سهى
فارس: سلام عليكم
سهى : وعليكم السلام😲
صدمني بسلامه بشرى تاكل بالفتها
صافنه عليه
طوله وضخامته جسم رياضي اسمر
عيونه وساع حلو شكله
بشرى: هلا بطول الحلو
سهى : تعرفي
بشرى: اخوج اكيد
سهى : مو اخوي 😡
بشرى : لابروح اهلج لاتگليلي ابوج
سهى : التهي بلفتج وكرمينا بسكوتج
فارس : ههههه شبيجن تتعاركن
سهى : اهلا تفضل
فارس : مريت على صديقي وكلت اسلم عليج واعزمج على شي اريد احجي وياج
سهى : بخصوص شنو
فارس: بخصوص الكروه ذاك اليوم لحد الان مادفعتيلي
سهى : ياكروه
فارس: فريتج فرع بيت جدج شنو بويا تريديها بلاش
سهى : هههههههههههه
بشرى : وين تعزمنى بالكافتريا
سهى :بشرى 😡
بشرى : اجتنا عزيمه بلاش ولفات شبيج تستحين
سهى : هههههه استغفرالله ياربي وهاي الي بأيدج شنو
بشرى : لفة جبن
فارس : هههههههههه صديقات
سهى : اي
بشرى : عشرة عمر
سهى : اقل الشهر صادقتج وين العمر بالموضوع راح اموتج اسكتي
بشرى : اشو انتي بسرعه بعتيني
سهى : بشرى😡
فارس: من عيوني اعزمج بس على بسكت وعصير
سهى : اولا شكرا مااكدر وثانيا اذا فعلا تريد الكروه كولي شكد وانطيك ... ثالثا مااعتقد جيتك على الكروه رابعا
فارس: صدك مدرسة رياضيات كل كلامج ترقمين
بشرى : لو ماتكطعها توصل ل20 30 مو اكلك عشرة عمر
فارس : سهى عافت كل البنات وصادقتج
بشرى : ههههه ولك لحد الان ساكته لخاطر العزيمه
سهى : انتي تعرفي صح
بشرى : اخته زوجة اخوي
سهى : اها مو اكول تحجين بطلاقه واثنينكم ناصبين عليه
بشرى : لا والله
فارس : بشرى اختي وخطيبها صديقي
سهى : اها
بشرى : هسه اجي مو تگومين
سهى : وين
بشرى : مااتأخر
كامت بشرى وهو مبتسم
فارس: ليش خايفه
سهى: رجاءٍ فارس احنه بمكان عام وكم واحد يعرفني اخت امجد وخالي حيدر لاتحرجني
فارس: ماشي مااحرجج وهذه الورقه رقمي واتمنى تتصلين عليه اريد احجي وياج وثقي بالله اني مو للعب غرضي شريف دخلتي كلبي من اول يوم شفتج وبس نتفق اني وياج وتكمل سنه على وفاة ابوج اخطبج
انطاني الورقه واني صافنه عليه
مااكدر احجي وما نطقت ولا كلمه
خفت احد يشوفني ضميت الورقه
بقيت بس افكر فارس بسرعه اعترفلي طلع مثلي معجب
ضفرحانه
رجعت للبيت شفت ماما تعبانه ومريضه نقهرت عليها
كمت اشتغل ابدالها علاوي يبجي على امه
ريمان قليل تساعد انتبهت اني مااكدر اتزوج
مااكدر انشغل عنهم
حسيت اني سخيفه مايصير احب
بابا هستوه ميت ومايصير افكر بالزواج اله لمن اتخرج واتعيين
فارس يريدني ينتظرني
بالليل داادرس شفت رقم فارس بجنطتي اباوع خطه حلو
ريمان: شبيج صافنه وهاي شنو
سهى : رقم فارس تذكرين الولد صعدت وياه بالخطا
ريمان: الاسمر الحليوه
سهى : ههههههه اي
ريمان: شلون حصلتي الرقم
سهى : هو انطانياه حتى اخابره يگول غرضه شريف يريد يخطب بس ادور سنة بابا
ريمان : خاف يريد يلعب بهذه الفتره
سهى : هم صدك
أنت تقرأ
سهى و حبة الهيل
Romanceقصة حقيقية للكاتبة رشا رعد الملقبه سابقاً أنو أنو تتحدث عن فتاة عاشت في تجارب قاسيه من غدر الاخت تصارعت مع حلم حبات الهيل كان سبب احزانها وافراحها بطلتي سهى الفتاة البريئه التي تحمل من اجمل الصفات القناعه مهما يحدث لها
