عشق المفروحين (مكتملة)

الجزء 10

+خرجات ملاك مع قصي يتغداو حتى صونا ليها تيلي لقات رولا هي لي مصونية ليها دارت أوت بارلور
ملاك:ألو
رولا(كتغوت):يا الكلبة الحمارة مخلياني هنا بوحدي محشمتيش😡
ملاك:هادشي لاش معيطة(وقطعات ليها في وجها)
قصي:ماشي حشومة عليك قطعتي على الدرية مسكينة
ملاك:و أنا مالي خدم الله يحفضك مزيكة
+خدم قصي المزيكة و ملاك بدات تشطح و تحير براسها و قصي كيضحك عليه دازو شي 5 دقايق و وصلو دخلو مشادين في يد بعض ختارو طبلة و الغدا و بقاو كيهضرو في شتى المواضيع من بعد ستأذن منها قصي و مشا الطواليط حتى هزات ملاك راسها و بانت ليها واحد خيتي مقابلة قصي ملي وقف حتى مشا دخل الطواليط بل كلاتو بعينيها ملاك غبر شافتها و هما ينوضو ليها ݣناوة فوق راسها و هضرات بالجهد باش تسمعها
ملاك:لا نديرو ليك في خبيز تاكليه نتي ݣاع
البنت:pardon تتهضري معايا أنا
ملاك:لا مع خيالك حدري عينيك ولا غادينجي نخوخهم ليك و نعطيهم ليك تلعبي بيهم البي
البنت:أوه شهاد المستوى كتهضري بيه أصلا متستاهليهش باينة غير مدوز بيك الوقت
ملاك:شناوا عاودي أش قلتي ههه خيار دابا ولات put بحالك تهضر معايا هاكا😡
+بقاو الدريات كيتعايرو شوية و هي تلاح ملاك على ديك البنت و بدات تنتف و الدنيا كاملة تقربلات قصي كان يلاه جاي و هو يسمع الغوات ضرب على جبهتو حيت عرف ملاك هي لمنوضة الروينة مشا كيجري لقاها كتشتف على ديك الدرية و تعض و تقول معضيت أما ديك البنت فبقات غكتغوت قصي قرب حداها و هزها فوق كتافو و هي بقات كترطا و تغوت
ملاك(كتغوت):طلقني نوريها الشمكارة بشحال كتسوى
قصي(حمر فيها):ملاك سكتي و زيدي بلا شوهة 😠
+ملاك غير شافتو معصب و هي ضرب الطم خرجو و حطها فوق الكرسي في طوموبيل و بدا يهضر
قصي:دابا غادي تشرحي ليا لاش درتي هادشي يلاه
ملاك:و هي لي باركة كتحنزز فيك و كلات بعينيها أش بغيتي ندير متلا نبوس ليها راسها
قصي:واخا هكاك مكانش عليك ضربيها
ملاك:دابا غا. قول ليا متلا أنا إلا كان شي دري كيشوف فيا أ...(قاطعها)
قصي:غنجندخ مو حتى يصلي
ملاك:إيوا حتى أنا درت بحالك 😉
قصي:صافي دابا سكتينا موقع باس
ملاك:أييه غير شفتي راسك حصلتي و نتا تبدا عليا بالهضرة ديالك تسير عطيني تيساع يلاه كنتي كتعاير فيا قبيلة نسيتي😑
قصي:و صافي سمحي ليا
ملاك:عطيني تيساع😒(سكتات و تكات على الشرحم ديال الطوموبيل)
قصي:ملاك
ملاك:الصمت
قصي:ملاكي
ملاك:الصمت
قصي:كسكسو بالتفاية ديالي
ملاك(جاتها الضحكة ولكن كتماتها):الصمت
قصي:بواطة الطون ديالي
ملاك:ههههه دعوة الله لما قول ليا أش هاد التعناب
قصي:ههه باقي مشفتي والو
ملاك:زيد زيد و نتا تحليتي ليا هنا
قصي:والله ينعل بو هادا لي باغي يتعنب عليك نستاهل ألالة نستاهل

+عند علاء و نور+

+دخلات نور عند علاء باش تعطيه شي ملفات و منها نيت باش تعتارف ليه بداكشي لي كتحي بيه من جيهتو واخا ماشي البنت هي لي كتعتارف ولكن هي بغات تقول دلكشي كامل لي في قلبها ميهمهاش الرفض ولكن تخوي قلبها باش ترتاح
نور:أحم موسيو علاء ها الملفات لي طلبتي مني
علاء(شاف فيها بنص عين):مموالفاش ليك تقولي موسيو كيف طرا جرا
نور:غا رشقات ليا عليها
علاء/نور:بغيت نسولك
نور:أحم سول نتا اللول🙄
علاء:أوك بغيت نسولك واش نتي أونكوبل
نور:لا علاش
علاء:ممم نور أنا كتاشفت راسي بلي معجب بيك أو بالأحرى كنبغيك و مكرهتش نوليو أون كوبل باش نتوالفو على بعضياتنا و ديك ساعة نتزوجو
نور:سبحان الله هادشي لي كنت بغا نقول ليك
علاء:وايلي
نور:والله
علاء:وهياش دابا
نور:موافقة موافقة😁
علاء:هههه هي دابا مبروك علينا 😉
نور:إييه