ليتني لم اكن انا

الحلقة التاسعة

مساء الود والمحبة حبايب كلبي🖤

سيدة القلق🖤

هــــــل ســــمــــعـــتـــم يــــــــــوما { بالحزن الراقي }

هــــــو ذاك الـــحـــزن الــــذي يـــحـــرق الـــعـــيـــون دون دمـــووووووع ويـــســـكـــن فـــي { ايسر الصدر } لا يـــعـــلـــم أحـــد بـــه
لان صــــاحـــبـــه لا يـــشـــكـــيـــه ولا يـــبـــكـــيـــه بـــل يــــتـــعـــايــــش مـــعـــه

*****

حوراء يوم السبت… 29..12 2008…الجو بارد

وتقريبا بين كول يومين تمطر السماء مطر خفيف
جو حلو نقياً البرد والخضار وريحه الطين…

كولش احب هيج  جو احس بلراحه .والفرح ..

اطلع العب واركض بلطارمه ..
اني وجهال عمي نسوي حصان من طين اني اكعود اسوي وانطيهم وهمه يلعبون  وكول اشويه تجي

وحده ترزلنه وتحجي علينه
وحنه ولا يمنه… نضل نلعب منا لحد منتعب ..

بيبي تكعود على مصطبه مخليه يم باب المطبخ وتباوع علينه وتتبسم ..

اني كول ما اسوي احصان.… جديد اركض اراوي الهه
ونصطرهن عله دجه الحديقه لحد مينشفن ..

هاذي لعبتي المفضلا. من غير التلفزيون ابدددد ماافاركه… على طول النهر مكابلته وكاعده..

اتابع اسبيستون كولش كولش احبه

مسلسلاتي المفضله…

سالي وعدنان ولينا  وصنوبري شوكي وريمي ..ذولي عشقي

من كد ما اتابع العادات حفضتهم عله كلبي ..

جانت عدنه صوبه تلفزيونيه…

ترتبه نسرين وتخليله نفط وتجيبه يمنه… .

يبدي النهار وينتهي واني بلغرفه كول ما افتح الباب كالت بيبي ..هااا ويين… حته لو بعز نومه حدي حمام لو مطبخ وارجع…

بس بهاذه التاريخ تحديداً  تغيير كولشي للابد…

هاذه ليوم عرفت انو الحياةمو بس اكل ونوم ولعب ..وتلفزيون… لا لا اكو هوايه اشياء

بشعة وقذرة ماكنت اعرفه…

بهاذه اليوم تغيرت نضرتي للبشر…

صارت الناس بعيوني وصخه جذابه ماكو واحد شريف ماكو واحد نضيف الكل نفس الطينه… احس ما عدت ذيج الطفله البرئية الي همهه العب والركض
صرت افكر افكار اكبر من عمري…

اشياء متخطر على بال طفله…
منغيير التخيلات والهواجس والكوابيس…

ماكنت اتوقع النسان الي عشت وياه اسنين  واحسبه اخوي الجبير هيج يسوي بيه… زين ليش هيج؟؟