الحب وما قلت عنه💖(مكتملة)

part 10

Part 10

ذهبت له لمار ثم حضنته فبادلها هو الآخر ثم قالت
لمار : ربنا يخليك ليا وميحرمنيش منك ابدا
ثم اكملت
هاخد انا شنطه وانت هات الشنطتين التانيين واطلع ورايا شنطه وانت هات الشنطتين التانيين واطلع ورايا

واخذ عبدالله الشنطتين كما قالت له لمار وتبعها الي الشقه
فنادت لمار بصوت عالي وهي تدخل
لمار : يا محموووود
كان محمود في هذا الوقت نائم وبجانبه امه تحاول أن تيقظه وما أن نادت لمار بهذه الطريقه وقف مفزوعا وجري الي الخارج حيث لمار
سعاد : ربنا يخليكي يا بنتي بقالي من ساعه ما انتي نزلتي وانا مش عارفه اصحيه
لمار وهي تضع الاشياء
:انا مش اي حد برده يا ماما​
ثم أكملت وهي تجلس علي الأرض  : يلا يا محمود اقعد كده واستربع و قعد ماما جنبك عشان افهمكو عشان انا ورايا مذاكره كتير
فجلس محمود وهو مستغرب من ما يحدث
فمالت لمار علي إذنه قائله
لمار : انا فهمت ماما أن دي حاجات عشان مناعتك وعشان تمنع ان انت تتعرض لسرطان الوراثه
اوما محمود بالايجاب ثم اغمض عينيه بالم
وبدأت لمار تقول لهم كل شئ وتفهمهم الجرعات والأوقات وما الذي لا يجب اكله وما الذي سياكله وهكذا
وظلو علي هذا الحال لمده ساعه ثم انتهو وبدأت رحله معالجه محمود
فاعطته لمار الجرعات ثم ذهبت الي غرفتها لتذاكر لان الامتحانات علي مشارف الابواب
فانهمكت في مذاكراتها
💖💖💖💖💖💖💖💖
في الصعيد
كان محمود يجلس يفكر الماضي الي ان قاطع تفكيره صوت هاتفه يعلن عن اتصال احد به فأمسك هاتفه فوجده ابنه الوحيد حازم
محمود : يا هلا يا هلا باللي جاي يفتكرني دلوقتي بقالك تلت شهور  مبترفعش سماعه التليفون إيه معكش رصيد
حازم : والله يا بابا انا اسف و.....
محمود مقاطع : بجالك تلت شهور مجتش ليه
حازم : والله يا بابا انا في بنت عندي في الجامعه اعجبت بيها بس هي بقالها تلت شهور عندها مشاكل وظروف
ثم أكمل بمزاح
وانت عارف ابنك لازم يبقي شانطي كده عشان يعجب
محمود بفرحه : الف الف مبروك يا ولدي اخيرا هتنسي الهبابه اللي كرهتك في صنف الحريم
ثم أكمل
هتتجدم لها أمتي
حازم بتنهيده : كمان شهرين كده
محمود : واسمها إيه
حازم بهيام : لمار ...... لمار عبد العزيز الحناوي
محمود : و هي عندها كام سنه
حازم : عشرين
محمود : واه إيه ده ده انت اكبر منها بكتير جوي يا بني وهي عتوافج
حازم : اه يا بابا انا جسيت نبضها ولقيتها موافقه
محمود : ربنا يفرحك يا بني
بس مش ملاحظ أن كتير شهرين
حازم : بصراحه انا ملاحظ بس هي عندها مشاكل زي ما قلتلك ولسه باقي لها امتحانات 
محمود : طب يا بني اللي يريحك
ثم أكمل بحرج
هي فنيه ولا فقيره ولا إيه
حازم ببعض الغضب : ومن أمتي واحنا بنبص كده يا بابا
محمود : مش قصدي بس عشان جدك معتصم
حازم : لا يا بابا حالتهم علي أدهم
ولو جدي مش موافق هبقي اخد جدي سند معانا
محمود : ماشي يا بني
حازم بمزاح : جدي سند بيتكلم مصري ميه ميه الدور والباقي عليك بلاش نص مصري ونص صعيدي كده
ضحك محمود وقال
محمود : حاضر يا بني عاوز حاجه
حازم : عاوز سلامتك ..... لا اله الا الله
محمود : محمد رسول الله
ثم اغلق محمود الخط وهو يقول
محمود : هقولك إيه بس يا ابويا هقولك أن حازم اللي احنا بقالنا سنين منتظرين أنه يتحوز هيتجوز واحده عاديه بس اهو اللي قلبه اختارها ربنا يسعدك يا بني
💖💖💖💖💖💖💖💖💖💖
عند عبدالله كان يجلس وهو متحير ايتصل بسلمي ام لا فعزم أمره علي الاتصال بها
فاصل بها أما عند سلمي فوجدت هاتفها يرن برقم عبدالله وهنا بدأ قلبها بالدق فردت و انتظرت عبدالله ليتكلم
عبدالله : الو
سلمي : الو
عبدالله : ازيك
سلمي : الحمد لله
عبدالله : اخبارك إيه
سلمي : كويسه
عبدالله : هو انا ممكن اقابلك النهارده
سلمي : بصراحه مش هينفع
عبدالله : ليه انت مش واثق......
سلمي ماقطعه: لا والله واثقه فيك وكل حاجه بس الحكايه كلها أن الامتحانات قربت
فلو عاوز تقول حاجه مهمه قول دلوقتي
عبدالله : طيب انا بس عاوز اقولك تاخدي من باباكي معاد عشان آجي اطلبك من باباكي
سلمي بخجل : حاضر يا عبدالله حاجه تانيه
عبدالله : لا شكرا عاوزه حاجه
سلمي : لا شكرا سلام
ثم اغلقت الخط ولم تعطيه فرصه للرد لانها خجله لكن عند عبدالله كاد أن يرد ولكنه وجد صفير يدل علي إنهاء المكالمه فابتسم وقال
عبدالله: مجنونه بس بحبها يارب يارب اكتبهالي وخليها ملكي يا رب
أما عند سلمي فكانت تبتسم وهي سعيده جدا وقررت أن تقوم الان لكي تقول لاباها عن موضوع عبد الله وقررت أن تصارح أباها بالمشاعر التي تكنها ل عبد الله
فذهبت وخبطت علي باب مكتبه فسمعته يأذن لها بالدخول ففتحت الباب وقالت
سلمي : ازيك يا بابا
سليم : ازيك يا قلب بابا عامله إيه اقعدي
سلمي وهي تجلس : الحمد لله يا بابا ثم أكملت بص بقي انا عاوزه افاتحك في موضوع
سليم وهو يترك ما بيده : اتفضلي قولي
سلمي : بص يا بابا انا عارف لمار صاحبتي طبعا
سليم : طبعا
سلمي : بصراحه هي ليها اخ اكبر منها
سليم : اه انا فاكر حاجه زي كده بس مش اخوها شقيق اللبناني ده
سلمي : بالظبط كده هو اخوها في الرضاعه واكبر مننا بسنه
سليم : ماشي إيه الموضوع
سلمي : هو عاوزني اخد منك معاد عشان يجي يتقدم ليا
سليم : وانت إيه رأيك
سلمي بخجل : بصراحه يا بابا انا بحبه جدا من زمان وجه الوقت بقي
سليم : طب يا سلمي انا هشوف كده واقولك
ثم أكمل
انا عاوزاه يجي امتي
سلمي بخجل : والله يا بابا انا عاوزاه يجي دلوقتي قبل بعد كده
ضحك سليم بصوت عالي ثم قال
سليم : وانا هحققلك امنيتك خليه يجي بالليل هو لوحده نتكلم كده وبعدين اشوف
قامت سلمي ثم قبلت أباها من وجنته وقالت
سلمي : ربنا يخليك ليا يا بابا
سليم : ويخليكي يلا اطلعي واتصلي بيه وقولبلو يجي بالليل
سلمي : حاضر
ثم ذهبت وقلبها يتراقص فرحا
واتصلت بعبدالله فرد
عبدالله : إيه السرعه ده
سلمي : بابا بيقولك تعالي بليل الساعه ٧
ثم اغلقت الخط بينما عن عبدالله قال
عبدالله: اه يا مجنونه
انا لازم اقول للمار
ثم اتصل بلمار فردت فقال
عبدالله : عندي ليكي خبر بمليون جنيه
لمار : قول يا آخره صبري
عبدالله : آخره صبري ولا آخره حازم
لمار بحده : عبدالله والله اقفل قول واخلص
عبد الله: خلاص​ خلاص انا هروح انهارده بليل اكلم ابو سلمي
لمار بفرحه : بجد الف الف الف مبروك يا قلبي وعقبال الفرح الكبير كده
عبدالله : الله يبارك فيكي وعقبالك
هنا خجلت لمار قليلا فقالت
لمار : انا هقفل بقي واقعد اذاكر شويه سلام
ثم اغلقت الخط ولم تعطيه فرصه للرد
عبدالله ببلاهه : كل شويه حد يقفل في وشي السكه بس فداكو كلكو فداكو
✨✨✨✨✨✨✨✨
في الليل ارتدي عبدالله ملابسه المكونه من بنطلون ابيض و تيشرت اسود مكتوب عليه بعض الكلمات باللون الابيض وصفف شعره ثم نزل وركب سيارته وذهب عند محل كبير للحلويات واشتري افخم انواع الشيكولاته و ذهب عن محل لبيع الورود كان قد حجز بوكيه ورد ازرق وابيض اللون فدفع تمنه وأخذ كارت وما بداخله بضع كلمات ووضعه داخل بوكيه الورد  وأخذه ثم ذهب الي فيلا الكيلاني ودخل بالسياره الي الداخل وعندما دخل شعر برهبه خفيفه في قلبه
ثم نزل من السياره ورن جرز الفيلا فوجد الخادمه تفتح
الخادمه : مين حضرتك
عبدالله : انا عبد.......
لم يكمل عبد الله كلامه لأنه سمع صوت سليم يقول
سليم : اتفضل يا عبد الله
اعطي عبد الله الخادمه علبه الشيكولاته ودخل هو ب بوكيه الورد و أدار نظره في الفيلا باكملها ليجد سلمي تقف وراء  باب المطبخ لا يظهر منها غير عينيها وحجابها فابتسم و خجلت هي فاختفت باكملها وراء باب المطبخ
قاطعه سليم يقول باستهزاء : حلوه الفيلا صح
عبدالله : اولا انا مكنش بتفرج علي الفيلا انا كنت بدور علي سلمي
سليم : قصدك الفيلا وحشه يعني
عبدالله : انا مقولتش وحشه
سليم : طب تعالي هنا اقعد
جلس عبدالله أمامه سليم فقال سليم
سليم : انت اسمك إيه
عبدالله : عبدالله محمد المغربي ٢٢ سنه ده اخر سنه ليا في الجامعه
سليم : ازاي ده انت المفروض لسه باقيلك
عبدالله : أصل انا بدرس سنتين مع بعض عشان اخلص
سليم : هايل عندك عربيه
عبدالله : ايوه
سليم : بتشتغل
عبد الله: ايوه بشتغل مساعد لدكتور نفسي بمرتب ٣٠٠٠ آلاف جنيه في الشهر وعندي في البنك مبلغ كويس كان بابايا سايبهولي ده غير أن بابايا كان عنده شقه في لبنان كاتبها باسمي وانا ماجرها وكل شهر ايجارها بيتحولي علي حسابي في البنك
سليم : بس انت لسه بتتعلم جاي تتقدم ابنتي ليه
عبدالله : انا خلاص هما شهرين بالكتير اوي واكون اتخرجت و افتح عياده في **** والمكان هناك مكان دكاتره ومش هيبقي في دكاتره نفسيين هناك وانا هكون اول دكتور و انا دلوقتي عامل كروت وبدأت اوزعها علي السكيرتاريا اللي في المكان كله واي  مريض بيجي بيديله الكارت ومكتوب فيه اول يوم للعمل يوم **/*/****
فمن الممكن أن أول يوم يكون فيه مرضي وربنا يبارك وبالنسبه لشغل مساعد الدكتور ده فده حاجه مؤقته لحد ما اخلص تجهيز العياده
سليم : هايل جدا بس انت جبت فلوس العياده النفسيه منين وهتجهزها منين
عبدالله : انا مش فقير اوي يعني وقلت لحضرتك مصادر فلوسي
سليم : طيب وهتقعدو فين
عبدالله : انا شفت شقه في ***** و هي جنب العياده يعني وهي ٢٠٠ متر  وشقتين في الدور والمنطقة ده منطقه راقيه يعني وممكن يعني بعد كده لما اتجوز هبقي اشتري الشقه اللي جنبها وافتحهم علي بعض بس واحده واحده
سليم : يعني انت عاوز تاخد بنتي من فيلا زي ده وتقعدها في شقه ٢٠٠ متر
عبدالله : والله انا جيت بطلب من حضرتك يعني مش بشرط أو يجبر حضرتك يعني حضرتك وسلمي ليكو حريه الاختيار واظن أن سلمي اللي هتعيش مش حضرتك وانا اللي عرفته من لمار أن سلمي موافقه
سليم وهو يتجاهل كلامه : تعرف أن كل اللي بتقول عليه ده ميجيش نقطه  في بحر فلوسي وان انت عمرك ما هتعرف تعيش بنتي العيشه اللي انا معيشهالها العين متعلاش عن الحاجب وانا مش هقبل أن بنتي تعيش في مستوي قليل زي مستواك وانا غلط لما خليتها تصاحب اختك ده انا كنت بصرف علي اختك ايام رحلاتها كنت بديها فلوس متحلمش بيها و ......
هنا تدخلت سلمي وقالت
سلمي : اولا يا بابا انا اللي هعيش مع عبدالله وانا موافقه اعيش معاه ولو في عشه والمستويات​ يا بابا مش بالفلوس المستويات بالتعليم وزي ما انت شايف عبدالله مستواه في التعليم زيه زيي واحسن مني كمان ولحد صاحبتي لمار  وتقف يا بابا لمار عمرها ما طلبت منك فلوس انت اللي كنت بتديها و ......
هنا قام سليم من مكانه وصفع ابنته صفعه قويه علي جبينها وقال
اطلعي اترزعي في اوضتك دلوقتي ومشوفش وشك لحد ما اعلم شي عبدالله بتاعك أنه ميتعرضش لاسياده تاني غووووري
عبدالله : شكرا جدا انا جاي هنا عشان اتقدم لها ومنتظر منكم الرفض أو القبول بس مكنتش متخيل الاهانه وعلي فكره انا مش مشكلتي انك غني وان ربنا ادام نعمه زياده عني وعن عيلتي بس شكرا جدا
وابقي ادي بوكيه الورد والشيكولاته لسلمي وقولها اني كنت شاريها بس .....بس انت اللي بعت
وذهب عبدالله الي الخرج وهو غاضب وحزين وركب سيارته وخرج وذهب الي مكان فارغ من الناس وخرج من سيارته وسند عليها وفتح هاتفه وبعت الي سلمي فويس نوت فيها
(سلمي ازيك انا اسف جدا اني جيت انا لو كنت اعرف اني هتهان كده مكنتش هاجي خالص انا سبتلك شيكولاته وورد كلي الشيكولاته كلها كده وافتكريني وافتكري اني بحبك انا عارف ان الدنيا مش بتقف علي حد فروحي عادي و حبي واتجوزي ومتوقفيش حياتك علي واحد فقير زيي انا اسف اني اتعاليت علي اسيادي يا سلمي بحبك )

يتبع........
إن الواقع شئ سخيف يغيره القدر في ثواني 💔💖
#بقلمي
#الكاتبة_الصغيرة
LailaElsisi

عارفه أن البارت كئيب بس حابه اقول ان البارت ده واللي جاي ويمكن اللي بعده كمان هيكون كئيب برده 😂😂
Love ka2aba 😂😂