سلك عمر فجًا لسلك الشيطان فجًا آخر ") ومع ذلك النبى عمره ما أستغل قوته دى وما ضرب رسول الله رجلا قط إلا في المعركة وما ضرب رسول الله امرأة قط !!
فقال زاهر : " فشممت كفه فعرفت أنه رسول الله " ، عارفين عرفه منين ؟! ( أصل بيقولك النبي مش زينَّا النبي مسام إيديه مش بتفرز عرق زى العرق بتاعنا ، دى بتفرز مسك بجد ! وكانت كفه ألين من الحرير كأنما أخرجت من علبة عطر ! )
فقال زاهر : " فلما عرفت أنه رسول الله جعلت أدخل في حضنه " ويزق ضهره فى حضن النبي فالنبي فهم وضحك ووسع إيديه .. فقال زاهر : " تبيعني يا رسول الله ؟! "
فضحك النبى صلى الله عليه وسلم ، وقال زاهر : " يا رسول الله لئن بعتني لوجدتني كاسدًا يا رسول الله " ( علشان هو مش وسيم شكلًا يعنى ) .. فقال النبي : " لا يا زاهر ولكنك عند الله غال 💙"
