عشق المفروحين (مكتملة)

الجزء 6

🌅 اصبحنا واصبح الملك لله 🌅

+صباح جديد بأحداث جديدة وممتعة عند ملاك لي ناضت مع 6 وجدات لخوها المسمن و البطبوط و المخنفر صوبات كيكة كملات حتى وصلات 9 ناض كلشي يقدي شغلو
لالة ربيعة:هاي هاي اش جاك نايضة موجدة الفطور
ملاك:وجدتو الخويا وبابا حيت خدامين😁
لالة ربيعة:اوا هكا نبغيك الحداݣة و تاويل باش راجل لي داك ما يردك
ملاك:يا اربيعة بغيتي تهناي مني
لالة ربيعة:نتي وخوك هما عينيا لي كنشوف بيهم نهار تخطاوني نموت
حيدر:(هابط فالدروج) الله ينجيك الواليدة يموت عدوك و لي ما يبغيك
لالة ربيعة: الله يرضي عليكم و يخليكم ليا
سي محمد:هيا انا غير زايد ناقص
ملاك:(عنقاتو) نت راه هو كلشي 😘
سي محمد: الله يرضي عليكم
حيدر:امين يا ربي و زيدو نفطرو نشوفو هاد شي لي دايرة هاد ختنا ههه
ملاك:تعرف ليه بعدة😒
حيدر(خربق ليها شعرها):و مالو يغلبني😁
ملاك:شعري لا أحمباك🥺
+جلسو العائلة كيفطرو في جو زوين لا يخلو من الضحك و البهجة🤩

+عند علاء+

+بطبيعة الحال عمرنا مشينا لدار شي واحد من الدراري و لكن قررنا نبدلو شوية الوجهة ديالنا ⁦❤️⁩

+نرجعوا عند علاء لي يلاه فاق كيتكسل قام بالروتين ديالو لبس عليه و هبط ياش يفطر
علاء(قبل الرأس ديال الأم ديالو):صباح الخير⁦❤️⁩
لالة سعاد:صباح النور أ وليدي الله يرضي عليك😍
سي إبراهيم:السلام أ ولدي لباس عليك⁦❤️⁩
علاء:لباس أنا غير نشوفكم نتوما لباس هاديك هي الدنيا و ما فيها🤩
لالة سعاد:إيوا أوليدي أجي تفطر باش تجيب رولا من المطار راه شوية و توصل الطيارة
علاء:ههه توحشتها ديك نص بلاصة مسكينة غير نية😂
سي إبراهيم:ههه إلى تعطلتي عليها شوية تبدا تهرنن 😂
لالة سعاد:خليو عليكم بنتي في التقار ههه
+بعدما سلا علاء الفطور ديالو خرج باتجاه المطار باش يجيب ختو رولا المهم نعرفكم عليها هي أخت علاء الصغيرة عندها 20سنة مشات لأمريكا باش تكمل قرايتها و حتى هي عندها دور في هاد القصة
+وصل علاء للمطار مع الدخلة بانت ليه رولا جارة الفليزا ديالها و حتى هي لمحاتو و جات عندو كتجري
علاء(تلاحت عليه رولا):و بشوية الحلوفة ههه😂
رولا:توحشتك أخويا🥰
علاء(خربق ليها شعرها):حتى أنا يلاه نمشيو دابا الوليد و الوليدة كيتسناوك
رولا:يلاه🥰

+وصل علاء رولا و توجه لخدمتو لقا حيدر و قصي واقفين ليه قدام الباب دايرين ضحكة شريرة علاء غير شافهم بغا يهرب و هما يشدوه
حيدر:فين تعطلت الشريف يا كما شي قصارة و حنا مافراسناش😉
قصي:يلاه دوي تكلم😁
علاء:عقلكم دائما في كركم😒
حيدر(شاف في قصي و قال):هاد خونا كيعايرنا في وجهنا غادي تقول ولا نبربق خويا😉
علاء:راه جبت غير رولا من المطار و نتوما دايرين هاد الحالة كاملة😒
حيدر:الدراري دخلو بغيت نهدر معاكم في واحد الموضوع😁
قصي:الله يسمعنا خبار الخير😅
+بعدما دخلو لداخل و جلسو
حيدر:أحم الدراري الدريات بغاو يخدمو معانا😁
علاء:آه إلا بغاو من غدا إنشاء الله يبداو
قصي:حيدر هادي باينة ريم غادي تخدم معاك
حيدر:و مالك راه الحب هادي مهم بعدا كيدايرا رولا
علاء:لباس عليها
حيدر:واش بقا كيفما هي حشومية و نية و كتخاف منك😂
علاء:آه حيت عارفاني إلا دارت شي حاجة منفلتهاش ليها
حيدر:ههه الحمد لله بعدا نت ختك ضريفة كون تشوف ملاك مشيباني و عاد ريم قالت ليها متعرفيش و نور مسكينة لي داروها هي معاهم فيها😂
قصي:عنداك غير ياكلو راس رولا و تولي حتى هي عضوة في العصابة ديالهم حتى يسطيونا و يخرجو لينا العقل
علاء:غير الله يستر مع الله يحفظ
+نخليو هادو و نمشيو عند ربيعة لي جمعات خواتاتها باش تناقش معاهم الموضوع ديال البنات
ربيعة:خواتاتي بغيت نفتح معاكم واحد الموضوع😁
زوبيدة:وتي هضري خلاص😒
سعدية:ياكما البنات دارو شي موصيبة عوتاني
ربيعة:و الدريات بغاو يخدمو مع حيدر في الشريكة
زوبيدة:أنا بعدة ما موافقاش😇
ربيعة:خليني غير نكمل راه حتى في الأول ما وافقتش ولكن الكلبة ديال ملاك شداتني من يدي لي ضاراني راه لقات المخدة لي كانت كتجمع فيها مي الله يرحمها الفلوس😁
السعدية:ناري هي يلاه تزادت غير البارح و لقاتها و حنا لي سنين و كنقلبو أوالو مسخوطة😂
زوبيدة:ما تقوليش لقيتي دبالجي لي كانت مخبياهم مي الله يرحمها😇
ربيعة:وييه واش قابلين دابا
زوبيدة و السعدية:قابلين
ربيعة:و آخيرا غادي ناخدو ذهبنا😍
+دخلو الدريات عندهم ملي سمعو كلشي و هما فرحانين و تلاحو على والديهم بحال الحلوفات😂
ملاك:ياس ياس ها لواه زدي لواه👏
ريم:تكربن تكربن و سير أخويا سير الله يعطيك التسير👏
نور:ها حنا جينا لا تقولو ما جينا ستك ستك👏(الله يستر تفروحنا😂)
ربيعة:و بشوية هرستو ليا مخي😒
زوبيدة:إيوا أبنياتي أرو المخدة😁
ملاك:ممم الدريات إجتماع👏
+مشاو الدريات البيت ديال ملاك و سدو عليهم
ملاك:أش بان ليكم نعطيهم المخدة راه كيهمني الرأي ديالكم
ريم:ممم بالنسبة ليا من واحد الواجهة نعطيهم المخدة و من واجهة أخرى يقدرو يخورونا
نور:آه عنداك غير ياخدوها و يتقلبو
ملاك:صافي لقيتها ما غادي نعطيوها ليهم حتى نسنيو العقد🤔
ريم:آه و خاصنا الشهود
نور:آه هادشي راه خطير😂
+بعدما سالاو البنات الإجتماع ديالهم و خرجو بنتيجة لي غادي ترضي الكل
نور:سيداتي و سادتي بعدما إستاشرنا في هاد الموضوع الخطير خدينا قرار لي غادي يرضي الكل و كنعطي الكلمة للوزيرة ريم👏
ريم:شكرا سيدة الوزيرة المهم أسيادنا قررنا ما غادي نعطيوكم المخدة حتى نسنيو العقد مع راجلي المستقبلي و عرفتكم كتساؤل شنو السبب نعطي الكلمة للوزيرة ملاك👏
ملاك:شكرا سيدة الوزيرة راكم عائلتنا و لي فراس الجمل فراس الجمالة عارفينكم غادي ديرو معانا خاوية في عامرة و ديرو لينا تخويرة عالمية و تاخدو المخدة و تقولو لينا باي باي سمعتونا أسيادي😁
+فيناهما سيادك راه حالين فمهم في هاد الخلقات لي تسيفو بين ليلة و نهار أ ولاو وزراء و خدامين في الدولة😂
نور:ماما هيهو فين مشيتي👏
السعدية:إيوا لالياتي ساليتو غادي تعطيونا ديك المخدة ولا غادي نشوط مكم
زوبيدة:ومالكم كبرتو عليها
ربيعة:سكتو صافي حنا قابلين إيمتا غادي تسنيو هادشي ديال الخدمة ولا زبل
ريم:حتال يجي ولدك المصون و نهضروا