ليتني لم اكن انا

الحلقة الخامسة

مساء خير والمحبة على عيونكم الحلوة
🖤🖤🖤

وجان تنفتح لباب مال الهول الخارجي

هيه كبل تركتني ورتبكت اني وخرت منه ودرت وجهي وشفت عمتي ناديه واكفه بس ممنتبه النه دخلت اتباوع بل جهاز ساره رجعت لمكانه وتشرلي بيده عود اذبحج اذبحج وتتوعدلي اني كولش خفت منه وبلعت ريكي من الرهبه عمتي انتبهت شافتني متصفصفه يم لباب 

ناديه… هااولج اشبيج وجهج اصفر ؟

حور هاا مابيه شي  بتوتر

دارت وجهه ادور على جنطته اني ردت اطلع صاحت وراي حوراء.. رجعت خطوة… هاا عمه… بيبيتج اتصيحج بغرفه الحجيه…اشرت براسي بمعنى اي ورحت

للصاله كولش جبيره وبيه جهال يلعبون ولد وبنات يركضون واحد وره الثاني شحيته

وعلاوي منطلق وياهم كولهم بكده تقريبن

درت وجهي وبتسمت الهم ودي اركض وياهم سمعت بيبي وهيه تصيح بسمي ..حوراء حوراء لتفتت شفته

كاعده بلغرفه المقابيلي وتباوعلي من الباب

اول مشفته لكضت عليه وحضنته وهيه كاعده

ام سعد… ههههه يمه فدوه لهل صباح شالت راسي وباستني بخدي واني هم بسته… تريكتي لو بعدج

بعد هسه كعدت… جاا يله كومي غسلي وتريكي وتعاي امشطج شعرج مكوش فركت راسي بيده كومي يله ..كمت منه بنشاط رحت للحمامات صايرات اكبالي غسلت وخلصت وبللت شعري اشويه لئن شته ولجوبارد بيبي متقبل اسبح كول يم اله بين يوم ويوم تخاف عليه اتمرض…
رجعت دخلت للغرفه
ام سعد… هاا يمه غسلتي… اي غسلت ..جاا جيبي المشط وتعاي رحت جبت المشط من الجنطه .

بيبي دوم تمشطني بمشط خشب تكول حته ميوكع شعرج كعدت كدامهه وبدت تمشط

حور ..اكول بيبي

ام  سعد… كولي يمه … .لعد وين البنات
… جاي يتريكن بلمطبخ يم جناين ام جواد… هااا بيبي هيه ام جواد… شتعودلج ..مرت اخوي كاظم… هاااا هاذه لرجال ليكولون عليه الشيخ كاظم

ي هوه تحجي وتضفر بشعري ..زين بيبي لويش ميجي لبيتنه ولا مره شايفته… لايمه جاينه اهواي بس ونتي ازغيره بس صارت مشاكل وكطع الجيه ..هااا بس ميخالف غير اخته اشون يعوفج… يااا فلك طرج وين عايفني غيير مره جبيره وكاعده ابيتي…  ميخالف هم لازم يجونج اهلج لو تروحيلهم

… ذبتله حصره اه اه خايبه يمه هيه وينه لهل انه ماعندي بس هل لوحيد اخوتي ذولاك بس من ابوي
… يعني ميحبوج ؟؟..خلصت وشدت الضفيره بقراصه من الاخير ودارت وجهي عليه وهيه تعدل بشعري منا ومنا… لا يمه موش مايحبوني بس جليلين محنه وانه بت ابوهم موش مثل الجايبته امج وبوج… يعني اذا واحد عنده اخو بس من ابو مايحبه… .لا اكو ناس حنينه حتى علعدو واكو على ابن امهم مايحنون وانه مامتانيه احد يحن عليه كبرت عله هل حجي… انه احبج ومااعوفج ابد بسته بجبينهه…..بعد عيوني انتي يله كومي جيبيله ريوك فشل من النسوان تنكل وتخلي جدامنه. ..صار