سهى
تمنيت اموت ولااسمع اختي طاعنتني وضاحكه عليه وعلى فارس
فارس: گومي سهى كافي تبجين
سهى : روح فارس عوفني شويه
مشى فارس
سهى : فارس
فارس : نعم
اني: لاتخرب علاقتك ويه ريمان تحبك وتحبها وانت طلعت من كلبي وبالي من يوم الي انخطبت لسيف خطبني لاتهدم حياتك وديربالك على اختي
سمع كلامي باوعلي وراح
بقيت اصرخ من الالم والبواجي والدموع على اختي وعلى سيف
شوي وسمعت باب الشارع كمت ردت اشوف سيف رجع
امجد: تفضل استاذ رافد شافني بس ختلت
شوي وطلع امجد واستاذ رافد
اذكرت يريد يشوفني ويلتقي بيه من طلع طلعت
شافني امجد
امجد: ليش هنا سهى
مشيت ودخلت بيتنا
امجد دخل وياي
شفت خالو وخاله كاعدين
سناء : تعاي هنا خاله اكعدي
سهى : سيف وين
بدر : سرسري سيف واني اخذلج حقج ومااعوفه
نزلت دموعي من كلام خالو خوفني
سهى : ليش سيف مايقبل يزوجني
سناء : اكيد يزوجج بس مانسامحه على هذه فعلته
امجد: سهى نعرف مو وقتها بس اريد اعرف شنو الي صار
سهى : عادي كدامج خاله مو دك موبايلي وانطانياه كملت مكالمتي ويه ريمان گلي غيري ملابسج ضيكه دخلت للبيت
ماتحملت اكمل كلامي كمت ابجي
سناء: سهى شتقررين احنه حاضرين اني وخالج
سهى : شلون يعني
امجد: تريدين تشتكين احنه وياج تريدين تسكتين هم وياج تريدين الكل يعرف هم وياج مايهمنا شنو تقررين احنه وياج
سهى : مااريد ماما وريمان ولا احد يعرف بالموضوع نزوج وينتهي الموضوع سيف تهور وغلط واني مرته
امجد : سهى الي يرضيج گولي لاتختارين الي يرضي البشر معليج بينا
سهى : اي راضيه على قراري صح زعلانه على سيف بس كم يوم وانسى هو زوجي
احجي شفايفي ترجف خجلانه
احس وحيده ماعندي احد
كل شي اوافق واقبل المهم ارضي الجميع مو مهم اني
ماتحمل امجد ضرب الطبله وطلع ماتحمل الموقف
خالو وخالتي طلعوا وراه
رحت نمت بغرفة ماما بجيت ماتحملت اسكت
بكل قوه اصرخ و اصيح اريد اطلع الي بكلبي
تمنيت يجي سيف بهذا الوقت
يعتذر ويگلي اني يمج واخذج
تمنيت بابا عايش ماصار بينا كل هذا الي صار
تمنيت امي يمي ابجي بحضنها
تمنيت شذى مو مريضه واروح اشكيلها همومي
تمنيت عندي اخت حنينه عليه واشكيلها همي
بجيت لمن تعبت عافوني براحتي الى ان غفيت
كعدت بالليل خالتي يمي
سناء : شلون صرتي
سهى : خاله ليش كاعده
سهى : خايفه عليج
سهى : خاله شلون سمعتوني
سناء : فارس ركض علينا گال سهى تصيح ومااكدر ادخل ومن دخلنا سمعنا صوتكم كسر الباب فارس بقى واكف بالباب ضرب سيف ودفعه كسر خشمه ووكع من الدرج بس مااهتمينا اله شلناج للمستشفى خفنا عليج بالباب خالج وامجد تلگونا وراحوا ويانا
سهى : سيف شلونه ووينه
سناء : تحجين صدك خاله تسألين على واحد حقير
سهى : خاله وينه سيف نايم مستشفى وماتگلولي عفيه احجي الحقيقه
أنت تقرأ
سهى و حبة الهيل
Romanceقصة حقيقية للكاتبة رشا رعد الملقبه سابقاً أنو أنو تتحدث عن فتاة عاشت في تجارب قاسيه من غدر الاخت تصارعت مع حلم حبات الهيل كان سبب احزانها وافراحها بطلتي سهى الفتاة البريئه التي تحمل من اجمل الصفات القناعه مهما يحدث لها
