سهى
بقيت صافنه على كلام سيف من يگول انت السبب
امجد: تخبلت شنو هذا الحجي
سيف: انكر كلامي عرفت راح تنكر
هجم امجد على سيف گام يضربه
اسمع امجد يحجي
امجد: مرتي ماتذكرها بلسانك وماتحجي بيها اموتك
تمالخوا صياح سمعت خالو يصيح
بدر : تخبلت سيف تكتل اخوك بالسجينه
اجتي ماما تركض على صياح سيف وامجد
حياة : ليش واكفه هنا وشكو هذا الصياح
عفتها ودخلت ركضت اخاف على امجد
شفت مفاككيهم حسين لازم امجد
سيف: بعد ماتضرب اخوك على وحده رخيصه يوميه واحد وختمتها وياك
بقيت واكفه اسمع كلام سيف
مااريد اوكع
ادعي
ياربي لااصير ضعيفه وخليني واكفه
لزمت أيد اخوي علاوي بقوه
حسيت شعور دافي وامان
الللللللللللللللللللله
مااعرف ليش صرت قويه
التفتت لكيت ايد اخوي رغم صغره بس عرفت هذا سندي
علاوي يباوعلي بنظرات يگلي لاتخافين
امجد شافني صارت نظره بيني وبينه نقهر عليه
دفع حسين ركض على سيف ضربه
صارت هوسه وخوالي وحسين يفكهم
خالتي وماما وسناء مرت خالي
امجد ايده نضربت تجري دم
صار الصريخ
بلگوه فكوهم امجد كل عيونه وباله يمي
بلحظة هدوء نخبصوا ب أمجد
سيف كاعد يبجي
شفت دموع وصوت الخداع والتمثيل شكد كرهته
صارت السجينه كدامي باوعتلها
تقدمت عليها وتقربت الها واباوعلها
امجدو: سهى
فزيت اخترعت من صاحني امجد
حسيت نفسي مو سهى الضعيفه
حده ثانيه رادت تاخذ السجينه الي محتاجه تضرب سيف تشرب من دمه
خالي من شافني كام للحمام بأيده الماسحه
ضرب سيف موته
بدر : اربيك من جديد ماعرفت اربيك
سيف يرفس من الالم يصيح
سيف: ااااخ بويا ااااااااخ
يتوسل بخالي يوخر
اذكرت من اني اتوسل بي ومايقبل
يضربني ويتقربلي اغتصبني
كمت ابجي واباوع عليه شلون ينضرب
يردون يوكفون خالي مايكدرون
الي يتقربله يضربهم بالماسحه
شبع سيف ضرب كسر الماسحه براس سيف
يتوسل بخالي وخالي مايسمعه
خالتي تلطم وتبجي وتحجي
سناء : اضربه وادبه ماعرفنا نربي ابنا
تبجي وتلطم بعدين ماتحملت ركضت جوه سيف
سناء: تضرب كلبي قبل ماتضرب ابني كسرني وياه ماعرفت اربي
بدر : وخري
سناء : اضربنا اثنينا اني قبله لازم اتعاقب
أنت تقرأ
سهى و حبة الهيل
Romanceقصة حقيقية للكاتبة رشا رعد الملقبه سابقاً أنو أنو تتحدث عن فتاة عاشت في تجارب قاسيه من غدر الاخت تصارعت مع حلم حبات الهيل كان سبب احزانها وافراحها بطلتي سهى الفتاة البريئه التي تحمل من اجمل الصفات القناعه مهما يحدث لها
