مرحبا حبايب كلبي
❤❤❤
ابو جواد ..لا عليج علي صدك… حجاهه بتعجب
وانه اكول هل بت ماطالعه عليكم قربني اله وباس
راسي ..اشلونج جدو زينه… خجلانه. كولش منه…
وماعرف شحجي
هزيت راسي بمعنى اي… بقه يمسد على راسي كون احد يحاجيج … لا محد
اذا واحد حاجاج لو زعلج كليلي انعل والديه ..
بتسمت. اله وكتله لا. جدو محد والله
ناديه… يااا خالو ليش هوه منو يحاجي حبيبت الحجيه
باوع اله وضحك… جا هيه ماطول حبيبه لحجيه عدوانه اهواي يحجي بضحك موش هيج جدو
مافهمت قصده بس ضليت مبتسمه على كلامه ..انتي تعرفيني انه ياهو ؟ ..اي اخو بيبي ..هااا عفيه بلحبابه
تضلين يمنه ..انتي وحبوبتج ..هااا لا
افه ..ليش ماعجبتج ديرتنه (منطقتنه )
ماعرفت شجاوبه ضليت بس احرك بصبعي بلكاع
رفع راسه ليباوع بلغرفه وهوه يكول
ابو جواد… جااا اخيج ( اخوج )وينه ؟؟
كتله هااا بعدني ممكمله قاطعني كبل حجت عمتي وبيبي .
نادية…. هااا لجهال كولهم بره يلعبون
بيبي… تباوع ابوجه وتحجي حجي خابرت لويلاد لاله (اتصلت بالولد لو لا)
ابو جواد… اي حجيه خابرتهم عد عمهم وماعدهم شي يله انه اترخص اخذو راحتكم…
كام وطلع ضلن هنه يتناقشن بيناتهن
بسالفه عمي وبيبي وام اجواد يسولفن على
صفحه ..
اني كاعده يم الشباك اباوع بس زرع احضر كبالي كولشي مااشوف منه ..
افكر بيني وبين نفسي .... هسه لو عندي اب مثل جدو ماجان احد اتجاوز عليه ياا صدك لو كايلته على
ساره ومخليته مرزلهه بلكي تفك مني هاا لا غير
يموتني عمو بس احد يحاجي بته بسببي …
صافنه على لجامه واشوف لدنيه
تنكط مطر خفيف
لبيت نخبص لئن مطرت لحجيه تصيح
… يله يمه بساعجن. لمن الخبز اليابس ودشن (دخلن )الهدوم من الحبل .كبل لا تتبلل
البنات يفترن بلبيت… وهيه شدت العبايه على خصره وطلعت بره
بس اني وبيبي بلغرفه والباقين راحو للهول لولد بلمضيف مشفت احد منهم بس علوش ويه الجهال
بيبي. بيبي
كاعده على المصلايه تسبح ومنتضره الاذان يئذن الضهر
هزت براسه بمعنى هااا
بيبي والله ضجت خلي اطلع بره
ام سعد… لا يمه وين طالعه اهناا الوادم موش مثلنه لبنيه الحديثة (الشابة) ما تطلع امفرعه
أنت تقرأ
ليتني لم اكن انا
De Todoفتاه عاشت في بيت بسيط لتتحول حياتها الى متاهات ومغامرات وعشق صعب المنال لتتمنا لو ليتها لم تكن هيه صراع الحب والشغف والعداله والشرف
