الحب وما قلت عنه💖(مكتملة)

part 2

Part 2

ونام الجميع واستيقظو الساعه السادسه لينزلو ويتجمعو ويشعلو النار ويجلسو حولها علي شكل حلقه كبيره جدا
وفعلو ذلك وجلسو
سلمي:بقولكم إيه مش هنلعب حاجه
نجوي:نلعب أي حاجه
عزت : بصو ايه رايكم نلعب الصراحه
سلمي :لا بصو احنا نعمل قرعه واللي يطلع اسمه في تالت مره نمسكه اسئله
لمار :ايوا بلاش الصراحه خلينا في ده
وفعلا عملو قرعه وللاسف في تالت مره طلعت لمار
سلمي :لماااااااااااااااار انتي اللي عليكي الدور ياختييي 😂
لمار :انا مش قلتلك متنطقيش
عبدالله وهو يضمها إليه :خلاص بقي يلا هنبدأ مين يبدا
لمار :انت بتوزع
سندس :يلا يا لمار ولا انتي مش قد الاسئله
لمار :لا قدها جدا يلا مين يبدا
ريان :انا هبدا
لمار :اتفضل
ريان : اوصفي نفسك في المستقبل
لمار : اخلص تعليمي وافتح عياده واتجوز ظابط واجيب ولد وبنت ولد اسميه الياس وبنت تالين ويا سلام بقي لو الظابط اللي اتجوزته ده صعيدي يااااه ده يبقي ربنا بيحبني اصلي بحب الصعيد اوي بس برده لما بتمني أي حاجه بحط قدامي الجمله ده
(ليس كل ما يريده المرء يدركه )
حازم :طب ممكن اسال انا
لمار :ربنا يديكي علي قد نيتك ياللي في بالي ثم أكملت اتفضل يا دكتور
حازم :كلمينا علي الحب بالنسبه ليكي
لمار وقد هبت من حضن عبدالله واقفه قائله : هي سلمي قالتلك
سلمي :والله العظيم ما اتكلمت اصلا والله العظيم ما قلت حاجه متقول حاجه يا دكتور
حازم : اهدو كده واقعدو ده كله عشان قلتلك كلميني عن الحب
لمار :يعني سلمي مقالتش حاجه
حازم :لا مقالتش حاجه
لمار :طيب
انا مؤمنه جدا بقصص الحب بس انا ك لمار مش من الممكن اني ادي نفسي فرصه اني احب اوحش حاجه اصلا الحب من طرف البنت انت متخيل أن بنت تحب من طرف واحد ده بيكون كأنها بتموت نفسها ده من طرف البنت لكن بقي من طرف الولد بتكون الفرصه اكبر لأنه لو بيحبها هيروح يتقدم لها لكن البنت ما باليد حيله بس طبعا بلاش الكلام الاهبل بتاع انا هتقدم لها لما اتاكد من حبها ليا ده كله هبل بالنسبه ليا
انا عموما زيي زي اي بنت نفسها تعيش قصه حب مع انسان كويس بس انا عمري ما هدي لنفسي فرصه اني احب انت متخيل لو احنا الاتنين بنحب بعض واحنا مش مكتوبين لبعض مش هيحصل نصيب يبقي ليه اعلق نفسي مع حد الله اعلم هو من نصيبي ولا لا كده كده انا مكتوب ليا اني هبقي مع انسان معين ملهاش لازمه بقي اني احب واعلق نفسي لما أبقي اتجوز حد أبقي احبه براحتي علي الاقل مش هبقي بعمل حاجه حرام وهيبقي هو من نصيبي
حازم : فعلا شابوه ليكي كلامك حلو اوي
لمار :شكرا
ثم أكملت بصو بقي مش عاوزه والنبي اسئله تاني عشان انا زهقت انا هقوم بقي
سندس بدلع :مستر حازم ممكن كلمه علي جنب
نجوي بدلع :اه يا مستر لو سمحت
حازم :إيه مستر ده هو احنا في مدرسه الاعداديه المشتركه
ضحك الجميع ثم قالت لمار بهمس لحازم
لمار : بس يا دكتور نصيحه دول التوام المنحرف اقطع دراعي أن ما قامو الاتنين دلوقتي وعدو من بينا وخبطو فيك و راحو عشان يغيروا و.....
في هذا الوقت قامت نجوي وسندس وفعلو كما قالت لمار لحازم فضحك حازم ولمار ثم أكملت
لمار :ولو حضرتك بقي زبون متوصي هيلبسو بنطلون ومن فوق شفتشي فضحك حازم بشده ثم أكملت ولو حضرتك زبون متوصي اوي هيلبسو بلوزه ومن تحت شفتشي
ولو حضرتك بقي من درجه امتياز يبقي .....
قاطعها حازم قائلا :كله شفتشي
ثم ضحكو بصوت عال
ثم سمعو صوت نجوي قائله بمياعه :يا دكتور عن اذنك
لمار :خد بالك يا دكتور شكلك امتياز
ضحك حازم بشده عليها
ثم قالت بصوت منخفض لا يسمعه الا حازم
لمار :قوم يا دكتور بس خد بالك النجوي من الشيطان
ثم تركته وقامت ولم تلاحظ نظرات هذا الاسد ريان الذي كادت أن تحرق الاخضر واليابس