مـرحبآ..!
-هہل ترونني..!
-حسنا ارفعوا رؤوسكم نحو الاعلى، انا هنا على السقف…اخذت لنفسي مقعداً امام خشبه المسرح …احمل بيدي وعاء مليئاً بالسكاكر وآكل بنهم… ساستمتع بمشاهدة مسرحية اليوم..
-أتعلمون ما عنوانها؟!
-امممم…
-زنبقة الوادي!..
-حسنآ ششش لقد رفع الستار لنبدأ..!
يا حمودي اصحى🙂هي عووووق بقره اصلو شنو لمن ريالتك سايله😹💔قلت ليها ماااام م قايمه ي زوله اختيني قالت لي ابوي عاوزك🌚قمت من السرير و الشعر منكووووش غايتو الشيطان استعاذ مني و الهبله ديك ادست تحت السرير لمن شافتني 🙂😒👊اكسرو الحنك بس .. مشيت اخدت شور و صليت وسرحت شعري لمن م حسيت ب اصابعيني ياخ لي ساعتين بسرح فيو 🐸💔بعداك سويت نسكافي و سويت ل الحاج معاي عشان ندق الونسه🐸صبحت عليهو و بسته قال لي كالعاده صاحيه متاخره نفسي اعرف بليل بتسوي في شنو😹😹تكوني بتخلطي ب وراي😏😉قلت ليو لالا ملعوقه ي حاج وبعدين ف محمد بيعاين ل اخوهو😹😹قال لي كويس عارفه روحك محمد ولد🐸 بعد شويه م احس ليك الا و الشبشب ف راسي والله دمي وقف وانا زي الهبله شلت الشبشب وبقيت بعاين ليو لاحظته انو دا شبشب امي😹😹😹قالت لي صاحيه ب مزاجك و توسخي لي الارض بالسكر ماالك مشلوووله ولا بترجفي لي كدة خطيبك واقف جمبك!! 😡قلت ليها لا ي نبع الحنان وحاتك هسي بقشه بس افتحي لي السكه لانو م منك امان تقومي هسي تلبعيني ف ضهري واتشنج ليك😹😹😹قالت لي بفنك بالشبشب التاني احسن ليك😑غايتو لملمت رجلين و شلت شبشبها وجدعته جمب رجلها واتسحبت بالحيطه و بعاين ليها عشان لو قربت مني موضوعي مستحمي بس بفك الجريه 😹😹😹طبعا ابوي منتهي و بضحك فيني و الشنكله ويين!!.. الشنكله انو البيت كله بخاف من امي والله ابوي بتشاكله و بتدقه عامله لينا رعب بس 😹😹😹💔
stoooop!! 🐸يلا اوريكم انا منو احتمال حوه االطقطاقه👊💔
معاكم ست الشباب و البنات و بطله القصه "لوتس" اي نعم دا اسمي🙈لكن ف البيت بيقولو لي حمودي دلع محمد🐸😹💔عشن م عندنا اخ وانا مرات بمثل دور الاخ😹ونحن تلات بنات🌚انا نصهم ووحده اكبر مني اسمها هيام متزوجه ومغتربه ف السعوديه🙂اريتو حالي💔 و الاصغر مني اسمها هديل دابها برلومه🐸وانا متخرجه قريت محاسبه😏م حبآ فيها المهم بعد شويه بتعرفو الحنك 🐸👊 الحاج اسمه عوض و الحجه سميه
حياتنا عادي جدا اي نعم نحن م عندنا اخوان بس انا اخو ليهم يعني لمن يكونو محتاجين ولد زي المراسيل و كدة ديل بعشقهم من وانا صغيره ابوي بمشي الدكان لااازم امشي معاه بحسها حاجه سمحه كدة وحركات شفاته😹😹 ياخ واحلى حاجه لمن امشي و القى في زبائن قبلي و اشترو حاجات كتيره و الحساب كتير ببقى ليهم زي انشتاين بعد ليهم القروش و اوري سيد الدكان الباقي كم وحركات كدة لدرجه سيد الدكان حلفني اشتغل معاه😹😹😹💔هو زاتو ظريف وود بلد يعني م حبشي😹... عمري ٢٤ عباره عن حاجه لا طويله لا قصيره و معصعصه كان جا هوا ساي بقع🐸💔بحب المطيط عامله زي العنكبوت بطير من مكان ل مكان عادي م تستغربو🐸😹شعري غزير لكن م بقول ليكم طويل ولا قصير شي وسط كدي"
... вacĸ🌚💙...
شلت الخيشه"لكل حنكوشه م بتعرف كلمه خيشه المهم بلغه الحناكيش اسمها بشكير مسح🐸ان شاءالله تكون وصلت💔😹😹🐸" و مسحت الارض و قشيتها من السكر و غايتو سويت العلي و شربت النسكافيه بااااارد عامل زي الشربوت والله شربته بس رجاله مني😹😭😹😭عشان الارض لينه و ح اوسخها تاني كان دخلت اسخنها🐸🙂الحاج كتر خيره شكرني للنسكافيه
مشيت لبست توب امي و طالعه الحجه سالتني على وين ي محمد🤨🤨قلت ليها ماشي الدكان😒قالت لي كل يوم ماشه الدكان اريتو يجي يعرسك ويريحني منك قلت ليها عيب محمد ما بيعاين ل محمد 😹😹😹ابوي قال ليها لالا م تعرس تاني البيمشي لي الدكان منو و بيصلح طبق التلفزيون منو انا عجزته😹😹قلت ليو محمد انقلب لوتس خلاص اشوف لي عريس عرفتكم عاوزني للمصالح😏👊اه ي دنيا تمام ظابط بس اصبرو لي يوم يومين😏
مشيت خليتهم بيتناقرو اشتريت رصيد و انا راجعه شايفه لي اولاد سمحين 🙈بديت حركات البنات بدل كنت بمشي و بتشتح رجل في الشرق والتانيه في الغرب يلا بقيت بمشي زي البنوتات😹😹 و رقدت شعري و كنت خامه التوب قمت صلحته وبقيت ماشة ومدنقره ف الارض بعد شويه اسمع ليك صوت زول بكورك ياااااا حموووووووددددي يلا عرفته ليكم و لا اشتغلت بيه مشيت ف طريقي طبعا دا الحيوان داك مشيت سرعه سرعه عشان م اتحرج حسيت بيو مسك يدي و قال لي بصوت عالي مالك ي حمودي م بتردي لي😹😹😹حمرت ليو قلت ليو اصبر لي وقمت جاريه و الاولاد متابعين الفلم دا كله😭😭😭سمعتي انتهت اووڤر 😭بقيت بيش بس كملت سكتي جا جمبي قلت ليو مهييد حيواااان ف داعي تحرجني جمب الاولاد السمحين ديل😒😒😒👊👊👊👊قال لي شفتهم بيعاينو ليك قمت غرت قلت لي بيعاينو ل حمودي المربي شنبه🤨🤨😹😹😹👊حمرت ليو قلت ليوو كوووييييس اصبر لي هسي كان جا واحد خطبني وارتحت من وشك الكريه دا😒😒قال لي لالا انتي مرتي براي م برضى ف زوجتي رديت ليو زجاجه تدخل ليك جوه عينك اقطع وشك بس👊اديته طاااخ في كتفو و جريت دخلت البيت👊و الشنكله كتفه م وجعو وانا يدي اتكسرت😭😭تعالو اوريكم دا منو وجنسو شنو🐸
دا واحد حييوان اسمه مهيد صحبي و فردتي من قمنا مع بعض وود حلتنا و اخوي لانو م عندي اخو و كدة وانا زاتي بعتبار اخوه عشان م عنده اخ 😹😹بلعب معاه كوره في بيتهم و مصارعه و اللهم حدث ولا حرج يلا الوليّد دا اكبر مني ب ٤ سنوات🌚عنده اخت وحده اسمها الاء يلا هي قدري وقرينا مع بعض من الروضه لكن مختلفين ف التخصص ماعنو مجالاتنا ادبيه... يلا هو عباره عن حاجه عملاقه🙄لونو قمحي حواجبيه غزيرات شعره عادي لا ناعم لا خشن🌚 عنده سكسوكه🌚وبث🌚💙"
دخلت البيت زهجانه الحجه قالت لي سبحان الله مقلب الاحوال طلعتي من البيت وشك كويس جيتي راجعه وشك زي القرويلا😹😹قلت ليها شكرا لرفع المعنويات😒🙂 ابوي قال لي هديل انتي خلي اختك دي تبقى زي البنات كل يوم امك دي بتهينا كدة يعني حسو بيها شوية😹😹قلت ليهم جزاكم الله خير كدة انا روحي عاجباني وشكرا للمحاولات و مشيت غرفتي جكه بمشي و بمط 😹شعور جميل لمن تمشي كدة ياخ😹😹دخلت الرصيد بتاعي وضربت ل زفودتي😴
وييين يا الا يتصلو عليك🤨😒 قالت لي ياخي صحيتيني من النووم اصلو شنو😒🤨قلت ليها م ح اعتذر ليك اصلا جايه اقول ليك لمي اخوك دا عليك حيوان ياخ😴👊قالت لي سوى ليك شنو بعدين انا ولدته وناسياه عشان تشكي لي منو🐸قلت ليها م تتلامضي معاي لانو الليله كنت ح اجيب عريس بس اخوك قفلها ف وشي😑👊قالت لي طيب لو سمحتي م تدخليني في مشاكل الاولاد الخاصه بيناتكم دي يلا اكسري الحنك الله جايب ليك عريس اسمح منه😹😹😹قلت ليها انتي وحده م عندك دم والغلطانه انا بتصل عليك قالت لي اصلا غلطانه😹😹قفلت الخط ف وشها قلت بوريه ود اللذينه دا..
أنا لا أكتُب كـ هِواية، أو للحصول على إعجابات وما إلى ذلك،
ما أكتُبه هُوَ مشاعِر أُصيغَت بكلِمات، لا أحتاج لدعمِ أحَد كي أستمر، لأنَّني لَن أتوقف عَن ذلك، فـ هَل يستطيعُ أحَد التوقف عن الشعور ؟
أي حَتّى لو بقيتُ وَحدي لا يَرى كتاباتي أحَد لن أتوقّف، يَكفيني لهفَة الأوراقُ لقلَمي.
لكن في الوقتِ ذاتِه لا أستطيعُ نِكرانَ جمالَ وجودكَم، وإستمتاعَكُم لِـ كَلِماتي💕
