عشق المفروحين (مكتملة)

الجزء 14

ملاك:وي وي حيدر اجي لهنا بغيتك
حيدر:نعام اش كاين ياك لباس ياكما وقعات شي حاجة
ملاك:لا مواقع والو غير بغيت نݣول ليك خاصنا ضروري نمشيو للشركة نوجدو المناقصة حيت معندناش الوقت خاصنا ضروري حنا لي نربحو باش ال
شركة تعرف عالميا
حيدر:ناري فكرتيني مشات من بالي هاد القضية ݣاع و مغنقدرش نمشي غنعول عليك نتي توجدي ليها
ملاك:اه وخا كون هاني عيط لقصي يتبعني لتما باش نتعاونو
حيدر:واخا غير سيري انا نعيط ليه

+مشات ملاك طارت بالروت حتى وصلات و كلشي حاضيها وقف عليها شي حد هزات راسها مصدومة
ملاك:رباب شنو كديري هنا😡
رباب:تهدني املاك مجياش باش نخلق المشاكل
ملاك:علاش نتي عاد غتخلقيهم😒
رباب:سمحي ليا ناخد غير 5 دقايق من وقتك نقول لي بغيت نقول و من بعد متبقايش تشوفي وجهي
ملاك:واخا تبعيني ندخلو منبقاوش فالبرد

+دخلوا و طلعاتها ملاك معاها حتى وصلوا المكتب دقصي ݣلسات ملاك فبلاصتو و ݣلسات رباب قدامها

ملاك:نعام انا كنسمع ليك
رباب:بغيتك تسمحي ليا املاك على ݣاع داكشي لي دوزت عليك(بدات كتبكي)عارفة راسي كنت خايبة بزاف ولكن ماشي بيدي كانت كتجيني الغيرة ملي كنشوفكم نتوما بثلاثة و متفاهمات و ديما ضاحكين كنت ديراكم مسخرة كنهش فلحمكم ولكن راه والله ما كيجيني نعاس انا لي سديت عليك فطواليط حتا تخنقتي وروحك كانت غتزهق و انا لي دفعتك فدروج فاش تهرستي من يديك و انا لي سيفطت هادوك لي ضربوكم و هلكوكم عارفة راسي تماديت بزاف ولكن والله حتى كنحس بالندم
ملاك:(ناضت عنقاتها)صافي سكتي متبكيش كلنا كنغلطوا حنا ماشي ملائكة و انا مسامحاك الى كان ربي كيسامح فشكون حنا لي نتكبرو و نبغيو نحاسبو انا ما كيهمنيش شنو درتي ليا داكشي ماضي المهم نتي دبا تبدلتي و عرفتي الخطا لي درتي
رباب:جيت عندك نتي لولة حيت عرفاك نتي الحساسة فيهم و نتي هي لي كتسامح وخا يكون بنادم غالط معاك بزاف كنشكرك من اعماق قلبي
ملاك:ماشي مشكل مهم انا مغنقدرش نبقا نهدر معاك كتر من هاكة حيت عندي الخدمة بزاف و معنديش الوقت بزاف
رباب:اه ماشي مشكيل انا اصلا خاصني نمشي بسلامة(يلاه غتنوض دخل قصي خلاتهم و خرجات بحالها هبطات لقات رياض كيتسناها)
رياض:اشنو وقع شفتك دخلتي نتي و اخت حيدر
رباب:اه ملاك مشيت عندها هي لولة حيت عارفاها دغيا تسمح ليا
رياض: الحمد لله بعدا ملي سمحات ليك دبا بقاو جوجات
رباب:وهوما لي خالعيني منتوقعش انهم يسمحولي
رياض: تفاءلوا خيرا تجدوه

+عند ملاك و قصي+

قصي:اش جات كدير هاذي هنا😕
ملاك:جات طلبات مني سماحة على لي دوزات عليا
قصي:و سمحتي ليها😕
ملاك:اه سمحت ليها قطعات ليا قلبي اصلا ربي لي مقامو علا من مقامي و كيسامح عباده معساك حنا لي غير عبد ضعيف
قصي: الله مراتي قلبها ابيض و حنين😍