سهى و حبة الهيل

البارت - ١ -

سهى

اروي حياتي من  طفولتي

بابا من بغداد ...ماما من الحله
زواجهم زواج تقليدي عن طريق الاهل والاقارب تزوجوا

بابا اسمه ثائر تزوج عمره 30سنه كون نفسه  رتب حياته 

تعب اشتغل حمال ... اشتغل بالمطاعم ... اشتغل صانع الى ان صار شريك ويه صديقه اسمه صادق مكتب تصريف

بعدها تزوج والدتي

ماما اسمها حياة عمرها 25 مدرسه

حياتهم عاديه حال كل مزوجين
بين فتره وفتره تزور اهلها بالحله

يوم بعد يوم يكبر حبهم

خلال سنتين من زواجهم انولدت
نورت حياتهم ... ماما سمتني سهى

بولادتي بابا شاف الخير
زاد رزقه الحمد لله
صار عنده مكتب خاص بي
بعدها 5سنوات صار عندي اخت
  ريمان اختي الحلوه الدنفوشه

بعد ماصار اطفال فقط اني واختي
الله ماكتبلهم  غير اثنين بنات

بابا راضي ومقتنع
يحب البنات
اني اكثر من ريمان يحبني المميزه عنده
يسميني ضوه حياتي

دللنه ماقصر ويانا رغم ماعنده ولد
مامهتم
الناس تحجي... اهله يسمعون ماما
يزعلوها وبابا يصبرها ويسكتها

ماما قررت تسوي طفل بلگه يطلع ولد
بدت تراجع دكاتره وعلاجات وتحاليل بس مايصير عدها وحاولت اكثر من مره ماالله رزقهم غيرنا

عدت سنين صار عمري 19 وريمان 14
مايصير حمل لماما
مايأست لخاطر بابا رغم عمره ماحسسها
هي تفكر بي مقهوره عليه
تتالم من تشوف بابا بلا ولد

اهل بابا كل فتره يلحون يزوج
مايقبل ومايرضى

بهذه الفتره كبرت دخلت جامعة
حياتي حلوه وهادئه
عايشه ب أمان ماناقصنا شي اني واختي
غير حزن ودموع ماما على الولد

همها بصدري اتمنى اساعدها ومااعرف ومااكدر

كل حياتي صديقتي امي ماعندي صديقات مقربات مثل ماما

كل صديقاتي احبهن ولكن فقط صداقة دراسه لااكثر

حياتي مستقره الى ان بيوم كمل دوامنا عطلنا
مثل كل سنه نروح لاجدادي بالحله نزورهم
نبقى شهرين يمهم نتونس

بيت جدو كلش جبير حلو
كل خوالي ملتمين
كاعدين بيت واحد كل واحد مشتمل عنده
الباب وحده

صادف زواج ابن خالي امجد زوجته بنت خالي الثانيه
يعني هم ولد فرحانين بعرسهم
بوقتها تونسنا

كمل العرس وهوستها قرروا خوالي وخالاتي يرحون لكربلاء يتونسون

سفره عائليه التمينا .... سيف ابن خالي اخوا امجد اتفق ويه صديقه سايق ياخذنا بالگيه