عشق المفروحين (مكتملة)

الجزء 4

دخلات لواحد الكافي متوجها لعند واحد فيكتيم كتبروفيتي فيه بيني وبينكم تيتيز زاز لوز اوا شكون لالة لي ݣالسة معاه بيان سيغ حنان شكون من غيرها
حنان:(بتحلوين) سلام مراد لباس عليك
مراد:(عاقد غوباشتو كيف ديما)لباس الحمد لله ونتي
حنان:حمد الله شفتك وليت شوية(فخاطرها:يخ كمارتك تقطع الخميرة من دار{من نيتك احنينتي})
مراد:اش حَبْ الخاطر
حنان:مراد انا مدمرة جيت نعاود ليك حيت نت لي كنرتاح معاك وكنتيق فيك😢
مراد:دوي انا كنسمع
حنان:(دايرة دموع التماسيح)اهئ اهئ والديا عندهم كريدي كبير وانا عيت ما نجمع فقلبي اهئ اهئ صعيبة تشوف والديك قدامك محتاجينك ونت ما قادرش تعاونهم اهئ اهئ عييييت بزاف امراد تهديت(الله يمسخك شوية ونتيقك الكدابة😒)
مراد:(جبد شيك كتب فيه مبلغ وعطاه ليها)هاكي خودي عاوني عائلتك
حنان:(مسحات دموعها)انا عاودت ليك باش نخوي قلبي ماشي باش نبقا فيك وتعطيني فلوسك(وقفات) ودبا بسلامة😞
مراد:(جرها ݣلسها)جلسي وخودي لي عطيتك حيت من هنا القدام ما غيبقاوش بيناتنا الرسميات غتولي مراتي احنان
حنان:ولكن ~قاطعها~
مراد:مكاين ما ولكن خودي باش تعاوني عائلتك
حنان:(دايرة راسها مترددة)وو وخا(خدات شيك وشافت فيه بصدمة)لا مستحيل نقبل المبلغ كبير بزاف امراد 😳
مراد:حتى حاجة ما تغلى عليك😉
حنان:شكرا بزاف واقلة خاصني نمشي
+مشات حنان ومراد ݣالس كيخطط و يفكر كيفاش غيوصل للهدف ديالو هاد الشخص غيكون عندو دور كبير فالقصة ديالنا غيكون سبب فبزاف دالحوايج هو و شخص آخر مهم بقا ݣالس شوية حتى صونا ليه تيلي
مراد:الو وي شنو بغيتي 😒
الشخص:مالك كتنفخ ما ناويش اولد القاف تجي
مراد:بلامة تصدع ليا مخي ياك مصيفطني باش نفد لي بغيتي اوا قود بعد مني
الشخص:مال ديل مك كتفرݣع عليا عنداك تنسا بلي راك غير برهوش قدامي راني خوك الكبير
+قطع مراد تيلي بلامة يجاوبو و ناض زعفان باغي غير معامن بنوضها
+ بلاصة اخرى +
عند البنات ݣالسين بستة فسطح كيتناقشو حتى جبدات ملاك الحكمة
ملاك:اوا دبا اولدي يا حيدر غتنفد الحكمة😈⁦⁦⁦
حيدر:تكايسو عليا الله يرحم والديكم 😢
ريم: والله ما كاين تكاييس😏
نورالهدى:نت تكايستي ملي درتي لينا داكشي لبارح ها فكرتي فينا وهاك دبا(قلزات ليه)😒
حيدر: الله يا ربي قلبي ما مهنينيش حاس بلي موجدين شي موصيبة😨
ملاك:موصييييبة اخويا الحبيب😉
ريم:نقول انا ولا تقولو نتوما😁
نور:لا انا لي غنقول هاهاها اوا اولدي يا حيدر غدير راسك بنت اول حاجة غتحيد ديك اللحية ثاني حاجة ملي غادي نقادو ليك تولي بحال لبنات غتمشي الكورنيش ودير راسكك بنت قدام الناس ساهلة ماهلة 😂
قصي: واااااع هههههههه وا مجهدة هادي اولدي
علاء:ناري ناري مشات رجولتك ابا حيدر ههههه
حيدر:شناوا مغنديرهاش واش من نيتكم😡
ملاك:اش بان ليك نعيط على لواليدة نقول ليها راك هرستي طبسيل ديال طاووس😏
ريم:ويلي هرس طبسيل ديال طاووس 😲
ملاك:ماشي طباسل لي كتجبد ماما ديما هرس طبسيل لي كان كيعجبنا وما كانتش ماما تبغي تجبدو حيت كتخاف يتهرس😌
نور:ويلي ويلي كحلتيها خالتي ربيعة غتقتلك اصݣع😱
حيدر:صافي غندير لي بغيتو غير تعاونوني نلقا بحال داك الطبسيل
ملاك:دبا دويتي اولد ميمتي راني لقيت ليك توأم الطبسيل لي هرستي😁
حيدر:صافي ندير لي بغيتو غير عتقوني😞
علاء:حافضين صواريكم😉
ملاك:واش يحساب ليك غيفلت راه عارف الوليدة شنو كتسوا هههه
قصي: الله يدينا فضو ما بقا ما يعجب😕
ملاك:يلاه الجماعة طلقونا المسݣي😁
+جرو الدريات حيدر و تبعوهم قصي و علاء و هما ميتين بالضحك😂 جبدات ملاك المكياج حطاتو حداها و مشات ريم جبدات الكسوة لي غادي يلبس و نور جابت باش يحسنو ليه اللحية😂😂
ملاك:يلاه على بركة الله أجي قصي دوز على هاد اللحية الله يحفظك😂
قصي:بالفرحات عليا يلاه أجمي😂
+مشا حيدر و هو كيتنفخ و فنفس الوقت كيضحك على راسو(تريكة متفهموها ضاحكة ولا غضبانة😏)
حسن قصي اللحية لحيدر لي قرب يبكي مسكين غير خرج كلشي عواج بالضحك
حيدر:غادي تسكتو لا😡
ريم:أحم حيدر ها الكسيوة لي غادي تلبس(كانت واحد الكسوة قصيرة في الحمر و مزيرة)
علاء:أه أسي حيدر على آخر يامك غتولي مخنت😂
حيدر(بكثرة ما صدمو الشكل ديال الكسوة بقا غير ساكت عاد فاق من الݣلبة):الصبر يا رب😑
+الدريات بداو يلبسو في حيدر الكسوة ما دخلات حتى سخفو و زايدينها كانو فاشلين بالضحك😂
إوا دابا وصلو للمسݣي(المكياج يا سادة) إيوا بداو داروا ليه فون دو تان و ترساو ليه الحجبان و كحلو ليه العينين و العكير حميمر وزنݣو ليه الحنيكات
ملاك:ها حنا سالينا إيوا يمكن ليك تشوف راسك في المرايا😂
ريم:بلاتي أطط نسيت اللمسة ديالي الخاصة😂
+هزات واحد القلم و دارت ليه واحد الخالة وسط حنكوا كبيرة😂
ريم:صافي هكاك أزوينة ديالي دابا شوفي راسك
+دار حيدر بقوة الفقسة بقا مبلوكي أما الآخرين غير شافو ردة الفعل ديالو سخفو بالضحك و عواجو كاملين كل واحد طايح و كيتركل بحال إلا فيهم الصرع(الله يستر من هادو و صافي)
حيدر(تخلطات عليه الفقسة مع الضحكة كلشي نزل عليه ديك اللحظة):غادي تزموه ولا برب حتى نخلطكم كاملين😡
قصي:جيتي زوينة الساطة😉
علاء:le rouge qui bouge😂
حيدر:غادي تجمعو كركم لا😡
ريم:أحم يلاه أحبيبة دابا المرحلة الثانية😉
+خرجو من كاملين من الدار ضروري ما خصهمش يفلتو هاد اللحظة ملي وصلو هبطو و حيدر ساخط على الوضعية و غير عاقد حجبانو
نور:يلاه دابا المرحلة الثالثة غادي تبدا التعويج و تغوت و تقول أنا حيدر أنا درية سمعتوني أنا درية و لي بغا نتصورو مرحبا😂
حيدر:أمري لله😡
+وقف و بدا يتعوج و مع الدنيا عامرة كلشي كيضحك عليه و دارو عليه الناس
حيدر:و الناس سمعوني أنا حيدر أنا درية و لي بغا يتصور معايا مرحبا😑
+تجمعو عليه الناس و كلشي تلاح باغي يتصور و حيدر بقا ليه شوية و يطرطق تعصب
حيدر:باقي يقرب ليا شي واحد غادي نبدا نخلط يلاه داركم😡
+الناس.سمعوه غوت كلشي هرب و حيدر غادي و هو ساخط شوه راسو براسو
حيدر:يلاه دابا غادي نمشيو تزيدو كلمة وحدة غادي نفوت ضربة فشي واحد😡
+عرفوه ساخط طلعو كيجرو اللوطو و رجعو و الطريق كاملة و هما كيعاودو في الفيديو لي كان حيدر كيغوت و كيعيط على الناس من بعد ما وصلو للدار حيدر لاح دوك الحوايج و مسح داك المكياج هبط لقا الدريات موجدين كاسكروت
وݣلسو مجمعين حتى صونا لريم تيلي
حيدر:شكون لي كايصوني عليك هم🤨
ريم:ا ام ت تاواحد 😨
حيدر:(خدا ليهل تيلي وجاوب)اري نشوف شكون هاد تاحد🤨
ريم:ما تعصبش عفاك والله ما كنهضر معاه😞
سمير:ألو ريم غير سمعيني و متقطعيش ريم انا راه كنبغيك و غنعيشك احسن عيشة نتي عارفاني من الطبقة الغنية و كنحلف ليك غتبغيني وغتنساي داك الكلب ديال حيدر ولا ما بغيتيش غتكوني ليا بسيف عليك ديريها فبالك ريم لسمير
حيدر:سمع اولد القاف انا بزاف عليك وفلوسك خشيهم فك** وجرب تقرب لريم يا زا** لما نحرك
ودبا قو* ريم لحيدر و حيدر لريم وهاد القضية دخلها لداك المخ عندك(قطع وهو جاعر)كيفاش كتهضري مع هاد الحيوان اا واش كنبان ليك انا ولية ولا شنو دوييي😡ياك ݣلت ليكم دراري ورباب ونسرين خط حمر
قصي:كالم توا اصاحبي حيدر
علاء:وي برد حتى حاجة ما كتحل بالغوات
ريم:لا لا غير خليوه ياك نهار لول ݣلت ليك غادي نبدل نيم باش ما يبقاش يصدعني ونت قلتيلي لا متبدليهاش غير بلو كيه يا بلوكيتو وحيد البلوك بوحدو ݣلتها ليك وݣلتي ليا نخليه ودبا كتفرݣع عليا ديفو فيا انا دبا🤨
ملاك:صارحة خويا انا شاهدة لي ݣالتو كاين🙄
نور:اه حتى انا شاهدة كنا حداها ملي ݣاتلك⁦☺️⁩
علاء:بغيت غير شي حاجة ما تكونوش عارفينها كاملين
قصي:واييه العشير
البنات:(بصوت واحد)مكايناش غير سكتونا
علاء:اجيو بعدا شنو قصة هاد رباب وديك عفراء ولا عوجاء
حيدر:عقلتو قبل ثلاثة سنوات ففرانسا ملي قلت ليكم غنزل سيمانا المغرب داك النهار...
+فلاش باك قبل 3سنوات+
ملاك فرحانة حيت خوها كاين معاهم ولكن اليوم خصها تمشي لحفلة صاحبتها
ملاك:حيدر خويا غنمشي انا والبنات لواحد الحفلة دايراها رباب
حيدر:وخا سيري وما تعطليش وخلي تيلي معاك
ملاك:واخا يا احسن اخ فالعالم ماح عليك
+مشاو تلبنات الحفلة لي كانت دايرة رباب لي فديك الوقت كانو دايرينها ختهم وهي ما كتحملهمش سلات الحفلة و رباب وعفراء طلعو البنات الواحد البيت وهوما على نيتهم تايقين فيهم من بعد دخلو ربع ساعة دخلو عليهم شي رجال بداو كيقربو ليهم حتى سمعو صوت البوليس قبل ربع ساعة ملاك حسات بقلبها تقبط وعيطات لحيدر خبراتو هو فهم ودخل فآخر لحضة
+نهاية فلاش باك+
حيدر:هادشي لي كاين كون ما دخلتش كون راه حنا كنترحموا عليهم دبا
ملاك:لهلا يحييك يموت عدونا ولي ما يبغينا
+ݣلبوها ضحك وتقشاب سبحان مبدل الاحوال يلاه كانو مضاربين مهم ومهمومين كيتفكرو الاحداث القديمة😒 بقاو ݣالسين حتى وصل ليل مشاو قصي و علاء بحالهم وكل واحد تلاح نعس(اه نسيت ما شرحتش ليكم واحد النقطة حيدر دوز 8سنين من عمرو ففرانسة كيقرا هو وعلاء وقصي من لي كانو صغار وهما كيقراو مع بعدهم ملي كملو 15 عام كانو متفوقين داكشي علاش مول المدرسة لي كانو كيقراو فيها صاوب ليهم الوراق باش يكملو قرايتهم برا واليديهم عاونوهم عارفة انكم كتسولو علاش مكيعرفوش بنات سي كيعرفهم مي شافهم ملي كانو صغار لواحد ملي كيكبر كيتبدل)
+بعد مرور 6 أشهر+
فهاد 6 شهور تبدلو بزاف ديال الحوايج منهم ان مراد خطب حنان وسداسي ديالنا بداو كتقربو من بعضهم ولاو كل مرة خارجين لبلاصة بالنسبة لرباب فتزوجات برياض بسيف عليها
+فواحد الكافي ݣالسين مجمعين و كل واحد خاشي راسو فتيلي
ملاك:بغيت نعرف غير هادوك لي كيتعراو على جيمات شنو يديرو على دريهمات😒
ريم:بحالة نتي ما عارفاش يعطيك الدل🤨
حيدر:هاما غيبداو تاني شهاد العائلة عندي😕
البنات:مالنا كيف جيناك😑
حيدر:لا لا بزاف والله حتى بزاف🙄
علاء و قصي: هههههههه
نور:ديرو واحد البليزير يلاه بحالنا🙁
+ناضو مشاو كيتساراو حتى بانت ليهم واحد الهدية حيدر وجد رجليه حيت عارفهم وبصح عطاو رجليهم لريح كيغنيو ويشطحو الله عطاهم الصوت دلغنا خاص غير لي يبدا ليهم و يطلقو حلوقهم غاديين معاهم كيشطحو ويغنيو معاهم أما علاء و قصي واقفين معجبين من هاد الثلاثة لي كل مرة يفاجئهم بحاجة هزو راسهم ب لا حولة ولاقوة الا بالله و تبعوهم وهما ماشي اول مرة يديروها فينما يبان ليهم شي عرس کيدخلو بحالة معروضين
علاء:(موجه كلامو لحيدر لي حتى هو نساجم معاهم)لا لا بزاف هادشي 36 شخصيا
حيدر:اوا اخويا هدشي عندنا سلالة من العمة الخالة و مزال ما شتي والو غيدخلو لعرس بحالة معروضين
قصي:شي نهار تسيفطونا بلا وراق هههه
علاء:يا ولد اللدينة عمرك درتي هاكا فاش كنتي معانا
حيدر:ما جابتهاش الضروف هههه
+بقاو الدريات غادين بالغنا وشطيح حتى دخلو العرس عطاتهم ام العروسة طابلة حدا باب القاعة ودارت كتهدر مع واحد من ولادها
ام العروسة:خالد اولدي ديدجي تعطل واش مغيجيش
خالد:الواليدة راه عندو موشكيل ماغيجيش😨
ام العروسة:منين غندبرو دبا على لي يصوڤينا😞
+هادشي طبعا داز على ودنين البنات لي جاتهم من الجنة و الناس
ملاك:خالتي الى بغيتي نقدرو نعاونوك غير هو عطيني 5دقايق يمشي خويا جيب لينا الماطريال
ام العروسة:سيري الله ينورك كيما عتقتيني انا بغيت ربي تحطي رجليك على شوك يولي ورد ابنتي غير يسالي العرس ونخلصكم
نور:لا خالتي بلاش ماتخلصينا غير خليهم تقدري تحتاجيهم
ريم:اه بصح ماشي مشكيل غير يمشي يجيب الماطريال وتشوفي والله حتى نروبلو ليك العرس بالشطيح ههه
ام العروسة:هههه الله يكتر من متالكم ويرضي عليكم
ملاك:حيدر سير عند بلال ولد عمي علي خود من عندو الماطريال ودور معاه
+مشا حيدر جاب لي قالت ليه ناوضوها فالعرس و لي بان ليهم ݣالس كينودوه بزز روبلو العرس بشطيح والغنى وكلشي فرحان وكيغني معاهم سالا العرس وكلشي مشا بحالو
+نمشيو بلاصة اخرى+
كتسائلوا حنان لي غير كتفلا اش جرا و طرا حتى تخطبت بمراد و كانت كتستغل فيه ودبا فرمشة عين ولات كتبغيه هو لي عتارف ليهابحبو ليها وخلاها تعلق بيه لدرجة انها كانت غتنتاحر ملي واليديها ما بغاوش يقبلو حتى واحد من العائلة ما رتاح ليه خصوصا لبنات وحيدر لي بان ليهم كايشبه لواحد الشخص
حنان:مراد والديا ما قبلوش العرس يكون من هنا لشهرين😞
مراد:وعلاش ما بغاوش بسلامة🤨
حنان: حيت حيت ريم مخطوبة قبل مني خصها تزوج قبل مني😨
مراد:شنو هاد تقح** اهاه واخة ايمتا عرسهم😡
حنان:مم مزال ممقررينش😕
مراد:(كيغوت)واش تصطاو ولا شنو كيفاش مقرروش ها😠
حنان:سكت🤐 شوهتينا ݣلس لرض
+عند رباب+
رباب تزوجات برياض بزز منها هو تزوج منها باش ينتاقم منها و يعدبها حيتاش كرهها لواحد الدرجة مستحملهاش
+فاق رياض دوش و هبط ما لقا حتى واحد مشا دخل للبيت ديال رباب لقاها ما زالة ناعسة
رياض:لالة الأميرة باقا ناعسة واخا(بضحكة شيطانية)رباب رباب فيقي
رباب:أمم صافي أ ماما خليني نعس
رياض:لواه حناك نوضي تكعدي وجدي ليا لفطور
رباب(تقلبات لجيهة لوخرى): أمم
رياض:مبغيتيش تفيقي واخا
+مشا رياض جاب كاس ديال لما بارد و كبو ليها على وجهها
رباب(كتشهق):ها واااش نتا مريض و لا مالك
رياض:يالاه نوضي وجدي ليا لفطور تشهيت ناكل لبغرير و لبطبوط و لمسمن
رباب:يخخ على بشر تفو
+رياض شد رباب و كلاها على الحيط
رياض:شوفي أ رباب أنا لحد الآن صابر عليك و عمرني بززت عليك و هادشي علاش خاصك تحتارميني و ديري داكشي لي كنقوليك دخلي هادشي لدماغك نتي ديالي
+مشا رياض و هو مخنزر رباب بزز دارت روتينها الصباحي و هبطات ملقات حتى واحد
رباب:أوووف أنا مكنعرف نطيب حتى بيضة🥚بقا ليا غير نصاوب ليه لفطور أووووف
+مشات رباب حلات الثلاجة بقات كتأمل فيها هههه😂جبدات فطورها 🍞 و فرماج و شي تخربيقات فطرات و سالات يالاه ناضت و هي تفكر داكشي لي قال ليها مشات جابت طابليط و قلبات على الوصفات ديال لمسمن....لمهم جبدات لمقادير و بقات كطيب

يتبع