سهى
سهى : فارس اكيد تخبلت شلون هيج تفكر هذا ابنكم شنو الي سوته ريمان حتى اطلكها مشكلتها وياي مو وياك
گام يبجي مثل الطفل
فارس: سهى اني اخاف الله وعمري مافكرت بالحرام وولد بار ل لأهلي وزوج خلوق لمرتي اني استحق زوجه عظيمه افتخر بيها يم ربي زين اني شسويت بدنيتي وهيج الله انطاني مره مافد يوم زعلت احد او اذيت احد او بگت ليش الله زوجني انسانه شريره ابن معاق وليش ابني معاق بسبب نتيجة افعال امه .... سهى تعبان مااكدر اشكي همي لاحد غيرج ... تعبان لدرجة اتمنى الموت شسوي گليلي مختنك من دنيتي والله جانت نيتي صافيه وياج ليش شكيتي الرقم وخليتي ريمان بحياتي تلعب على مشاعري ليش ماقبلتي علاقه وجنت فرحان عبالي انتي وانتي شفت الظلم والمصايب واني مثلج مامرتاح ومو سعيد
يبجي وابجي وياه قهرني
سهى : فارس انت نفسيتك تعبانه ....موضوعنا انسد وانتهى ...انت مزوج واني مزوجه واحب زوجي ماافكر بغيره ..... اما ريمان مااعرف ليش هيج وشبيها والله لا ماما ولا بابا هذه اخلاقهم.... المشكله وياي مو وياك ريمان ندمانه .... ماضي وانتهى هي تغيرت من حبلت ب حسن ... احنه هسه زعلانين عليها لان هسه اكتشفناها .... اترجاك فارس لاتفكر بالطلاك احلفك بابا العزيز لا طلگها اني موافقه اختي شسويلي خلي تسويلي والله مسامحتها من كلبي وروحي والي مانعني عنها امجد .... خلي عينك بعين الله وروح زور وابجي وادعي وصلي وان شاء الله يرتاح كلبك ..... اهتم ب ابنك ومرتك واني اليوم اجيكم واشوف ريمان اسلم عليها كدامك واشوفك ماكو شي بينا .... فارس اختي روحي بهل دنيا لاتاذيها الله يخليك ريمان تحبك وسوت كل هذا الشي لاجل حبك
فارس : مااريد هيج حب اساسه خطأ
سهى : اهدء ورتاح نسولف بعدين اجل الموضوع الله عليك ... خطيه ريمان هي تعبانه بسبب ابنها ومصيبته لاتجي انت وتزودها عليها
فارس : شكد تحبيها وتخافين عليها وهيه عكسج
سهى : مو عكسي ريمان تحبني وديربالك عليها الله عليك وعلى ابنك وان شاء الله يسوي العمليات وتنجح
فارس : ان شاء الله واشكرج سهى وياريت امجد يحجي وياي
سهى : اني اگله ابلغه
سديت المكالمه مقهوره على فارس وريمان
اشتغل وبالي يمهم
......................................
اذكرت ولادة ريمان
ماما خابرتني بيومها ب4الفجر
ماما: سهى الحگي اختج تطلك ومااعرف شسوي
سهى : وين فارس عيالها
ماما: ب4 اخابرهم
سهى : اني جايه وخابري فارس
سديته وكعدت امجد
سهى : امجد كوم ريمان جاي تولد
امجد : شعليج
سهى : امجد ريمان بوضع صعب وماما وحدها گوم
كمت بدلت ولفلفت رامي وريان وخليتهم بالسياره
امجد: مبهذلين لخاطر ريمان
سهى : اهوووو وانت ردت نشيل ولو عايشين يم اهلك ماهذا حال رامي وريان
امجد : مو بعد وكت على ولادتها قبل يومين گلتي بالسادس
سهى : هسه هي بالسابع خطيه ولاده مبكره
امجد : تلكين شذى اجتها بالصونده دك على راسها وطلكت هههههههههههه
سهى : كافي لاتستهزء باختي وشذى ماتأذي ريمان لاهيج تحجي
امجد : والله لو اني مثل طيبتج تلكينا بالشارع كاعدين
أنت تقرأ
سهى و حبة الهيل
Romansaقصة حقيقية للكاتبة رشا رعد الملقبه سابقاً أنو أنو تتحدث عن فتاة عاشت في تجارب قاسيه من غدر الاخت تصارعت مع حلم حبات الهيل كان سبب احزانها وافراحها بطلتي سهى الفتاة البريئه التي تحمل من اجمل الصفات القناعه مهما يحدث لها
