عشق المفروحين (مكتملة)

الجزء 11

+تخشات وسط الحوايج بقات تبقشش و جبدات شورط و ميني فونطخ لبساتهم و طلقات شعرها و هبطات كتصفر
ريم:صباح الخير
الكل:صباح النور
+ݣلسات حدا حيدر لطلع عينو شافها هكاك خنزر فيها و هي تغمزو و هبطت عينيها كتفطر و تهضر مع ملاك سلاو الفطور مشاو جابو نور و مشاو البحر تلاقاو قصي و علاء و رولا كيتسناوهم تما
قصي:على السلامة
ملاك:الله يسلمك
حيدر:إيوا كيدايرين لباس عليكم بيخير
رولا:الحمد لله أليييز
علاء:اليوم خاصنا نخربوها في هاد البحر باش يبقا يوم تاريخي😁
نور:آه و يلاه نهبطو نعومو
+ناض كلشي بدا يقلع قصي بانت ليه ملاك حتى هي بدات تقلع حمر فيها و هي تݣلس و هو حيد تيشورط ديالو و جرها معاه و مشات و هي كتنݣر و كلشي هبط يتبحر بالمايو إلا ملاك مسكينة كتعوم بحوايجها
ملاك:(كتنݣر)حرام عليك أقصي شوف كلشي كيعوم بالمايو و أنا لا تفو
قصي:و صافي
ملاك:كون كنتي كتبغيني ݣاعما دير ليا هاكا
قصي:راه شحال من مرة قلت ليك راه كنبغيك
ملاك:إيوا لا كنتي كتبغيني زيد ركبني في ضهرك
قصي:زيدي يلاه ركبي
+تعلقات فيه ركبات بغا يحط يدو و هي تحبسو (راكم عارفين ملي كنركبو الواحد فين كنحطو يدينا🤭)شاف فيها و هي تحشم هبطات راسها فهمها و هو يبدا يضحك حط يدو على ركابيها و مشا كيجري بيها و هي كضحك بالجهد و تغوت أما ريم فمضاربة هي و حيدر هو يغوت و هي تغوت
حيدر:شحال من مرة قلت ليك متلبسيش بحال هاكا و لكن نتي مكتسمعيش
ريم:و مالهم حوايجي شوف نور راه علاء مخليها تلبس لي بغات هانتا شوف
حيدر(دار شاف جيهة نور لقاها داخلة حتى هي بكسوة بحال ملاك):بان ليا أنا بلي نتي بوحدك لي لابسة مايو يلاه قدامي دابا تلبسي حوايجك يلاااااه منعاودش الهضرة
ريم(زادت قدامو حادرة راسها و تبرݣم):يخ شوهتينا تفو عليك أحيدر تفو
حيدر:راه سمعتك
ريم:و سير تخرا(قلزات ليه و هربات كتجري و تغوت)
+تبعها حيدر و يتحلف عليها و هي كتزوي بالغوات
حيدر:وقفي لمك و نتي فيك غا رجلين بحال طيرة بقر
ريم:و بعد مني و نت فيك غا صدر بحال بيبي

+دارت لقاتو قرب يوصل ليها و هي تزيد في الوتيرة ديال الجرا و الغوات بقات تجري حتى شقمها و حيد الكلاكيطة و بدا يضرب فيها و هي كتغوت
حيدر:أش كنقول لمك أنا ها قولي
ريم:مك مك وقف و عتيني و الله صافي المسامحة غادي نلبس ݣاع الحجاب غا كون هاني ها عار البزيزيلة
حيدر:شيبتيتي حتى الكلاكيطة وليت نهزها على مك زيدي قدامي يلاه
+جرها من يديها و مشا بيها تبدل نخليو هادو و نمشيو عند علاء و نور الهدى لي ݣالسين فوق الصخر معانقين و كيهضروا
علاء:هههه نور عقلتي على داك النهار ملي كنت كنعلمك تعومي بديتي(بدا كيعيب فيها و رقق صوتو)علاء عتقني ...غادي نغرق واااع
نور(ضرباتو):ههه بزاف عليك الحلوف
علاء:أنا حلوف أنا
نور:حلوفي الزوين
علاء:ههه حمقة
+نخليو العشاق و نمشيو عند رولا لي ݣالسة بعيدة و كتشوف في لي كوبل كيتمعشقو و كتنهت هزات راسها بان ليها شي شخص جاي و كتعرفو مشات كتجري عندو و تعيط
رولا:آآآآسر
آسر(ضور راسو بانت ليه رولا كتعيط مشا عندها):سلام رولا ياك
رولا:آه هي بشحمها و لحمها
آسر:فينهما دوك الحلالف لاخرين
رولا:راه كل واحد فين مقنت هو حبيبتو يلاه نديك البلاصة فين كنا ݣالسين يلاه
+مشات رولا كتجري و آسر تابعها لقات كلشي مجموعين ݣالسين
علاء:وايلي آسر كاين هنا كيدارتي ليها
قصي:راه أنا عيطت عليه بزز حتى بغا يجي
رولا:صافي صافي بدلو الموضوع زيدو
حيدر:اول مرة جينا البحر مجموعين مكانش معنا اسر و رولا
نور:اه بصح يعني غنعاودو داكشي لي درنا من لول حتال لخر زائد اشياء اخرى
ملاك:ما كاين غي الحيوح و كلشي غادي يتفاجة و مرحبا بلي جا😂
ريم:مهم حيدو علينا تخربيق باش غنبداو
نور:كارطة غنلعبو جبن ݣرع على عصى😈
علاء: الله الله ترحمو على يديكم الفتيات😁
اسر:انا ما لاعبش غدي غير نعطب شي وحدة ولا واحد😒
ملاك:وا بربي حتى غتلعب و شوف واش غتعطب ولا تعطب😏
قصي:ديرها ليها قد فمها اخويا و لعب هاد البعلوكة عندي لسانها سليط
آسر:نت مطفرو اخويا العزيز😑
نور:لاهيلا
+بداو الدراري الكارطة لعبو الشوط الأول و هي تخسر رولا
رولا:وااات لا لا صافي بلاتي نتسامح مع يديا😭
ملاك:مسكينة ضحية أترتي فينا
ريم:ضمسي أبنتي و شوفي الرقم ديال العصا لي غادي يجي فيك
+غمضات رولا عينيها و جبدات كارطة غير حلات عينيها و هي تصدم بدات تهرنن و وعطات الكارطة لملاك بصدمة
ملاك:ههههه سبعة الدقات هههه
نور(ݣفضات يديها ):يا بسم الله نبداو
+عطات رولا يديها لملاك هي اللولة ضرباتها شي ضربات تقول واش عندها خباطات
رولا(و الدموع في عينيها):حشومة و الله
ريم:أري نوبتي😈
+غا عطاتها و هي تجبدها معاها بواحد الضربات كتر من ملاك
نور:تعالي نعطيك حتى أنا
رولا:واخا أشداني نلعب😭
+ضربتها نور حتى هي بالجهد و وصلات عند علاء شافت شوفة ديال البراءة و لكن معامن حتى هو جبدها معاها بالجهد فين تبان ضربة ريم و ملاك و نور
رولا:حرام عليك أعلاء راني ختك زعما سأخبر الله بكل شيء😭
+دازت نوبة حيدر شافها مسكينة كتبكي سمح في الضربات و قصي كذلك و صلات لنوبة آسر مدات يديها هو شاف يديها حمرين صغار باينة موعتة هز يديها و باسها
آسر:حشومة عليكم ديرو ليها هاكا مسكينة يديها صغار كون موعتة
رولا(شافت فيه عينيها كيبريو):شكرا
نور:وييع عنيبة
علاء:سيدي شتك كتعنب بختي قدامي
اسر:نوضوا تقودو كاملين تفو ما كنبغيش نخصر الهضر مي نتوما غير تاع سبان😡
قصي:صافي هادشي لي بغيتو هنتوما عصبتو ليا الخوادري😕
ملاك:ما صوقناش حنا خليونا نكملو لعب و يا ربي تجي فخويا حبيبي
+ضمسات ملاك و ولعبو تفكات رولا تبعها علاء تبعاتو ريم من بعد قصي بقات ملاك و نور و حيدر بقاو لاعبين من بعد تفك حيدر و تفكات نور
حيدر:كنتي بغيتيني نخسر هانتي جيتي بين يدي اه لي سمح ليها فدقات ميعرفنيش
ملاك:اههههههئ اهئ ختك انا
رولا:خلي دموعك حتى نرجع ليك دقاتك😈
نور:ريم ضمسي ليها مسكينة
علاء:صراحة بقايتي فيا مي ختي و ما حنيتش فيها غير طلبي من الله تجي فيك 1 و لا12
رولا:علاش مال 1 و 12
ريم:علاش هادي ما عارفاش القوانين راه 1 و 12 ما كتاكليش فيهم العصى كيعفيو عليك (وجهات كلامها لملاك)هاكي هزي وحدة
ملاك:يا بسم الله وا بركة مولاي براهيم توقف معايا يا ربي 1 ولا 12(غمدات عينيها و هزات شافت تصدمات) لا لا مستحيل
قصي:باينة مزبلاها اري نشوف(خداها ليها) ههههههه اري يدك احبيبتي 10 دقات كيتسناوك😂
ملاك:(شافت وراها ما واقف حد و هيا طلق رجليها لريح)وااااااع و مغنكلهاش
حيدر:بلاما تجريو موراها شوية غتعيا و نمشي نجيبها
+بقاو وافين باغينها تعيا و هيا والو كتجري ضرو ها رجليها شوية مي ماتسوقاتش قالت لاهوما يدروني رجلي و لا يتهرسو ليا يدي و مصبرا راسها حتى تخبطات فشي واحد كانت غطيح هزات عينيها تشوف شكون تصدمات حيد ليها شعرها على وجها و وقفها و هادشي كامل داز على عينين لوخرين بطبيعت الحال قصي مشى كيجرى ملي شاف هداك المنضر
......:سمحي ليا ياكما تقصحتي
ملاك(بصوت شبه مسموع): الحمد لله ما عقلش عليا
.......:لا عاقل عليك مزيان املاك😉
ملاك:(عينيها خرجوا)خويا عثمان بخير
عثمان: الحمدلله بخير
ملاك: الحمدلله سمحلي ما نقدرش نبقا واقفة معاك خاطيبي جاي بسلامة
عثمان:بلاتي غير ....