سهى
نزلت بسرعه شفت ماما مدده مسككه
كمت اصيح اني وريمان
دخل حسين علينا ونسوان خالي
اخذناها للمستشفى اضرب بخد ماما اريد اكعدها وماكو
سهى : خاله ماما ماتت
سناء : لااسم الله ماشوفيها تتنفس
امجد : شصاير وهيج تخربطت
سهى : ماكو شي صاير كلشي ماكو طبيعيين
دخلنا للمستشفى
اخذوها للطوارئ صعدوها للانعاش
احنه برعب عايشين ... شوي واجه خالي
بدر : شكو
حسين : لحد الان محد طلع مانفهم السالفه
شوي وطلع الدكتور النا
ضغطها واصل ل20 همزين ماصار بيها شي
سهى : ليش هيج صار بيها ... شنو الي صار حتى يصعد ضغطها
اجه فارس يركض اول مره التقي بي
ارتبكت وماباوعت بوجه ولا سلمت
بالي يم ماما هو هم من شافني تجنبني
بقينا ساعتين ورجعنا للبيت
ماما ساكته مااضغط عليها ساكته وياها
وصلنا للبيت ريمان تلگتنا دخلناها لغرفتها
ريمان تبوس ب ايدها وبوجها
فارس كاعد بالصاله مال بيتنا
امجد وخالو يمه طلعت لكيت علاوي بالدرج
سهى : ماما مابيها شي زينه ورجعتلنا ليش تبجي
علي: ريمان تعاركت وغلطت على ماما
سهى : شلون
علي : ماما ماادري شحجت ويه ريمان وكلتلها ريمان اكيد خرفتي وتخبلتي
سهى : ليش هيج حجت
علي : ماادري ... ريمان تعاركت ويه شذى وخاله نهله
طلعت ريمان من الغرفه
راحت للصاله يم فارس عصبتني
سهى: ريمان تعاي
ريمان: فد شويه اگوم
بدر : كاعده يمنا عوفيها مامصدكه خطيبها عدنا
سهى : ماما نايمه
ريمان : اي
سهى : فارس من رخصتك اريد احجي ويه اختي وخالي بموضوع ... صحيح صرت منا وبينا بس الموضوع يخص امنا
ريمان :😡😡😡 احجي سهى
سهى : موضوع يخص ماما ليش وكعت شدكولين نحجي كدام فارس
فارس : اترخص اني واي شي تحتاجون اني حاظر
گام امجد وياه
سهى : امجد توصل فارس وارجعلنا الحجي كدامك
ريمان: مايحتاج
سكتت مااستعبرتها طلعوا من البيت
بدر : شكو سهى
سهى : خالو اسال ريمان خلينا نسمع منها وشنو الي صاير ويه البنات
بدر : شكو ريمان
ريمان : شلون اطردين فارس
سهى : ماطردته موضوع عائلي يخصج ... تريدن احجي كدامه حتى بالمستقبل يعيرج
ريمان : يتأجل الموضوع
سهى: شوفي ساكته جاي احجي بهدوء لخاطر ماما
بدر : اششششش خلونا نطلع ...بيتي نحجي حتى امكم ماتسمع هي مريضه
طلعنا من البيت ورحنا لبيت خالو
شذى: ام عين الصلفه شكو اجيتي گلبه حقيره سخيفه
أنت تقرأ
سهى و حبة الهيل
Romanceقصة حقيقية للكاتبة رشا رعد الملقبه سابقاً أنو أنو تتحدث عن فتاة عاشت في تجارب قاسيه من غدر الاخت تصارعت مع حلم حبات الهيل كان سبب احزانها وافراحها بطلتي سهى الفتاة البريئه التي تحمل من اجمل الصفات القناعه مهما يحدث لها
