سهى و حبة الهيل

البارت - ٢٣ -

سهى

سهى : شنو شذى تركض وراج
ريمان : تريد تضربني واني اركض اريد اخلص منها ...تلوحني وتأذيني
سهى : ليش ماتقريلها قرأن تصليلها
ريمان : حتى ثواب سويتلها ذاك اليوم
سهة : صاير شي انتي وياها قبل
ريمان : لاابد وحتى تأثرت بوفاتها وحزنت وياكم
سهى : ليش ماتسولفين لماما وتحجيلها لازم نحجيلها حتى تساعدج انزلي هسه سولفيلها اني شويه ونازله
ريمان : سهى امجد عباله اني دازه على سيف واني لااعرف فيسه ولا رقمه ولا اي شي عنا واني مادخلني والله
سهى : امجد شوكت حجه وياج
ريمان : البارحه رزلني
سهى : هو ليش اجه سيف
ريمان: مراضي على زواجكم ...حسين بالصدفه گايله زواج امجد وسهى هذا الاسبوع واجه
سهى : وليش اجه شيريد
ريمان : ماادري مادخلونا بالموضوع ماما ضربت سيف بوجها وبهذلته گلتله قليل بحقك على غدرك وخيانتك لبنتي ونفسيتها تعبت بسببك قهرتني تحجي وتبجي وياه ....امجد موته ضرب وفارس وحسين وخوالي رادوا يوخرونه ماكدروا عليه فارس يگول خنك سيف اله شويه راد يموت لوما خاله مصيحه على امجد گلتله اخوك لاتموته
سهى : ووين سيف هسه
ريمان : يمكن بيت خالي لو رجع ماادري مايحجون كدامنا بس ليش هيج ويه سيف وطردوا وبهذلوا حتى خالي وخالتي مااستقبلوا..سهى ليش كارهين سيف
سهى : ماادري ريمان ... عوفيني ارتاح

خابرت امجد

امجد : هاحبيبي
سهى : وين انت
امجد : بغرفتنا ارتاح شويه واگوم اكمل شغلاتنا ...باجر تجي بحضني نور عيوني
سهى : خلي نأجل زواجنا جم يوم
امجد : سهى اني تعبان ومابيه حيل احجي وياج بهيج مواضيع زواجنا باجر وماكو كل نقاش
سهى : ليش تعبان امجد
امجد : اريد سهى تحس بيه اريد سهى بحضني وسهى متعبتني
سهى : وين رامي وريان
امجد : يم البنات جوه
سهى : ماشي نام ارتاح باي
امجد : باي ياعمري

بقيت افكر بأمجد تعبان يعني الموضوع ثكيل عليه
تخربط عقلي من تفكير

سهى : هلو
رانيا: هلوات ها
اني: رحتي لبيتج
رانيا: لا خابرته تعال اخذنا خطيه گلي فد ساعه قسمتله شنو فد ساعه وعاقبني گلي مااجي اله بالليل اجي اخذج البيت هدوء اريد ارتاح من لسانج بله شبي لساني
سهى: مابي بس يشرد بلد
رانيا :ههههه عابت گليلي شخبارج
سهى : حجيت ويه ريمان
رانيا: عوفينا من ريمان سولفيلي شصار انتي وامجد
سهى : ماحجينا بالطريق ومن وصلت حجيت ويه ريمان سولفتلي احلامها خوفتني عليها شذى تركض وراها وتضربها ولهذا يوميه تطرح
رانيا : هههههههه ولج شذى تاخذ حقج والله سبعه حتى وهي ميته تخاف عليج وتحبج ...طبعا مسويه شي لريمان وماتقبل تعترف لهذا شذى تركض وراها
سهى : خطيه
رانيا : طبعا خطيه ولازم تحجي لاتسكت عن احلامها ولج انتوا شنو مبلشين بيكم ثائر وشذى
سهى : هههه سولفتلي على المشكله البارحه وسيف اجه من عرف زواجنا نرجس گلتله ومتعاركين امجد وسيف بس ماتعرف الحجي وشنو يريد سيف
رانيا : اسالي امجد
سهى : هسه خابرته يحجي وياي بلگوه تعبان ويريد ينام طردني بنزاكه
رانيا : خطيه قهرتيني عليه وين هو هسه
سهى : بغرفتنا نايم
رانيا: سهى روحيله هسه نامي بحضنه ....سولفوا وخففي عليه
سهى : استحي
رانيا: شنو تستحين هذا رجلج شوفي البسي الابيض اطرافه دانتيل ابيض بعده يمج لو وديتي بغرفتكم
سهى : بعده
رانياة: اي البسي هسه حلو ومرتبه والبسي دشداشه فوكاه واصعديله انزعي بغرفتكم ونامي على صدره گليله اني محتاجتك وانت محتاجني
سهى : هوه كلي اتمنى هسه انتي بحضني
رانيا : اها گليله صعدت لخاطرك نامي على صدره اذا لابس نزعي
سهى : ما
رانيا : خليج ثوله وغبره ماتدرين شكد راح تغيرين حياتكم ونفسيتكم بهذه الخطوات وامجد تعبان لان مايعرف شلون ينسيج شيسوي خطيه انتي ضعيفه بسرعه وكعتي من شفتي النذل ووكعتي الدولمه وياها اني متاكده امجد زعلان البارحه ماتغده دولمه سيف ضيعها عليه وتلكي يريد ينتقم منج ومن سيف على الدولمه
سهى : هههه الماعون لخالي مو لامجد
رانيا : اي ادري اني اقصد الغده يمكم واما خالج انصحج لاشوفي وجهج 42يوم
سهى ؛ ليش
رانيا : لان احسبي تمنات والسلك غده مال 42يوم
سهى : ههههه يما كل همج الدولمه وتحسبين بالتمن والسلك صارلج يومين
رانيا : اسكتي نفسيتي تعبت بسببج لا وتلكين سيف اشتهى دولمه من شافج
سيف : ههههه يبوووو لو ادري مامسولفتلج سالفة الماعون
رانيا : ولج امج من ضربت سيف مو حبا بيج وانما گلتله ليش خرعت البنيه ووكع الماعون واني من صبح الف بالدولمه ليش نكسر الماعون بسببك ليش خسرتني 500دينار على الماعون ليش خسرتنا جم الف على دولمه تدري بهذا الماعون3الف ذبيناها بزباله تقبلها ليش ليش ليش لااااااا لااااااا
سهى : هههههههههههههههههه يمه كلبي كافي ولج راح اموت من الضحك مزقتيني صارلج يومين
رانيا: شوفي اخذي الحياة بضحك ومهما تكون تعاستج والله همومج تخف ويله مومي بدلي واصعدي ل امجد خطيه وفضوني واستخدموا شامبو مو روحي طكت وشامبو مامستخدمي
سهى : هههه يله باي
رانيا : ربي يوفقج باي