أدمنت طفولتك

البارت الثاني💖

البارت الثاني من روايه ( أدمنت طفولتك )
متنسوش الفوت و الكومنت الحلو
بقلم/ كنزي
~~~~~~~~~~~~~~~~~~~~~~~~~~~~~
هزت رأسها وهي تصعد الدرج ولكن سرعان ما وقفت وهي تسمتع الي حديثهم ليقول توفيق بعدم فهم الي والده : ايه يبا اللي بتقوله ده ؟!
جلس الجد علي الاريكه بجديه : بقول ايه ، ان حفيدتي تتجوز دي حاجه غلط ولا ايه ؟! كل واحد يروح يشوف هيعمل ايه اخفوا من وشي يلا.

بينما اسرعت جميله حيث غرفتها لتبكي بحزن شديد فهل سيجبرها الجد فعلاً علي الزواج ؟!
أمسكت بصوره والدها : كده يا بابا .. تسيبني .. هان عليك تسيبني .. شوفت يا بابا .. شوفت جدو عايز يعمل فيا ايه ، انا مش عارفه اعمل ايه .. خايفه اكسر كلامه يزعل مني بس انا مقدرش اتجوز مش عايزه اتجوز .. وماما حتي ماما مش عارفه تقول ايه .

ارتجفت يديها وهي تضم الصوره الخاصه بوالدها الي صدرها بحزن شديد لما سيحدث ، مسحت دموعها عندما استمعت الي صوت الباب يليها صوت ندي ابن عمها : ممكن ادخل !!

هزت رأسها بالتأكيد أغلقت ندي باب الغرفه لتجلس أمامها علي الفراش : متزعليش انتي عارفه ان جدو بيحبك وعايز مصلحتك.
زفرت بضيق : واللي بيحب حد وعايز مصلحته يجوزه من غير ما ياخد رأيه وكمان بالعافيه .
: مش بالعافيه اكيد مش هيجوزك لأي حد
ثم اكملت بمرح عندما رأتها تتنهد بضيق : يختي حد لاقي انا اول عريس هيجي همسك فيه لحد ما اتجوزه.

اشاحت بوجهها : انتي مش انا .. انا مش عايزه اتجوز.
انفتح باب الغرفه لتدلف فتحيه وتهاني لتجلس بجانب بحزن : متزعليش مني يا حبيبتي اني زعقت فيكي.
ظلت جميله صامته لتقول فتحيه بتنهيدة : مش عايزه تردي علي أمك.

نظرت لها بعصبيه : مش انتي عايزه تجوزيني غصب وانا مش فارقه معاكي .
لتقول فتحيه : انا يا بنتي .
روح ببكاء : اومال مين ؟! ليه مقولتيش لا ليه مقولتيش لجدو لا .. انا مش عايزه تتجوز.
: هو عايز مصلحتك يا بنتي هو مش هيرميكي لأي حد
هزت رأسها باستغراب : ايه كلامك ده يا ماما ؟! انتي من امتي وانتي كده ؟!

ثم اكملت بصوت عالي : انا مش عايزه حد يخاف عليا او يبقي عايز مصلحتي انا مش عيله صغيره انا مش عيله او لعبه في ايديكم عشان تجوزها براحتك .. بابا لو كان عايش مكنش هيرضي بالهبل ده.
ارتدت خفها البيتي وهي تقول بعصبيه : طلما محدش عارف يقول لجدو لا انا اللي هقوله .. انا محدش هيتحكم فيا.

اتجهت الي بابا الغرفه لتنزل الدرج بينما لطمت فتحيه علي صدرها : البت هتروح لجدها تقوله ايه ؟! مش عايزه اتجوز والهبل ده ده يقطع خبرها ..
اسرعت فتحيه خلفها وتهاني وندي لتقتحم جميله غرفه جدها : عايزه اتكلم مع حضرتك ؟!
زفر الجد بنفاذ الصبر : ما خلاص بقي يا جميله بطلي الزن بتاعك ده .. روحي يا بنتي انا مصدع.
: جدو بقول لحضرتك عايزه اتكلم معاك !!

: أما اشوف اخره دلعك قولي يا بنتي ..
جلست جميله بجانبه : انا عارفه حضرتك بتحبني وكمان عايز مصلحتي بس انا مش عايزه أتجوز.
الجد بجديه : انا خلاص أخذت القرار ومش هرجع فيه
لتقول هي بضيق من حده جدها : يا جدو كان لازم تاخد رأيي قبل ما تاخد قرارك
الجد ببرود : هو ده اللي عندي .. هتتجوزي برضاكي او غصب عنك.

وقفت جميله بغضب : وانا مش هتجوز واعمل الهبل ده ..
ليقول الجد بعصبيه : هتتجوزي ورجلك فوق رقابتك
جميله بضيق وعصبيه مفرطه : وانا قولت لا .. انت مالك اصلا بيا ؟!
صرخت بألم عندما صفعها الجد علي وجنتيها بقوه وهو يمسك بخصلاتها : بتعلي صوتك عليا يا بت محمد.
تدخل كل من توفيق وتامر محاولين جعل الجد ترك جميله التي كانت تصرخ بصوت عالي من الآلم بينما حاولت فتحيه التي كانت تبكي جعل الجد ترك ابنتها الوحيده : الله يخليك يا عمي سيبها عيله مش قصدها حاجه ..

ابتعد الجد اخيراً وهو يضع يده بتعب علي قلبه ليقول بعصبيه : بنت ال*** مش متربيه بترد علي جدها .. ماشي يا بنت محمد طب قسماً بالله لتتجوزي ابن عمتك اللي في القاهره وتغوري من هنا .. غوروا من وشي ابعدوا البت دي عني عشان مقتلهاش بت قليله الادب مش متربيه.

صعدت جميله برفقه تهاني وندي بينما جلس توفيق برفقه والده يحاول تهدئته .. : هدي نفسك يا حج مش كده ...
: بت قليله الادب مش متربيه .. ثم نظر الي فتحيه التي كانت تبكي : شوفي دلعك الماسخ عمل فيها يا فتحيه.
توفيق : يا حج الللي بتعمله ده مينفعش.
ليوكزه في ذراعه : انت هتحسبني يا واد انت.
ليقول بتوتر : لا طبعاً يا ابا بس ..
الجد بغضب : مبسش ده اللي عندي .. البت دي انا هربيها من الاول وجديد علي صوتها ده.
فتحيه بحرج وبكاء : هي مكنش قصدها يا عمي .. هي بس ..
: خلص الكلام غوروا من وشي جتكم الهم .. انا قولت ده قراري ومش هغيره.

خرج الجد من غرفه المعيشة واتجه الي الحديقة الخلفية للبيت ضغط علي بعض الأزرار في هاتفه الصغير : ايوه يا صباح يا بنتي ..
ابتسمت صباح العمه الكبري لجميله وهي تعيش برفقه اطفالها بالقاهره : ايوه يا بابا عامل اي يا حبيبي ؟!
: زين (كويس) يا بتي والعيال عاملين ايه مش بيسألوا علي جدهم ؟!

لتقول هي بلطف : معلش يا حبيبي انت عارف ان علي علي طول مشغول و فريده مشغوله في تربيه العيال.
: المهم يا بنتي كنت قصدك في موضوع كده.
: اؤمر يا حبيبي.
حمحم وهو يتسأل : صحيح علي لسه رايد (عايز) بنت خاله ولا بنات القاهره كلوا دماغه.
ابتسمت بسعاده : بتتكلم جد ؟!
: جد الجد كمان .. البت جميله بقت لوحدها وامها فتحيه كبرت في السن وخلاص البت خلصت تعليمها يبقي علي بيت جوزها.
لتقول بتردد : بس يا حج محمد لسه ميت وكمان ...
: عارف يا بنتي بس الحي ابقي من الميت .. قولتي ايه ؟!
ابتسمت صباح : كل خير ان شاء الله.
~~~~~~~~~~~~~~~~~~~~~~~~~~~~~~~~~
توقعاتكوا ....
فوت + كومنت حلو ...
رأيكم في الفصل الثاني.
بقلم /﮼كنزي.