ليتني لم اكن انا

الحلقة الرابعة

لن يفوتك ما كتبه الله لك… كل ما فاتك لم يكن من نصيبك 💔من البداية

صباح  الخير والبركة حبايب كلبي🖤

ناديه ..جعفرر

هيه حجت .لكل انتبه 

ام سعد… هااا ولج. شكو

هااا ماكو شي بس جعفوري داس رجلي ..اشوه ولج حسبالي شو اشبيج حاجته ودارت وجه مامقتنعه اي بقيت بفشلتي وكولش استحيت عمتي همست بذنه

وماعرف اشكالت وهوه دار وجه للجه لثانيه وبعد ماحجه شي بس حسيته ضاج من تصرف امه

جانت سنه 2008 والاجوا متوتره امريكان وتفجيرات وحروب أهلية لوضع كولش مخربط جان عمري 10 سنوات بس بيبي تكولي انتي عقلج اكبر من عمرج وكولشي تفتهمين نادره وذكيه هيه دوم تمدحني وترفع معنوياتي اي احب ابحث واعرف كولشي. واتعلم كولشي بس ما ادخل بلي ميخصني ابد مرات نسوان عمي يكعدن يسولفن على بيبي.

على مود مصرف لبيت لو على رجولوهن اني اطبب منا واطلع منا ماانقل حجي حته لي يسئلي اكله مااعرف بيبي دائمن تكولي صيري حبابه ومئدبه حتى لناس تحبج وتحترمج وميكولون لئن ماعده ام خربت تربيته

مرات اضل ابجي على ماما وبابا بدون محد يدري

اصعد للصطح اشبع بجي وانزل
اغلب الاحيان من تروح بيبتي

للطبيب لو لعماتي احس روحي غريبه ابيت اهلي
ومالي احد لبنات يصعدن يقرن بغرفتهن ساره ولاره

ساره خامس عدادي ولاره ثالث متوسط
وحسن وحسين. اكبارابد ماوصل يمهم كولش عصبيين. بس واحد يحجي يمهم اسكت اسكت من غير الغلط فه ما اقترب يمهم ..بس علاوي اخوهم

الزغير عمره5 سنين كولش احبه دامن العبه وابدله واوكله بس اذا بيبتي تتحاجه ويه امه ابد متخلي يوصل يمي

بس يجي تضربه وتاخذه واني اضل بس ابجي سكته

مااحجي شي امه جهال نسرين وكحين كولش ابد مينحملون يجون يخبصون. غرفتنه خبص واذا

حاجيتهم تكب العيطه والمصايح ابوهم وامهم ابد ميقبلون احد يحاجيهم فه اني اغلب الأحيان وحدي بغرفه بيبي مااختلط ويه احد لاره اتحبني مو مثل

لباقين دامن تدافعلي ومتقبل احد يحاجيني

ساره تضوج مني بس تشوفني بمكان ضلت تحقق

هاا ولج اسويتي اشلعبتي وتضر ادور حجج عليه
دامن يتعاركن بيناتهن بسببي

جنت كولش استهضم من حسن لو حسين يدافعون لختهم حتى اذا بيبتي تحاجي وحده منهن ميقبلون عليهن جنت اتمنه يكون. عندي اخ مثلهن

ودوم ابجي  واعاتب ربي

ربي ليش خليتني لا اب ولا ام ولا اخ ليش بس اني وحيده مالي احد اشكيله لو يسمعني ليش ماعندي اب مثل البنات يشتريلي اهدوم والعاب ليش ماعندي ام تمشط شعري وتسويلي تسريحه بلعيد ابجي واشهك بصوت خافت اخاف احد يسمع ربييي. اريد امي اريد انام بحضنه ..ليش اخذتخم مني ليش مااخذتني وياهم اريد اهلي ذولي ميحبوني  احجي واكفكف برداني دموعي اريد اخو مثل البنات. اريد بابا فدوه… خلي ياخذني يمه ربي بس جيبه اليه خلي يشوف حال بنته حصره عليه حته الضحكه اذا اضحك بصوت. كله تضل تعيط عليه اريد مدرسه ليش جهالهم تروح للمدارس واني لا ليش
…  هاي الاشياء الي جنت اعاتب بيه رب العالمين
جنت دوم ابجي يم بيبتي على المدرسة اكله ليش