عشق المفروحين (مكتملة)

الجزء 17

من بعد هاد المسرحية ههه مشاو كاملين(+مراد) للدار ديال ملاك تفرقو على حمامات الدار دوشو و لبسو حوايجهم و ݣلسو مع مراد باش يفهموه قصة ختو من A تال Z

حيدر: مراد سمعني و حل معايا دماغك مزيان

مراد: أنا باغي نعرف كلشي

ملاك: غتعرف كلشي غتعرف غير تهدن

حيدر: أول حاجة خوك سمير هو السبب فهادشي كامل

ملاك: خوك سمير مريض نفسيا حيت اكتشف أنه ماشي خوكم شقيقكم إنما مماك قبل متاخد الاب ديالك تغتاصبات مما خلاها تحمل بسمير و الاب ديالك هو الوحيد لي عاونها و تجوجها

حيدر: من بعد ملي تزاديتو نتوما واليديكم هملوه و هو تعقد من بعد ملي كمل 18عام سمع واليديك و هوما كيهضرو و عرف بلي هو ماشي خوكوم من باكم تما قرر انه يقتل واليديكم

ملاك: بقا كيخطط كيفاش غيدير ليها و شنو غيدير حتى فكر بانه كيسد عليهم باب دالبيت و يحرق الدار و فعلا داكشي لي دار و ملي البوليس جاو طوا لقضية بالرشوة ودار ان الفران ديال دار هو سباب الحريق

نور: بلاتي هادي كيفاش عارفة هادشي كامل و حنا لا😕

علاء: من بعد و غا تفهمي خلينا نكملو دابة من بعد ما تصلحات دار و رجعتوا ليها خوك ولات عندو امراض نفسية حيت ولا كيشوف مو قدامو من بعد بدا كيقلب على الاب ديالو الحقيقي و لقاه انهو هو صاحب باك سي قرطابي اوووه سخفت

قصي: من بعد ختك عرفاتو شنو دار حيت سمعاتو كيدوي فتيليفون فهو ديك ساعة كان باغي يقتلها حتى هي ولكن مقدرش فدݣ ليها واحد المحلول باش تبان ميتة و دار بلي هي نتاحرات بسب حيدر حيت كان كيعرف عليكم شادة و الفادة

مراد: و علاش بغى ينتاقم منكم نتوما شنو درتو ليه😒

حيدر: بما ان خوك مريض نفسي فكذب الكدبة وتيقها ودار بصح انهو حيدر سباب فقرر انه يشفي غليلو فينا هههه علم الله شنو كان باغي يدير بينا

ملاك: غيخشينا فلاسيد و يبقى يتفرج فينا حتى ندوبو😂

مراد: ختي دبا فين😡

حيدر: ختك ساد عليها فواد الدار فطنجة

ريم: شفتو ما تصدم ما تعجم ما والو القدية ناشفة عندو😑

ملاك: ماشي وقتو راه غينفاجر من لداخل انا لي حاسة بيه

حيدر/قصي: كيفاش نتي لي حاسة بيه

ملاك: ...(تيليفون علاء كيصوني)

علاء: الو ياك لباس...كيفاش و نتوما فين كنتو...قطع انا جاي نشوف هاد الحريرة...تفو مكتعرفو ديرو والو