ليتني لم اكن انا

الحلقة الحادية عشرة

مؤلم أن يؤلمك من تخشى عليه من الألم...!💔

صباح الخير والبركة حبايب كلبي🖤

ام سعد... .سلاااااام حدك ولك

انه ماربيت عواهر ..
يلردي.اشلون تكول على عرضك هيج

وانه اكول عليك العاقل ثاري بطني ماجابت بس الغمان

سلام :يمه شهل حجي هاي تربيتج

تمد ايده عله عمته ؟اشلون تربيه طايح حضه

-ولك شو انته ما تستحي

شعبالك كبرت وماكدر اردك

والله بعلي سماء الي يوصل يم حوراء...

مايلوم اله نفسه
شوف اكلك تكضبون رواحكم عني
تره بلعباس ابو فاضل اخذه واهج كافييي استحو على عماركم

-هاااا هيج صارت هاي تالي الربه والتعب ..

صرنه موزينين يمه خلفله عليج ..

وانتي شوفي ساس البله يحجي ..وياشر عليه... كفيلج الله اذا مااتادبتي اهفج.

وره ابوج ومايرفلي جفن ..

-واك امشي ولي هسه ..
هاي اشلون طلابة عمي مره مريضة ومااكدر
وراح تموتوني شتردون من هل مكروده تره جاهل موش بكدكم عيب عليكم. هل حجي ..

- يمه انه طالع واذا سمعت مسويه شي ..
بلقران محد يخلصه من يدي ..
افتهمتييي..

-تول تول رحم الله والديك
روح لشغلك موش جاي تتهدد علي ..

راح عمي

وضلت بيبي تعد وتصف عليهم ..

هيج منكم وهيج من نسوانكم والبي خير يلزم عايلته حجت حجت لحد ماسكتت وحده

نسوان عمي ابد ما يدخلن اذا صار هيج شي

كول وحده تختل بمكان لو شمتحجي بيبي محد يفتح حلكه وياهه ينتضرنه تهده ويجن يحاجنه

عمي صادق يتخبل اذا واحد حجه وياهه ميقبل ابد
يكول مره جبيره خلوه براحته شضاركم منه واذا حجت ..

-بيقت بلغرفة ماطلعت منها ابد ..

ندكت الباب ..

نسرين.. عمه عمه

ام سعد متمدده... هاااا خيرر

-عمه عمي ابو جواد رايدج... كاعد بلستقبال

كامت عدلت شيلته

-تعاي كوديني مابيه امشي ..كمت ابسرعه لزمت يده ورحنه للستقابال

ام سعد يا هلا ومرحبا اشونك حجي... كام وخله ستكان الجاي عله الطبله..

ابو جواد... هلا بيج خوية انتي اشلونج اشلون صحتج امورج

- والله... يخوية شكلك كوويجه( ازوينه) اسويف خلف نص ونص

عساج دوم. ان شاءالله..