بقات كطيب شوية شوية من الحاجة حتى سالات حطات داكشي فوق الطابلة دخل رياض هز شوية ديال لمسمن حطوا ففمو و هو يلوحو
رياض:أش هاد الزبل واش هادشي كامل سكر😠
رباب:شنو أناري واقيلا بدلت الملح بالسكار
رياض:واش نتي عندك شي عقل و لا متكسابيهش هزي عليا هاد الخرى منهنا و جيبي ليا لخبز من الكوزينة
رباب(كتغوت):إيه صافي باراكا أنا أصلا كارهة هاد الزواج و كندير ليك فخاطرك و نتا غير مكتزيد تحس براسك و طلع للسما
رياض:لا نتي واقلة توحشتي لعصا واش بغيتي شي قتلة دلعصا دوي😠
رباب:مبقيتش كنخاف منك دير هاد لقضية فبالك لعصا مبقاتش كتݣر فيا سمعتيني
رياض:واخا طوال ليك اللسان (و خرج جاب السمطة و رجع)هاحنا غنشوفو هاد الزعامة لخاوية ديالك فين غتوصلك
رباب(بخوف و لكن دافعة الجبهة):لي فجهدك ديرو
دخلها للبيت و بقا كيضرب فيها و هي كتحس بلحمها كيتقطع و غير كتبكي حتى ناض خرج فحالو عاد ناضت و هي كتعرج حتى و صلات الباب سداتو و دخلات لدوش و هي كتبكي بصوت مسمووووع عمرات الجاكوزي و تخشات فيه الماء ولى لون ديالو حمر بكثرة الدم لي هود منها سالات لوات عليها فوطة و خرجات وقفات قدام المراية و لاحت الفوطة و بقات كتأمل في أنحاء جسمها لي ولاو زورق و سهات كتفكر دوك الأغلاط لي دارت كاملين و الأشخاص لي عذباتهم و دمرات ليهم حياتهم و لي ݣاع وصلو للإنتحار بسبابها و دابا وصل الوقت لي غادي تحاسب على هادشي كامل في الدنيا قبل الآخرة و هي عمرها فكرت بلي كتسناها الموت و عمرها متقربات من الله ولا حتى حطات جبهتها الأرض و حتى القرآن سورة الفاتحة محافظها
دهنات الآثار ديال الضرب بواحد البوماض و دخلات توضات باش تقرى القرآن لأول مرة و تطلب الله يسمح ليها
+نمشيو عند رياض+
خرج رياض معصب من الدار ركب في اللوطو و كسيرا بالجهد وقف بجانب البحر 🌊 لأن هاد البلاصة هي المفضلة عندو كيجي ليها ملي كيحس براسو عااااامر و كيبغي يخوي داك العصاب كامل و غوت على حرررررر جهدو
رياض:علااااااش وليت كنبغيها علاش أنا بغيت نكرها و لكن مقديتش علاش أربي واش ماشي من حقي نعيش بحال ݣاع الناس😠
بعدما خوى رياض قلبو و حس براسو لاباس طلع اللوطو و كسيرا في إتجاه الشريكة
+عند ملاك+
فاقت و هي فرحانة على داك الإنجاز لي دارت البارح و بدات تشطح واحد الشطحة مختارعها هي و الدريات(هههه هادو راه مقطعين الوراق قبل ما يديروهم ݣاع😑😑)
صافي تبتات راسها و دارت الروتين ديالها و هبطات عند ماماها باش تجبد معاها واحد الموضوع
جلسات ملاك بجانب مها باش تفطر
ملاك:ماما الزوينة الحبيبة الغزالة ديال الدار😁
ربيعة:راك بنتي و عارفاك قولي أش بغيتي بلاما تبداي تعنبي عليا
ملاك:كتفهميني والله أحم نرجعو المهم الوليدة بغيت نخدم مع حيدر عيت من الدار و الله و باش متقلقيش راه حتى نور و ريم غادي يخدمو معايا هادشي إلى قبلتي 😉
ربيعة:آه و أنا نفهم بغيتي نطلب ليك حيدر و زوبيدة و السعدية 😑
ملاك:يخليك ليلي كتفهميني و الله دابا تأكدت بلي أنا بنتك حيت كنت شاكة😉
ربيعة(ضرباتها بمخدة):إيوا ألالة أنا مغادي ندير والو بغا ديريني طريق و زايداها شاكة بلي أنا مك😑
ملاك:أح بشوية هاد المخدة قاصحة أري نشوف وقيلا هادي المخدة ديال جدة الله يرحمها😂
+خدات ملاك المخدة و حلاتها و سعات فمها من الصدمة
ملاك:واااا شوفي أماما جدة كانت تجمع الفلوس و حنا مفراسنا ميتعاود😂
ربيعة(مصدومة):والله مطلعت ساهلة حتى هي و هاد المخدة عيت منقلب عليها و دابا لقيتها أري أري نشوف رزق مي😀
ملاك(يلاه بغات تعطيها ليها وهي طيح عليها واحد الفكرة😈)توتو مغادي نعطيها ليك حتى ديري داكشي لي قلت ليك يا بالخاطر يا بزز😂
ربيعة:ياك أبنت كرشي كديري فيا هاكا اوا يا لخانزة و ما تحطي المخدة حتى نوض نشوط لبنتي دوك جناب راك توحشتي لعصى البرهوشة😡
ملاك:بغيتيها وتبعيني خوديها هههه(هربات كتجري لبيتها وسورتاتو)
+خبات الساروت في صدرها(المخبأ السري لعند ݣاع الدريات هعههه🏃)
ملاك:إيوا ألالة ربيعة شنو دابا😉
ربيعة:حتى نفكر😡
ملاك:إيوا نخليك تفكري أنا غادي نتلاقا مع الدريات تهلاي الحب😉
أنت تقرأ
عشق المفروحين (مكتملة)
Humorاول قصة بيس هي ماشي واو ولكن عجباتني حيت كنت متحمسة و أنا كنكتب فيها🙂
