My Ex-Husband Is My New Boss

Chapter 94

Alex P.O.V.

PINAGMASMASDAN kong mahimbing na matulog si Jake. Sa iisang kwarto na kami natulog, kahit ayaw niya. Natulog lang naman kami. Bumangon ako at pumasok sa banyo. Ginawa ko ang morning rituals ko, after maligo ay nagbihis na ako.

Habang nag-aayos ng mukha sa vanity mirror ay napatingin ako kay Jake. He is still sleeping. Nakadapa ito. Nagpakapuyat kasi kagabi ay kaninang madaling araw na yata kami nakatulog dahil sa panunuod at kwentuhan.

Napabalik ako sa reyalidad ng mag-ring ang phone ko. Mabilis ko 'tong kinuha at sinagot.

"Yeah?"

"Hi, Ate. Anong oras kayo pupunta dito?!" masiglang tanong ni Zia sa kabilang linya. Tumingin ako sa orasan. Twelve o'clock na,

"Baka mamaya pa. Kumusta ang mga bata? Makulit ba?" Kinuha ko ang suklay at sinuklay ang mahaba kong buhok.

"Medyo lang, ate. Ang hirap lang patulugin ng kambal dahil namamahay kagabi."

"Nako, pasensya na ha. Kumain na ba sila?"

"Yep! Actually kaya ako tumawag kasi hinahanap nila kayo."

"Ah, okay. Pwede ko ba silang maka-usap? Tulog pa kasi ang kuya mo dahil napuyat kagabi. Ayoko namang gisingin," nakangiting ani ko. Tumili si Zia sa kabilang linya.

"Oh, my! Anong nangyari? May nangyari?! After six years may dilig ka na!" eskandalosang tanong nito.

Namula ang pisnge ko. "Hindi! Ano ka ba! Nanuod kami ng movie kaya late na kami nakatulog!" depensa ko, pero paraan nito ng pagtawa ay halatang hindi naniniwala.

"If you say so! Basta gusto ko triplets naman para lima agad!"

"Ewan ko sa 'yo! Nasaan baa ng kambal?" pag-iiba ko ng topic.

Humagikgik ito, "ako na lang kakausap sa kanila, Ate. Magka-busy ka diyan sa asawa mo. Six years," anito saka ako binabaan ng tawag.

Napa-iling ako at binitawan ang phone ko. Muli akong tumingin sa salamin, from there I saw Jake, naka-upo na siya sa kama.

Ngumiti siya, "Sinong kausap mo?" pasok niyang tanong habang pupungas-pungas.

"Si Zia, tinatanong lang kung anong oras daw tayo pupunta sa party mamaya. Gusto mo bang kumain? Magpapaluto ako?" Tumayo ako at naglakad palapit sa kanya. Umupo ako sa gilid niya.

Umiling siya. Gumapang palapit sa 'kin. Niyakap niya ang bewang ko at umunan sa mga hita ko.

"Let's sleep more, wife," ungot niya. Hinaplos ko ang noo niyang nakakunot.

"Okay. Matulog ka pa. Gigisingin na lang kita mamaya," saad ko habang pinagpapatuloy ang pagmamasahe sa ulo niya.

Dumilat siya, "tabihan mo ko," parang batang aniya. Mahina kong pinitik ang noo niya.

"Mister, tanghali na. aalis tayo kaya hindi pwedeng pareho tayong tulog." Iaalis ko dapat ang ulo niya ng hindi siya pumayag. "Unan ang gamitin mo para hindi ka sakitan ng leeg."

Umiling siya. "Mas masarap ang hita mo, wife. Ang lambot," nakangising sabi niya.

Hinampas ko siya sa braso. "Anong sinasabi mo?! Mataba ako?!" galit kong tanong sabay alis ng ulo niya. "Wag kang tatabi sa 'kin, ha!" Tatayo sana ako ng hawakan niya ako sa kamay at hinila, ayun, nahulog tuloy ako sa ibabaw niya.