سهى
زمن المستقبل
سناء : سهى سهى يما تخربطت سهى رجعونا للمستشفى
سهى : لا مابيه شي
بدر : خرعتينا والبنيه مابيها شي
سناء : اخترعت عليها شمدريني
سهى : ماما رجعت
فارس : لا مايرجعون راح يباتون بغداد
وصلنا للبيت نزلوني
بدر : دخليها لبيتنا وبغرفتنا
سهى: امجد ... شذى تدري
امجد: محد يعرف وماگتلها
سهى : لعد خالو ابقى بيتنا حباب
بدر : ليش خالو
سهى : مااريد شذى تعرف وتحس وتدري ... الي بيها يكفيها
امجد: اهواي سألت عليج واكيد راح تعرف
سهى : لا تگلها اني ارتاح شويه واجيها
بدر : روحي وياها
سهى : سيف ماكو وينه
محد يقبل يجاوبني على سيف
فارس يباوعلي مقهور عليه
كلهم كرهت نظراتهم نظرة الشفقه عليه
دخلت للبيت
امجد راح يم شذى
خالي طلع
فارس دخل ويانا ماگدرت اصعد غرفتي
صعدت خاله لغرفتي تنزل ملابسي الي
فارس:ليش هيج صار
سهى : انت سكت اخر واحد تحجي هو انت... اخر انسان اسمع منه ... انت انذل واحقر انسان شفته بحياتي ... انت الي خربت حياتي وهدمتها ليش دخلت حياتنا ليش ليش لعبت على الاخوات ليش ضحكت على ثائر هيج تجازي هيج توافي بابا .... هذه رجولتك ها
فارس: بشنو اذيتج سهى انتي الي بعتي وانتي الي ماتريديني وهسه جايه تگليلي انت السبب اني گلتلج حبي سيف وعوفيني
سهى : سيف اسكت واطلع قصدي فارس اطلع
فارس: تغلطين ب أسمه ... مااطلع اله اعرف بشنو اني السبب اريد افهم
سهى : اطلع فارس
فارس: جبانه والخيانه انتي الي بديتيها ... اني ماخنت حافظت على اختج وزوجتها رغم ضحكت عليه بس ماتركتها تدرين ليش لان مااخون ابوج
سهى : ليش ريمان شسوت
نزلت خالتي من فوك وسكتنا
سهى : لاتخلي ريمان تعرف شنو الي صار
فارس: أطماني اني ابن اصول واخاف عليج حالج حال ريمان واخواتي
سناء : رحمه الله والديك .. انت ابنا نعرف اخلاقك
فارس: راح ابقى بره من اطمان على سهى اروح
كمت دخلت خاله وياي للحمام
سهى: خاله اطلعي اني اسبح
سناء : مااعوفج
سهى : خاله مابيه شي اطمأني ....سيف ياخذني ويستر عليه اني بنت عمته ويحبني ... اني شرفه مو صح خاله
سناء : يايمه لو يلف العالم مايلكه مثلج والي صار اليوم مايغير شي انتي وياه
سهى : ادري ... اعرف هو ضايج ومختنك حقه عوفوا يرتاح ياله يشوفني
كامت تبجي وحضنتني
سناء : اووووف ياريت بناتي مثل اخلاقج وتربيتج
اني اظاهر كدامهم قويه
سناء: راح اطلع بس عوفي الباب مردوده واني ها اها كاعده هنا انتظرج
سهى : ماشي
سبحت وخانكه بجيتي كملت وطلعت
سناء: تعاي ارتاحي بغرفة ماما
سهى : خلي اشوف شذى خطيه
سناء : بعدين شوفيها
سهى : اليوم ضاربه كيمياوي واريد اشوفها من تاخذ الجرعه تتعب وتحتاجني
خاله: اوووف ياسهى
أنت تقرأ
سهى و حبة الهيل
Romanceقصة حقيقية للكاتبة رشا رعد الملقبه سابقاً أنو أنو تتحدث عن فتاة عاشت في تجارب قاسيه من غدر الاخت تصارعت مع حلم حبات الهيل كان سبب احزانها وافراحها بطلتي سهى الفتاة البريئه التي تحمل من اجمل الصفات القناعه مهما يحدث لها
