+دخلات ملاك لدارهم دوشات باش تحيد العيا لبسات نشفات شعرها و هبطات تقلب على مها دخلات لقاتها هي و باها و حيدر في الصالون
ملاك:ماما بغيت نقوليك واحد الحاجة😊
ربيعة:قولي شناوا
ملاك(حدرات راسها زعمة حشمانة):أحم نهار الحد غادي يجي قصي باش يخطبني🤭
ربيعة:هاكيني ها كاوا شكون لي غادي يتزوج عز عليا هداك الدريري مسكين 😑
ملاك:حشومة عليك أماما وراه خاصك تفرحي ليا
حيدر:شكون غادي يدخل لعش الزوجية(رفع صوتو و قرب حدا ودنيها)ملااااك
+ناضت ملاك تلاحت ليه على شعرو كتنتف و هو كيضحك و ناضت مها كتفك و باها مقابلهم و يضحك
ملاك:طلقيني عليه أماما😡
ربيعة:ݣلسي الأرض يا هاد المصعورة و حتارمي خوك راه كبر منك😡
حيدر(واقف ورا مو و كيقلي ليها في السم):فخبارك نتي خاص لي يربيك طلقنا ليك اللعب
ملاك:ديها في ك(شهقات و سدات فمها و بدات تدور في عينيها و ضحكت ضحكة صفرة و مشات حدا حيدر عنقاتو و بدات تبوس فيه و جراتو):هي هي بسلامة أماما نتلقاو نهار الحد
+جرات حيدر تبوس فيه و ضحك مخلاتو فين يهضر حلات باب بيتو دفعاتو و هربات لبيتها و سدات عليها و تكات بقات كتقلب في التيلي ختى صونا عليها قصي
ملاك:ألو
قصي:صافا بيخير
ملاك:الحمد لله راه قلت الوليدة على الخطبة و داكشي
قصي:أح قربتي تولي مراتي العفريتة
ملاك:حتى نتا غادي تولي راجلي و نولي نعنقك و نعس حداك و نلعب في لحيتك و نصبح على وجهك و أخيرا غادي نولي نفيقك من النعاس بواحد الطريقة يا سلام
قصي:و شناهي هاد الطريقة
ملاك:غادي نوقف فوق ضهرك و نبقا شتف هيتف😈
قصي:كيفاش زعما ضهري مشا ترزيت في ضهري
ملاك:عزيتي عليا و الله غادي ندوزها عليك ملي نتزوجو
قصي:و علاش متقوليش بلي أنا لي غادي نحيد منك الضسارة ها😉
ملاك:تفو عليك أقصي
قصي:مقبولة منك أحبيبة
ملاك:وسير تقود(و قطعات دغية عاود صونا عليها قصي باش يصبنها على هاد الكلام لي قالت بقات تقطع شوية و هي طفي التيلي و نعسات)
+قصي لي كيعيط و كيلقى التيلي طافي ضحك على هبالها و ناض تعشا و طلع ينعس
+عند حيدر لي داخل كيدوش و يغني مكاينش في هاد العلام خرج لبس حوايجو و تلاح في الناموسية و هز التيلي يعيط على ريم
+عند ريم لي جابدة شي تبقشيشات جامعاهم في واحد البلاكار خاص(أحم ختكم ريم عذروها راه شوية لاباس راه كتخرج الزنقة أي حاجة شافتها طيحة في الزنقة كتهزها و تخبيها في البلاكار القاعيدة كانت فيها ملي كانت صغيرة ديما مها زوبيدة كتعطيها العصا و لكن لي فيه قاعيدة كتبقا فيه)جبدات بزاف ديال العقيق و الصدافي ݣُغميطات مقطعين سناسل مقطعين بورتكليات و شحال من حاجة ركزات شوفتها معاهم هزات التيلي دارت أغنية و بدات تصاوب و تخربق و تقاد ختى بدا التيلي كيصوتي زفرات بالعصاب هزاتو لقات حيدر كيعيط
حيدر:ألو حبيبة
ريم:ألو لاش معيط
حيدر:أبشوية لطرطقي أبنتي أش كديري بعدة
ريم:راك عارفيني ملي مكنلقا ما يدار كنجبد تبقشيشتي
حيدر:باقا فيك ديك القضية مبغاتش تحيد شحال من مرة خالتي زوبيدة ضرباتك عليها و لكن عمر شيخة تنسا هزت الكتف🐸
ريم:يخ منك أحيدر
حيدر:نوصيك أحبيبة ملي نتزوجو يصحاب ليك غادي تبقاي تجيبي تبقشيشتك عندي فالدار😁
ريم:تفو عليك إلا مكانتش معايا تبقشيشتي فداري مغاديش نقبل بيك غا كون هاني
حيدر:و شكون قاليك أنا غادي ناخد بشوارك أحبيبة غادي نجيبك بزز
ريم:فاك يو(و قطعات عليه و رجعات تكمل شغلها لي كانت بادية )
+عند رباب لي ناعسة معانقة هي و رياض و كيهضرو
رياض:أش بان ليك غدا نديك عند الدريات
رباب:واخا و لكن أنا خايفة بزاف من ردة الفعل ديالهم
أنت تقرأ
عشق المفروحين (مكتملة)
Humorاول قصة بيس هي ماشي واو ولكن عجباتني حيت كنت متحمسة و أنا كنكتب فيها🙂
