Part 17
لمار : طيب طيب تعالي ننزل تحت وانا هتصل بحازم يجي يساعدني انزلك
ثم سالت
اقوله انك بتتكلم
سمير : لا
لمار بابتسامة : طيب
اتصلت لمار بحازم وقالت له
حازم اطلع ليا فوق عشان انا عاوزه انزل جدو سمير
حازم : انت قد اللي بتعمليه ده
لمار : اه جدو سمير ده فلوسه ولازم يتمتع بيها زيه زي معتصم وبعدين هو الكبير
يلا بس تعالي ولا انت خايف من معتصم
حازم : انا جايلك حالا
ثم اغلق الخط وقال
قال خايف من معتصم قال
ثم قام ليذهب لها فساله حمزه
انت رايح فين
حازم : طالع للمار عاوزاني انزل جدك سمير
حمزه : انت قد اللي هتعمله ده
حازم : انا معايا لمار يبقي مينفعش اخاف
ضحك حمزه بقوه وقال
طب انا هطلع معاك اشوف مين الجنتل بتاعتك ده
جائو ليطلعو فوجدوا لارا تطلع بسرعه
حمزه : لارا
لارا : نحم (نعم )
حمزه : راحه فين
لارا : للمار حسان (عشان)ناتل (ناكل) السيكولاته هي حنت (عند ) تتدو (جدو ) سمير
ثم تركته وذهبت الي غرفه سمير بينما ضحك حازم وحمزه وصعدو الي لمار فسمعو صوت ضحك
فنظرت من جانب الباب فوجدوا لمار تمسك معلقه بها نوتيلا وتضعها علي شفايف لارا ولارا تضحك
ولمار تعطي الجد معلقه بها شيكولاته وتضع بها بسكويت
ولارا تقوم وتقبل لمار من خدها فيتلحوس خدها بالشيكولاته فتمسك لارا وبدأ في زغزغتها ولارا تضحك بقوه وسمير يبتسم
حازم بصوت واطي
جدك بيبتسم اول مره يعملها
حمزه : هو حد يعرف عنه حاجه او جاله من ساعه ما عرفت اللي كان مشترك فيه ده من ساعه ما دخلت انا الداخليه تقريبا ومحدش دخله غير مرات تتعد علي صوابع اليد
حازم : اسكت بقي يلا ندخل
فتح حازم وحمزه الباب بسرعه فتوقفت لمار عن زغزغه لارا واوقفتها واعطتها برطمان النوتيلا وقالت
لمار وهي تنظر في الارض : يا حازم قلتلك تعالي لوحدك
حمزه : يعني انت مش عاوزه تشوفيني والله مش هضربك طلقطين
لمار لإنهاء الموضوع : يالا شوفت هتنزلو جدو سمير ازاي وانا هنزل تحت تقعد جنب معتصم عشان لو قالكوا حاجه ابقي علي وضع الرد
لم تنتظر منهم الرد واخذت يد لارا ونزلت بسرعه فهي تتحاشي النظر الي حمزه فهي تخاف علي قلبها ولا تريد أن تعلق به أحد
بعد دقائق كانت جالسه بجانب أباها وامامها جدها تنظر إليه نظرات تحدي ويبادلها هو تلك النظرات
فنزل حازم وحمزه يحملون سمير وكرسيه
معتصم بصدمه : إيه اللي بيحصل ده مين اللي جاب تنزلووه خلوه متلجح فوج
لمار : انا اللي قلتلهم ينزلو وعلي فكره البيت ده بيته قبل ما يكون بيتك لان هو الكبير ومن حقه ينزل ويقعد في الجنينه ومن بكره كمان هيقعد يأكل معانا والا انا وحازم وحمزه مش هناكل معاكو وده مش تهديد ولا حاجه علي فكره وكل يوم هو هيقعد معانا طول اليوم علي فكره ومش هيطلع الاوضه غير بالليل وانا دكتوره نفسيه وانا عارفه كويس كل حاجه بعملها
معتصم بعصبيه : علي آخر الزمن هتيجي حتت عيله زيك وتصحح عليا اطلعي بره ومشوفش وشك هنا تاني
محمود بعصبيه : معتصم بيه انا ......
لمار مقاطعه بهدوء : والله يا معتصم اظن أن ده بيت ابويا وانا من حقي اني اقعد هنا غصب عنك أو برضاك لما ابويا يبقي هو اللي يطردني انا همشي لكن انا شكلي كده هطول معاكو هنا كتير اصله بيتي بقي ومش عشان انا عملت حاجه صح يبقي تطردني وانا همشي بمزاجي مش بمزاج حد تاني غير بابا طبعا واعتبر جدو سمير ضيف زيي كده مع أنه لا انا ولا هو ضيوف احنا صحاب بيت بس انت مش حاسس
ثم تركته وذهبت
معتصم بعصبيه : انت جليله الادب ومحتاجه تتربي
ثم ذهب إليها وتمسكها من حجابها وصفعها علي وجهها فوقعت
معتصم : امك معرفتش تربيكي وانا اللي هربيكي
ذهب محمود وحازم عليها بسرعه
حازم : انت كويسه
لمار بدون دموع : انا اول مره احس اني كويسه
ثم قامت ووقفت
لمار : انا متربيه احسن منك علي الاقل انا بتكلم بفمي لكن انت ايدك اللي بتتكلم وانا اللي بحسبك راجل عاقل طلعت
هنا سكتت لمار واكملت
ولا بلاش اقول لحسن الاقي قلم تاني علي...
لم تكمل جملتها ووجدت صفعه اكبر علي وجنتها فوقعت
وبدا فمها في سيل الدماء هنا سمعو صوت سمير
سمير : لم...لمار ه...هي ..معم....معملتش حاج....حاجه
معتصم بصدمه :انت ببتكلم
سمير متجاهل سؤاله: ل...لمار
حمزه بصدمه : البت ده سرها باتع قعدت معاه نطقته
لمار بعصبيه والم : اتكلمت إيه يا ....اه ....يا جدو مش قولنا ده سر
سمير بلهفه : أن...انت كو.....كويس.....كويسه
لمار : انا كويسه متتكلمش انت بس عشان متتعبش
سميه وهي تضمها إليها : ابكي يا بنتي ابكي
لمار : انا عمري ما بكيت غير مرات تتعد علي صوابع أيده اللي متفشخرلي بيها ده مش معقول هعيط عشان واحد زيه وتبقي اتحسبت عليا عياطه
حمزه بصدمه : اتحسبت عليكي عياطه إيه ده عياط مش جواز
ذهبت لمار بعيدا عنهم وأخذت لارا التي كانت تقف بجانب امها خائفه فحملتها وذهبت بها الي غرفتها قائله
لمار : مش عاوزه حد يجي ورايا غير حازم هات برطمان النوتيلا من المطبخ وتعالي وحمزه ودي جدو سمير الجنينه
ثم اختفت من أمامهم
(انا بصراحه زهجت جوي من السرايا اللي بقالي فيها بارتين نشوف مكان تاني 😂)
☃☃☃☃☃☃
عند سلمي
كانت تجلس في كافيه تنتظر أحدهم وتفكر
أنت تقرأ
الحب وما قلت عنه💖(مكتملة)
Romanceكنت اقول عن الحب اشياء وعندما رأيته قلت اشياء اخري ودائما ما كنت اقول انا لا اغير رايي ولكن بسببه غيرت كل كلامي عن الحب 💖 انها اقدار الحياه لا احد يقدر علي الوقوف امام اراده الله بالعاميه المصريه #اول روايه ليا #laila Elsisi
