سهى
امجد : تخبل بوستج مشتاق لحضنج
سهى : كوم سد الباب
امجد : ليش
اني : مشتاقتلك
امجد : والعالم البره
اني : مو مشكلتي المهم بحضنك انام
گام قفل الباب على كيفه حتى مايطلع صوت
نضحك اني وياه
امجد: اموت عليج
بده يبوسني حضني
نزل راسي للمخده
بده بينا شعور حلو وبعالم ثاني
فجأه مااعرف شصار بيه
سهى : امجد احس مختنكه
امجد : ليش
سهى : مااعرف كومني
اجاني احساس خنكني گلبي يدك بسرعه
سهى : امجد صيح ماما اختنكت اكو شي يخوف بكلبي
صاحهم اجتي ماما تركض
حياة : شبيج
امجد : مااعرف شبيها فجأه تخربطت خاف صعد ضغطها
سهى : مااريد مثل البارحه اخاف ماما
رانيا : شبيج احجي
سهى : كلبي يدك بسرعه ويوجعني
ماما و رانيا : خفقان هذا
ماما : لاتخافين ماما
رانيا : ارفعي خاله ايدها ليفوك وترتاح
بقوا رافعين ايدي لازمه ماما صدري
شويه ورتاحيت
امجد: اخذج للمستشفى
حياة : مايحتاج شنو تگول اخ نركض بيها مستشفيات لادلعها وتوكع براسي تعالي حياة البس جواريب وعبايه وشال
امجد : ههههههه شكو تخلفين اذا مابيج حيل
حياة : وجاي تحاسبني ... كبرن وتزوجن ومبتليه بيهن
رانيا : همهن للممات عابت بناتج مو بنات وحوش
حياة : وهمج ويه امج انتي الفقيره وماادري
رانيا : على الاقل ماموكعه ماعون دولمه لأمي
ماما : لحد هسه تذكريها
سهى : هههه ماتنساها ماما سويلي المخده
اجتي رانيا عدلتها نومتني وشاورتني
رانيا : خايبه وصيتج تصالحي ماگلتلج كثري من المواجيل وتتعمقين
سهى : ماصار شي انجبي
رانيا : شكلكم عاملين عمله
سهى : ههههههههه شويه مو اهواي
بقيت نايمه امجد يمنا
ماما : ماتطلع امجد البنيه متقيده يمنا بعبايتها
امجد : خوش طرده
سهى : دز رامي وريان
امجد : ماشي
طلع وبقت رانيا يمي
رانيا : تصالحتوا
سهى : تقريبا تصالحنا
رانيا : حجيتي وياه على موضوع سيف
سهى : رانيا بقيتي بس انتي ماخنتيني حبابه لاتصيرين مثلهم بعد ماتحمل اموت
رانيا : امجد والله متأكده ماخاينج ولعبه صارت بين سيف و ريمان مبين
سهى : شسوي حتى يطلع ابني بخير اريده ومحتاجته هو الوحيد الي يعوضني عن كل هموم الدنيا
رانيا : تصير سوالف وتنسين والله يعوضج اني ب أيدي طلعت ابني حتى يعيش وسمعت صوته وبعدها سكت اباوعله متأمله يعيش ...لفوا واخذوا ...اكول ياربي يطلع صوته تعبت وبجيت وتمرضت وكرهت الدنيا والحمد لله الله وفقني وعوضني ب اثنين كتاكيت ... ف أنتي احمدي ربج واستغفري بعدج ماشايفته ولاكبر بطنج بعده جنين وخارج الرحم وخطر على حياتج وان شاء الله تعوضين
سهى : امين
علي : تعالو تغدوا
رانيا : امجد هم يجي
اسهى : اكيد لا يبقى هناك
رانيا : لعد انزع عباتي وحجابي واتحزم لعلاوي
سهى : ههههههه الي يسمعج يكول دبه
أنت تقرأ
سهى و حبة الهيل
Romanceقصة حقيقية للكاتبة رشا رعد الملقبه سابقاً أنو أنو تتحدث عن فتاة عاشت في تجارب قاسيه من غدر الاخت تصارعت مع حلم حبات الهيل كان سبب احزانها وافراحها بطلتي سهى الفتاة البريئه التي تحمل من اجمل الصفات القناعه مهما يحدث لها
